ເກີດເຫດວາງລະເບີດທະນາຄານ ຢູ່ປະເທດມຽນມາ ເສຍຊີວິດ 2 ບາດເຈັບຈຳນວນຫຼາຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgD4hwYXhWMkxgTKrmGOTtRammquHLntI0EH8PFc3Xuj_jde8PFgUlNn96qbNoYzWDCa3QLANQZUrleR0TmX7RfHR4rU3AkpkG9_CzbuoAF_zkXdGbf08XpWMpU-BLLBkWyPP9gE9Nyxyne/s1600/107.jpg)
ສຳນັກຂ່າວຕ່າງປະເທດລາຍງານເມື່ອວັນທີ 21 ກຸມພາ 2018 ທີ່ຜ່ານມາວ່າ: ເຈົ້າໜ້າທີ່ຝ່າຍຄວາມໝັ້ນຄົງຂອງມຽນມາເປີດເຜີຍວ່າ ເກີດເຫດລະເບີດພາຍໃນທະນາຄານໂຢມາ ສາຂາເມືອງລ່າສ້ຽວ ໃນລັດສານ ທາງພາກເໜືອຂອງມຽນມາເມື່ອວັນພຸດ 21 ກຸມພາ ທີ່ຜ່ານມາ, ແຮງລະເບີດເຮັດໃຫ້ມີຜູ້ເສຍຊີວິດ 2 ຄົນ ເປັນພະນັກງານທະນາຄານເພດຍິງ ແລະ ບາດເຈັບອີກ 11 ຄົນ, ອາຄານໃກ້ຄຽງກໍ່ໄດ້ຮັບຄວາມເສຍຫາຍ ເພາະແຮງລະເບີດຂ້ອນຂ້າງແຮງ ນອກນັ້ນກໍ່ມີລົດອີກຫຼາຍຄັນທີ່ໄດ້ຮັບຄວາມເສຍຫາຍ.
![](https://blogger.googleusercontent.com/img/b/R29vZ2xl/AVvXsEjz-RHhu1jJRlUM_CvjbMgZSQJhWtxmfhBTpKFt4dcyIqz1irLvxaU8drM4vcTAlj6gY2vO44xzkLqJO_Gz7_FiMLkWL4cPit5Md-tmDDnI4O9XBl1nQYLnBH6BBGA63T6A2XabFo2f7AvU/s1600/108.jpg)
ແຕ່ຍັງບໍ່ມີກຸ່ມໃດອອກມາປະກາດອ້າງຄວາມຮັບຜິດຊອບເຫດໂຈມຕີດ້ວຍລະເບີດໃນຄັ້ງນີ້ ເຊິ່ງລັດສານເປັນລັດທີ່ມີຫຼາຍກຸ່ມຊົນຊາດຊົນເຜົ່າອາໄສຢູ່ ແຕ່ການໂຈມຕີໃນເຂດຕົວເມືອງນັ້ນບໍ່ຄ່ອຍເກີດຂຶ້ນ.
ທ່ານ ຊໍ ເຕ ໂຄສົກລັດຖະບານມຽນມາຖະແຫຼງຜ່ານ facebook ວ່າ: ແມ່ຍິງຜູ້ບໍລິສຸດ 2 ຄົນ ຕ້ອງມາເສຍຊີວິດ ແລະ ປະຊາຊົນອີກ 11 ຄົນຕ້ອງມາບາດເຈັບເພາະເຫດລະເບີດຄັ້ງນີ້, ຂະນະທີ່ທະນາຄານໂຢມາ ອອກຖະແຫຼງການສະແດງຄວາມເສຍໃຈຕໍ່ການສູນເສຍທີ່ເກີດຂຶ້ນ ແລະ ຂໍຢືນຢັນຄວາມເປັນໜຶ່ງດຽວຂອງທະນາຄານພາຍໃຕ້ສະຖານະການທີ່ເສົ້າສະຫຼົດໃຈ, ສ່ວນຕຳຫຼວດໃນນະຄອນຫຼວງເນປີດໍ ກ່າວຢືນຢັນວ່າ ມີຜູ້ເສຍຊີວິດ ແລະ ຜູ້ບາດເຈັບແທ້ ເຊິ່ງໄດ້ໃຫ້ການຊ່ວຍເຫຼືອແລ້ວ.
ທີ່ຜ່ານມາ, ທ່ານ ນາງ ອອງ ຊານ ຊູຈີ ຜູ້ນຳຄົນປັດຈຸບັນຂອງມຽນມາທີ່ກ້າວຂຶ້ນສູ່ອຳນາດໃນປີ 2016 ພະຍາຍາມຊຸກດັນຂະບວນການສັນຕິພາບເປັນອັບດັບທຳອິດ ແຕ່ກໍ່ຕ້ອງຈັດສັນອຳນາດສ່ວນໜຶ່ງໃຫ້ກັບກອງທັບ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ