ເກີດເຫດລະເບີດຢ່າງຮຸນແຮງ ທີ່ປະເທດຫວຽດນາມ ເສຍຊີວິດ 2 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjJ8H8DV8PMhNn3tw9eqX2gmQdmg9LN4yz05sqRLmYP06SDs9X8UhxG-CrmK2Nxon4gpOr-SpscK5BVz6I9-DOWSCqBPKmyKAgakaw5Swuqd17c2I5UMMmsmclKRfILtDt3l4nwGCRQ7bWG/s1600/168.jpg)
ສຳນັກຂ່າວຕ່າງປະເທດລາຍງານເມື່ອວັນທີ 3 ມັງກອນ 2018 ທີ່ຜ່ານມາວ່າ: ເຈົ້າໜ້າທີ່ກຳລັງສືບສວນຫາສາເຫດ ການລະເບີດໃນເຂດຊຸມຊົນຂອງເມືອງເຢິນຟອງ ແຂວງບັກນິນ ຕິດກັບນະຄອນຫຼວງຮາໂນຍດ້ານຕາເວັນອອກ ເມື່ອເວລາປະມານ 4:30 ໂມງ ເຊິ່ງໄດ້ເຮັດໃຫ້ມີຜູ້ເສຍຊີວິດ 2 ຄົນ, ບາດເຈັບ 8 ຄົນ ແລະ ເຮັດໃຫ້ອາຄານບ້ານເຮືອນພັງເສຍຫາຍຢ່າງໜ້ອຍ 4 ຫຼັງ.
ແມ່ຍິງຄົນໜຶ່ງທີ່ຢູ່ໃກ້ຄຽງຈຸດເກີດເຫດເລົ່າວ່າ: ໄດ້ຍິນສຽງດັງສະນັ່ນຢ່າງຮຸນແຮງເມື່ອຕອນເຊົ້າມືດ ເຮັດໃຫ້ລາວສະດຸ້ງຕື່ນຈາກການນອບຫຼັບ ແລະ ຮີບກອດລູກສາວໄວ້ ຕອນທຳອິດລາວຄິດວ່າແມ່ນຟ້າຜ່າລົງຫຼັງຄາເຮືອນຂອງລາວ ແຮງລະເບີດເຮັດໃຫ້ປະຕູຫ້ອງນອນພັງລົງມາທັບລາວ ແລະ ລູກ ແຕ່ບໍ່ໄດ້ຮັບບາດເຈັບຮຸນແຮງ.
![](https://blogger.googleusercontent.com/img/b/R29vZ2xl/AVvXsEi3aOc4809K_SJYoKjZNOd8Y7MAhcFOl_3-zjegdgoDFcPtTgZrBIUssBao_4r6IFVZG7sAmkVknEdsWlFDADOJBNRDQqY8AmRG1KdRI8O9DIwF6gifYWqRUGZSTAy1E_eSZKMG2XEYmA0A/s1600/166.jpg)
ຈາກການເປີດເຜີຍຂອງເຈົ້າໜ້າທີ່ທ້ອງຖິ່ນລາຍໜຶ່ງກ່າວວ່າ: ຈຸດທີ່ເກີດລະເບີດຢູ່ໃນເຂດທີ່ພັກອາໄສຂອງກຸ່ມຄົນເກັບຂີ້ເຫຍື້ອ ແລະ ເສດເຫຼັກ, ເສດໂລຫະຈາກອາວຸດຕ່າງໆ ລວມທັງລະເບີດທີ່ຕົກຄ້າງຈາກສົງຄາມຫວຽດນາມ ທີ່ມີກະແຈກກະຈາຍຢູ່ທົ່ວປະເທດຫວຽດນາມ ມັກເຮັດໃຫ້ເກີດເຫດລັກສະນະນີ້ຫຼາຍຄັ້ງ.
ນັບຕັ້ງແຕ່ສົງຄາມຫວຽດນາມຢຸດຕິລົງໃນປີ 1975 ຈົນເຖິງປັດຈຸບັນປະຊາຊົນໃນຫວຽດນາມເສຍຊີວິດກວ່າ 42,000 ຄົນ ແລະ ບາດເຈັບກວ່າ 62,100 ຄົນ ຈາກລະເບີດບໍ່ທັນແຕກ ທີ່ກອງທັບສະຫະລັດ ອາເມຣິກາ ນຳໄປຖິ້ມໂຈມຕີຫວຽດນາມໃນສະໄໝນັ້ນ.
![](https://blogger.googleusercontent.com/img/b/R29vZ2xl/AVvXsEjo0rjfdfdUn7xSQdrt_iMsUZ6_64ckKlEP1lfi12iWl3KhzZeHJasiDK17atHEf62NYuIcjnLAD2bCv6-aUilZDWjYsfYWO9m_D-J9iEWeaJyaxRgS6RsLn9PMT2z7g9c1w-F52hg1dWK7/s1600/167.jpg)
![](https://blogger.googleusercontent.com/img/b/R29vZ2xl/AVvXsEi7nkN2fM180sCIiGyj0p9YBNyrb5JHF_IQECsXLGCIv3BCe2UpI_1tKDSyWNUjx_YRKa0JRDRQ4_NBToGM_RplCp-zTmXZmkmtOJUsmWmSGW8-ohf6Hw38ZzGA_D4OceAmFnjxfcc9HKeL/s1600/169.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ