ດິນຊຸເຈື່ອນ ຝັງຊາວນາທັງເປັນກວ່າ 20 ຊີວິດ ທີ່ປະເທດອິນໂດເນເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjpP3vQWJ6JdseK_T4nV_RfcKRNrmtBI2r4WhcxkdNLDsuUFRU-HJrkRz0L5KPUBRV3o8VwMEzydwWi9_AjnBX1iqhGqxLAP4Zz8sEKtHrDNpIJ1Mey5YyUo8QV8p7tdosgN_hjrthp8jEQ/s1600/118.jpg)
ສຳນັກຂ່າວຕ່າງປະເທດລາຍງານເມື່ອວັນທີ 22 ກຸມພາ 2018 ທີ່ຜ່ານມາວ່າ: ທ່ານ ຊູໂຕໂປ ປູໂວ ນະໂກຼໂຮ ໂຄສົກສຳນັກງານຫຼຸດຜ່ອນໄພພິບັດແຫ່ງຊາດອິນໂດເນເຊຍ ກ່າວວາໄດ້ຮັບແຈ້ງເຫດດິນພູຊຸເຈື່ອນມາທັບຖົມນາເຂົ້າຂອງປະຊາຊົນ ທີ່ບ້ານແຫ່ງໜຶ່ງໃນເມືອງເບຼເບສ ແຂວງຊວາກາງ ເມື່ອເວລາປະມານ 8:00 ໂມງ ຂອງວັນພະຫັດ (22 ກຸມພາ) ຈຶ່ງໄດ້ປະສານຂໍຄວາມຊ່ວຍເຫຼືອໄປຍັງຄ້າຍທະຫານຢູ່ແຂວງຊວາກາງ ເພື່ອສົ່ງທະຫານໄປຊ່ວຍເຫຼືອ.
![](https://blogger.googleusercontent.com/img/b/R29vZ2xl/AVvXsEgjfYN4wQBomVjfS3H_0YI2i68Ov4aU-8pmVN6barvKgb2TNULd5bgL_JgtfnnxG7tmJSFSdk0_rIiJbhUTygffCGSTqULN1xAzf06owYI7g8FMNo6h9ghlg4xZPplxUhC3eA1tyeGc1QVA/s1600/117.jpg)
ທ່ານ ອາປຣີຢັນໂຕ ຊູດາໂມໂຕ ຫົວໜ້າເຂດປົກຄອງທ້ອງຖິ່ນກ່າວວ່າ ເຫດເກີດຂຶ້ນຫຼັງຈາກຝົນຕົກແຮງຕໍ່ເນື່ອງກັນຫຼາຍມື້ໃນເຂດດັ່ງກ່າວ ເຊິ່ງຢູ່ຫ່າງຈາກນະຄອນຫຼວງຈາກາຕາ ໄປທາງຕາເວັນອອກຂັບລົດປະມານ 7 ຊົ່ວໂມງ ທະຫານໃຊ້ລົດຂຸດຕັກຂະໜາດໃຫຍ່ 2 ຄັນ ພ້ອມທັງໃຊ້ກຳລັງຄົນທີ່ລວມທັງອາສາສະໝັກ ແລະ ຊາວບ້ານ ເພື່ອຄົ້ນຫາຜູ້ສູນຫາຍ, ເບື້ອງຕົ້ນພົບຜູ້ເຄາະຮ້າຍເສຍຊີວິດແລ້ວ 5 ຄົນ ໄດ້ຮັບບາດເຈັບ 14 ຄົນ ແລະ ຍັງມີຜູ້ສູນຫາຍຄາດວ່າຄາຢູ່ໃນກອງຕົມກວ່າ 15 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ