ເກົາຫຼີເໜືອ ຈັດສະແດງຂີປະນາວຸດ ຮວາຊອງ-14 ແລະ 15 ໃນວັນສ້າງຕັ້ງກອງທັບ ຄົບຮອບ 70 ປີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhVCJtVVK1W-3Zjj0mKWb_iKtYsu8jawMr0yAbNI3pJDvcXr9VftggZD_03cqCCfI16JJb7l8A3H5zqX6nlPHgnLeqYoBR0bGv2xQDvR59aC1seDiVi9i3rxXds7ISqtE8DWRk1KpwYPKdo/s1600/411.jpg)
ສຳນັກຂ່າວຕ່າງປະເທດລາຍງານ 9 ກຸມພາ 2018 ວ່າ: ຂະບວນສວນສະໜາມສະແດງກ້ອນກຳລັງທາງການທະຫານ ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງກອງທັບປະຊາຊົນເກົາຫຼີ ຄົບຮອບ 70 ປີ ທີ່ຈັດຂຶ້ນເມື່ອວັນທີ 8 ກຸມພາ 2018 ທີ່ຜ່ານມາ ໂດຍມີ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ແລະ ເຈົ້າໜ້າທີ່ລັດລະດັບສູງຫຼາຍທ່ານເຂົ້າຮ່ວມໃນພີທີ.
![](https://blogger.googleusercontent.com/img/b/R29vZ2xl/AVvXsEhC9mf4xiNVuSkIQpBYfqYR1RpfU48BpQuZAfDmMmk7t1OPZA5BdlUxoR9GPxEUOyhSqGzCvNjqnc5L1w0wWAsDgzjf_ZgLt1Ng_0z9kP2ho2C8_AcbqtD6TNI-VFFL7pkACgHwHPP5NrWA/s1600/416.jpg)
ສື່ມວນຊົນຂອງທາງການເກົາຫຼີເໜືອໄດ້ເຜີຍແຜ່ພາບຖ່າຍຂະບວນກ້ອນກຳລັງຕ່າງໆທາງການທະຫານ ໂດຍສະເພາະແມ່ນຂີປະນາວຸດຂ້າມທະວີບ (ICBM) ຮວາຊອງ-14 ແລະ ຮວາຊອງ-15 ທີ່ເຄີຍທົດລອງຍິງໄປແລ້ວເມື່ອປີທີ່ຜ່ານມາ ແຕ່ເປັນການເປີດຕົວຕໍ່ສາທາລະນະຊົນເປັນຄັ້ງທຳອິດ.
ຂີປະນາວຸດຮວາຊອງ-15 ມີ 4 ລູກເຄື່ອນຂະບວນມາເທິງລົດບັນທຸກ ທີ່ປະສົບຄວາມສຳເລັດໃນການທົດລອງຍິງເມື່ອເດືອນພະຈິກ 2017 ມາແລ້ວ, ນັກວິເຄາະເຊື່ອວ່າ ສາມາດຍິງເຖິງເປົ້າໝາຍທຸກແຫ່ງເທິງແຜ່ນດິນໃຫຍ່ຂອງສະຫະລັດ ອາເມຣິກາ ສ່ວນຂີປະນາວຸດຮວາຊອງ-14 ກໍ່ປະສົມຄວາມສຳເລັດໃນການທົດລອງຍິງສອງຄັ້ງເມື່ອປີທີ່ຜ່ານມາເຊັ່ນກັນ.
![](https://blogger.googleusercontent.com/img/b/R29vZ2xl/AVvXsEg1KttFAReWrcFF17m3C4eSkfovmwN4IRE9o0phwFq7FqbjJNDincis10VMi-nU3W8Lckff75n1onr4H_UhS7hyphenhypheniSJGp2rXW4EN-g7MAasLFP_c4izuxa1t1cVvW-6hudmqhxEJp_GDwaRt/s1600/412.jpg)
ນອກຈາກນີ້, ໃນຂະບວນຍັງໄດ້ເປີດຕົວຂີປະນາວຸດວິໄສໃກ້ລູກໃໝ່ ເຊິ່ງມີຕົ້ນແບບຄ້າຍຄືກັບຂີປະນາວຸດອິສກັນເດີ ຂອງລັດເຊຍ ແຕ່ກໍ່ມີບາງສ່ວນຄ້າຍກັບຂີປະນາວຸດຮະຢັນມູ-2 ຂອງເກົາຫຼີໃຕ້.
![](https://blogger.googleusercontent.com/img/b/R29vZ2xl/AVvXsEgk_31gcyu8QH5r6TFqrQv6mXE1VJ-XU-WFGMHZyV55AQHvjWCaOziToq2kEghyphenhyphenOpiNJe-zLpHKWNM5P-Lh16ohdu6S7VLa_fq_AI_RRV0QiBavPAJAFAE4r8RAM-NxHmubVfu-SS1p4qja/s1600/417.jpg)
ການສະແດງກ້ອນກຳລັງທາງການທະຫານຄັ້ງຫຼ້າສຸດຂອງເກົາຫຼີເໜືອໃນຄັ້ງນີ້ ເນັ້ນໄປທີ່ອາວຸດໜັກເຊັ່ນ: ຂີປະນາວຸດຫຼາຍກວ່າເນັ້ນລົດຕັງ ຫຼື ປືນໃຫຍ່ ສະທ້ອນໃຫ້ເຫັນວ່າ ເກົາຫຼີເໜືອພະຍາຍາມທີ່ຈະສະແດງພາບລັກໃຫ້ເປັນທີ່ຮັບຮູ້ວ່າ ມີຄວາມກ້າວໜ້າຢ່າງຍິ່ງໃນດ້ານອາວຸດສົງຄາມ.
![](https://blogger.googleusercontent.com/img/b/R29vZ2xl/AVvXsEhe34sexkl36i8JKst7J1yLHIcNn2YDMa2c8t2QRgnt7cHpbADWLiEqymogmhr6II1-WOHbRGKMbBAFS0961kw4UwLOjlYEe2d6P1scvSUxB1w3fzF13ypqtw49lZ99-CXxhnLZ8XPtPSc2/s1600/413.jpg)
![](https://blogger.googleusercontent.com/img/b/R29vZ2xl/AVvXsEi4wyMD16TVj7Arl1tuKL3R4nwXqk-_JnHQS4VtU04oaWTY5m6otrudl8Kr8D_BaGS2HKPD_rZ_u_e1AdAfV4T-bTg9K1-Hr7FW24KO3zgwGZYSX0vGFzy8aLrgvySWBviEuEy-pdR3RB-Q/s1600/415.jpg)
![](https://blogger.googleusercontent.com/img/b/R29vZ2xl/AVvXsEi6C8exxsLCZXT7mPULfRhZti-brO24lm8ciPf39AOYYUFaxV0fhyphenhyphenlHoHeQlaxVQEisRHG3JF3_C56RR7Y5XqExsItzGia94HOrNcatxFK5M4FC1xJCH4QctEHDPBm55Lk7fsS_p70-XDyH/s1600/414.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ