ອາຊຽນ-ອິນເດຍ ຈະຮ່ວມມືຮັກສາຄວາມໝັ້ນຄົງທາງທະເລ ແລະ ເພີ່ມທະວີດ້ານການຄ້າ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi_iC_EmY5Rf7kLm4GvlKH6sDSo8F2VvT2uEye0G62Q5IyvJ4pDUmgX1U-JQ5-NaOk0IlSAmVEFsbbzqSFmlOcRpElLRVm7INfIj6FaScNieDnplqliA3ebYSGwP2kUBOHecLtgaEUsPe1O/s1600/21.jpg)
ສຳນັກຂ່າວຕ່າງປະເທດລາຍງານ 26 ມັງກອນ 2018 ວ່າ: ກະຊວງການຕ່າງປະເທດອິນເດຍອອກຖະແຫຼງການເມື່ອວັນພະຫັດທີ່ຜ່ານມາ ກ່ຽວກັບຜົນການປະຊຸມສຸດຍອດອາຊຽນ-ອິນເດຍ ສະໄໝພິເສດ ເນື່ອງໃນວາລະຄົບຮອບ 25 ປີ ຂອງການສະຖາປະນາສາຍພົວພັນທາງການທູດລະຫວ່າງອາຊຽນ ກັບ ອິນເດຍ ວ່າທ່ານ ນະເຣນທຣາ ໂມດີ ນາຍົກລັດຖະມົນຕີຂອງອິນເດຍ ແລະ ຜູ້ນຳ 10 ປະເທດສະມາຊິກອາຊຽນ ເຫັນດີຮ່ວມກັນໃນຫຼັກການວ່າດ້ວຍການຂະຫຍາຍກອບການຮ່ວມມືດ້ານຄວາມໝັ້ນຄົງທາງທະເລ ເພື່ອຮັບມືກັບສິ່ງທ້າທາຍຕ່າງໆ ທັງທີ່ເປັນໄປຕາມແບບແຜນ ແລະ ບໍ່ເປັນໄປຕາມແບບແຜນ ແຕ່ບໍ່ໄດ້ລົງເລິກລາຍລະອຽດ.
![](https://blogger.googleusercontent.com/img/b/R29vZ2xl/AVvXsEjPxIHsBYv35Omfwia1CIfkDjMBp9wseI24D-kpaott4ETwVYwtXoGZ7k8JoMvpzocrThTSgHEbaaX8uaXh_BkJVhHBi8_VMtRkNwBTPM-MMv_SeY8e7v26R7WAWkoCrYPU7ifT0GEGj5MI/s1600/22.jpg)
ຂະນະດຽວກັນທ່ານ ນະເຣນທຣາ ໂມດີ ຍັງສະເໜີແນວຄິດການສ້າງຕັ້ງກອງທັບເຮືອເພດຍິງອິນເດຍ-ອາຊຽນ ເພື່ອປະຕິບັດພາລະກິດລ່ອງເຮືອຮອບໂລກຮ່ວມກັນ ດັ່ງກອງທັບເຮືອເພດຍິງອິນເດຍ ທີ່ໄດ້ເລີ່ມປະຕິບັດພາລະກິດັ່ງກ່າວເມື່ອເດືອນກັນຍາ ປີທີ່ຜ່ານມາ. ນອກຈາກນີ້, ທ່ານນາຍົກລັດຖະມົນຕີຂອງອິນເດຍຍັງປະກາດຍົກລະດັບການຮ່ວມມືທາງການຄ້າ ແລະ ການລົງທຶນລະຫວ່າງອິນເດຍກັບອາຊຽນ ຕາມກອບນະໂຍບາຍ "ປະຕິບັດການຕາເວັນອອກ" ປັດຈຸບັນມູນຄ່າການຄ້າລະຫວ່າງອິນເດຍກັບອາຊຽນ ແມ່ນຍັງໜ້ອຍກວ່າມູນຄ່າການຄ້າລະຫວ່າງຈີນກັບອາຊຽນເຖິງ 6 ເທົ່າ ຈາກຕົວເລກເມື່ອປີ 2017.
![](https://blogger.googleusercontent.com/img/b/R29vZ2xl/AVvXsEgFuBsz-JVtUJp9pFOKd5Au2ZrI0pB7JGsFBLDZFnfyC1LMFmEf7zR0jbxgZr-X4wcumacxp6mxznmboaYNKCLNRiTb1acjBeQDlkGTNeLGKo8s0ZIbFNdyhpad0ArLLdYXEa26u8keng6R/s1600/18.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ