ລັດຖະບານ ອອກຂໍ້ຕົກລົງ ລາຍການຜະລິດຕະພັນໄມ້ ທີ່ສາມາດສົ່ງອອກ ສະບັບໃໝ່
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg28RyAqE9DDqHDH7b81j-eIFPBoRRdbs_RURBk6EGyKLsDuTYqANbTDqX2wt1PzuuCPziG9AyazZw1mwCDIEb5LKLY9KNob8Cn6K2uHKHBnJOILMUm1a5ZMPMlvrgtRmpDjVvspIkiHdFc/s1600/192.jpg)
ເພື່ອຈັດຕັ້ງປະຕິບັດຄໍາສັ່ງຂອງ ທ່ານ ນາຍົກລັດຖະມົນຕີ ເລກທີ 15/ນຍ, ລົງວັນທີ 13 ພຶດສະພາ 2016 ແລະ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີເລກທີ 2035/ຫສນຍ.ກລຂ, ລົງວັນທີ 21 ທັນວາ 2017. ກະຊວງອຸດສາຫະກໍາ ແລະ ການຄ້າ ໄດ້ອອກ ຂໍ້ຕົກລົງ ວ່າດ້ວຍ ການຮັບຮອງລາຍການ (ບັນຊີ) ຜະລິດຕະພັນໄມ້ ເພື່ອສົ່ງອອກາສະບັບເລກທີ 0002/ອຄ, ລົງວັນທີ 03 ມັງກອນ 2018 ເພື່ອປ່ຽນແທນ ຂໍ້ຕົກລົງ ວ່າດ້ວຍ ການຮັບຮອງເອົາລາຍການ (ບັນຊີ) ຜະະລິດຕະພັນໄມ້ ເພື່ອສົ່ງອອກ ສະບັບເລກທີ 1833/ອຄ, ລົງວັນທີ 3 ຕຸລາ 2016.
![](https://blogger.googleusercontent.com/img/b/R29vZ2xl/AVvXsEgFkcxi5bmcT_hK334i7UmPeINrcDvGfhE2r4x_FqSOuy_ffMiMFdizkEFz21tfRy5UKUxNDn-XIQ1sTw7IHK3hUERRCvcuC4-PQO3NTIAaMuLcbONE-wTG9Q2GSkzwSnA7P6eiaLy0uepH/s1600/191.jpg)
ຂໍ້ຕົກລົງສະບັບນີ້ ໄດ້ຮັບຮອງເອົາລາຍການ (ບັນຊີ) ຜະລິດຕະພັນໄມ້ ເພື່ອສົ່ງອອກ (ສະບັບປັບປຸງ) ເຊິ່ງປະກອບມີ:
- ລາຍການ (ບັນຊີ) ຜະລິດຕະພັນ “ໄມ້ທໍາມະຊາດ” ເພື່ອສົ່ງອອກ (ເອກະສານຊ້ອນທ້າຍ 01)
- ລາຍການ (ບັນຊີ) ຜະລິດຕະພັນ “ໄມ້ປູກ” ເພື່ອສົ່ງອອກ (ເອກະສານຊ້ອນທ້າຍ 02)
- ລາຍການ (ບັນຊີ) ຜະລິດຕະພັນ “ໄມ້ປ໋ອງ ແລະ ຫວາຍ” ເພື່ອສົ່ງອອກ (ເອກະສານຊ້ອນທ້າຍ 03)
ການຈັດຕັ້ງປະຕິບັດ: ມອບໃຫ້ກົມອຸດສາຫະກໍາ ແລະ ຫັດຖະກໍາ ອອກຄໍາແນະນໍາ ກ່ຽວກັບລາຍການ (ບັນຊີ) ຜະລິດຕະພັນໄມ້ ເພື່ອສົ່ງອອກ (ສະບັບປັບປຸງ) ແລະ ມອບໃຫ້ພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງ ສົມທົບກັບພາກສ່ວນກ່ຽວຂ້ອງຈັດຕັ້ງປະຕິບັດ ຂໍ້ຕົກລົງສະບັບນີ້.
ກົດທີ່ນີ້: ດາວໂຫຼດຂໍ້ຕົກລົງສະບັບດັ່ງກ່າວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ