ເຈົ້າໜ້າທີ່ໄທ ຈັບແມ່ຍິງລາວ ປອມແປງກາປະທັບ ເພື່ອກັບປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjmxm2Obc0oNIBt0D21QMRlrn7OZxIwViT9Zdt1QlnnCbr2fqsuzb_5WuQyWQHg5piWc3HEYad3yiYHgXK5SHv64XjvzJyVdb7SvUQgNabWAoM6_6mVoYSbi7U5x6rj2_dO-xk6c2Czd8y4/s1600/171.png)
ສຳນັກຂ່າວໃນໄທລາຍງານ 4 ມັງກອນ 2017 ວ່າ: ຮ້ອຍຕຳຫຼວດເອກ ອະພິຊາດ ຄົນລະທາ ເຈົ້າໜ້າທີ່ກວດຄົນເຂົ້າເມືອງໜອງຄາຍ ທີ່ປະຕິບັດໜ້າທີ່ຢູ່ດ່ານຂົວມິດຕະພາບລາວ-ໄທ 1 ກວ່າວ່າ: ຈາກການປະຕິບັດໜ້າທີ່ຕາມປົກກະຕິ ໄດ້ມີນາງ ແອນນີ ບໍ່ມີນາມສະກຸນ ອາຍຸ 29 ປີ ຄົນບ້ານວຽງແກ້ວ ເມືອງໄຊທານີ ນະຄອນຫຼວງວຽງຈັນ ສປປ.ລາວ ໄດ້ນຳໜັງສືຜ່ານແດນມາສະແດງຕໍ່ເຈົ້າໜ້າທີ່ຂໍເດີນທາງອອກນອກປະເທດ ແຕ່ເຈົ້າໜ້າທີ່ພົບຄວາມຜິດປົກກະຕິໃນໜັງສືຜ່ານແດນ ຈຶ່ງໄດ້ຄວບຄຸມຕົວນາງ ແອນນີ ໄວ້ກອ່ນ ແລະ ໄດ້ສົ່ງຕົວໄປສືບສວນ.
![](https://blogger.googleusercontent.com/img/b/R29vZ2xl/AVvXsEimZh24nkds2-YgquYkEyUnMT730BFQXaH3hBBKQYjvJBAjHiA8oWs7_KnOD55XGVVwagd7z12sUr5ZHU8ibR5FLigpe6g-x7fTHM7qJqJYIDn6uHbNbF9PdGB4Ud3Mkml5goKpB3BJeDO_/s1600/172.png)
ຈາກການສືບສວນ ໜັງສືຜ່ານແດນຂອງນາງ ແອນນີ ພົບວ່າມີການປອມແປງຮອຍກາເລກໜັງສືເດີນທາງ P1431050 ເຊິ່ງໄປກົງກັບຮອຍກາເລກໜັງສືຜ່ານແດນຂອງນາງ ອຳພອນ ອິນສົມເຮືອງ ຄົນລາວ ທີ່ໃຊ້ໜັງສືຜ່ານແດນ ເລກທີ່ນີ້ຜ່ານທາງດ່ານກວດຄົນເຂົ້າເມືອງ 3 ຈັນທະບູລີ.
ເບື້ອງຕົ້ນນາງ ແອນນີ ໃຫ້ການຮັບສາລະພາບວ່າ ໄດ້ເດີນທາງໄປເຮັດວຽກຢູ່ບາງກອກ ແລະ ຢູ່ເກີນກຳນົດ 251 ວັນ ແຕ່ຕ້ອງການກັບປະເທດ ຈຶ່ງສອບຖາມໝູ່ຮ່ວມງານນຳກັນ ແລະ ມີນາງ ນ້ອຍ ຄົນລາວ ບອກວ່າສາມາດເຮັດໜັງສືຜ່ານແດນທີ່ມີກາປະທັບຄືກັບຂອງແທ້ໃຫ້ໄດ້ ຕົນຈຶ່ງຈ່າຍຄ່າຈ້າງເຮັດໃຫ້ເຮັດໃຫ້ 1,500 ບາດ ເພື່ອໃຫ້ເບິ່ງຄືກັບວ່າມີການເຂົ້າອອກປະເທດຫຼາຍຄັ້ງ ບໍ່ໄດ້ຢູ່ເກີນກຳນົດຈົນດົນຜິດສັງເກດ ແຕ່ກໍ່ມາຖືກຈັບໄດ້ໃນທີ່ສຸດ ເຊິ່ງເຈົ້າໜ້າທີ່ໄດ້ແຈ້ງຂໍ້ຫາ ປອມກາປະທັບ, ຮອຍກາ ຫຼື ແຜ່ນກວດລົງກາຂອງເຈົ້າໜ້າທີ່ກວດຄົນເຂົ້າເມືອງ ແລະ ຈະໄດ້ມີການສືບສວນຂະຫຍາຍຜົນການຈັບກຸມຜູ້ລັກລອບເຮັດກາປະທັບຂອງທາງການຕໍ່ໄປ.
ຈາກ: กรุงเทพธุรกิจ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ