ໄຟໄໝ້ເຮືອບັນທຸກແກັດອີຣານ ທີ່ຕຳກັບເຮືອບັນທຸກສິນຄ້າຈີນ ສູນຫາຍ 32 ຄົນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhEbK6W1v8t9A982BSoQaUqi2BwD4NDxopunhL4IJ08wAGgMvCYkr6KWZ-EgsO0ijaElPd_UHAPT60OX0F5WrbN7Gc_8mXMkBa8osoMKphyphenhyphenGHWSmnSheTJefN5bQcyCFzDvDIdzRppwyTyv/s1600/184.jpg)
ສຳນັກຂ່າວຕ່າງປະເທດລາຍງານ 7 ມັງກອນ 2018 ວ່າ: ກະຊວງຄົມມະນາຄົມຂອງຈີນຖະແຫຼງວ່າ ເຮືອບັນທຸກນ້ຳມັນຊື່ ຊານຈີ (Sanchi) ຈົດທະບຽນໃນປະເທດປານາມາ ບັນທຸກແກັດທຳມະຊາດແຫຼວ 136,000 ໂຕນ ເດີນທາງມາຈາກປະເທດອີຣານ ເພື່ອຈະໄປຍັງປະເທດເກົາຫຼີໃຕ້ ເກີດໄຟລຸກໄໝ້ຢ່າງຮຸນແຮງ ແລະ ເກີດຄວັນດຳຕຶບໜາລອຍຂຶ້ນສູ່ທ້ອງຟ້າ ພາຍຫຼັງທີ່ຕຳກັບເຮືອຂົນສົ່ງສິນຄ້າຊື່ CF Crystal ຈົດທະບຽນໃນຮົງກົງ ເມື່ອຄືນວັນເສົາທີ່ຜ່ານມາ ນອກຝັ່ງທາງຕາເວັນອອກຂອງຈີນ ຫ່າງຈາກຝັ່ງເມືອງຊຽງໄຮ ປະມານ 257 ກິໂລແມັດ, ຈົນຮອດຕອນເຊົ້າວັນອາທິດ ເຮືອຍັງມີໄຟລຸກໄໝ້ຢູ່ ເຖິງແມ່ນວ່າທາງການຈີນໄດ້ສົ່ງເຮືອຕຳຫຼວດ ແລະ ເຮືອທຳຄວາມສະອາດຄາບນ້ຳມັນ 3 ລຳເຂົ້າໄປໃກ້ບ່ອນເກີດເຫດແລ້ວກໍ່ຕາມ ນອກຈາກນັ້ນກໍ່ຍັງມີເຮືອຍາມຝັ່ງຂອງເກົາຫຼີໃຕ້ ແລະ ຍົນອີກ 1 ລຳເຂົ້າມາຊ່ວຍໃນປະຕິບັດການຄົ້ນຫາຜູ້ສູນຫາຍ.
![](https://blogger.googleusercontent.com/img/b/R29vZ2xl/AVvXsEh7Pcse_9aqLdvWcAjJPEAYxkYUuvl5CAdSwVZ-kqS4O2pXphPHYotv0HC3fq37F1j6gJVSGOQYsVT-0OoGtddclknkPUXzWArFbi-HRFKEZFjMk_CGsVRSiF5Fdko7J3Fp3JjhBx2SQxtm/s1600/185.jpg)
ຖະແຫຼງການລະບຸວ່າ ລູກເຮືອ 32 ຄົນຂອງເຮືອບັນທຸກນ້ຳມັນ ຮູ້ວ່າເປັນຄົນອີຣານ 30 ຄົນ ແລະ ຄົນບັງກະລາເທດ 2 ຄົນ ສູນຫາຍ, ສ່ວນລູກເຮືອຂອງເຮືອຂົນສົ່ງສິນຄ້າ 21 ຄົນເປັນຄົນຈີນທັງໝົດ ໄດ້ຮັບການຊ່ວຍເຫຼືອຢ່າງປອດໄພແລ້ວ.
ເຮືອບັນທຸກນ້ຳມັນ ຊານຈີ ຂະໜາດຄວາມຍາວ 274 ແມັດ, ດຳເນີນງານໂດຍກຸ່ມບໍລິສັດ Glory Shipping ຂອງອີຣານ ບັນທຸກແກັດແຫຼວມາສົ່ງໃຫ້ເກົາຫຼີໃຕ້ ສ່ວນເຮືອຂົນສົ່ງສິນຄ້ານັ້ນບັນທຸກເຂົ້າ 64,000 ໂຕນມາຈາກສະຫະລັດ ອາເມຣິກາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ