ເຈົ້າໜ້າທີ່ແຂວງຄຳມ່ວນ ຖະແຫຼງເລື່ອງເສືອ 3 ໂຕ ທີ່ຢຶດໄດ້ຈາກຂະບວນການລັກລອບຄ້າຂາຍສັດປ່າ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEipdTG7loOsi111DD3MQD38nzsgAUeXBkb9FL5C6oj5FKfRN9TMgVk2RoclszffZaOLUvKQSA__CqsVl94n1GQp43lNqsNznCvB567Fw8UAPdDe3XZ41V1lmtYpWc1pdyGomb7xkBJV1FO5/s1600/475.jpg)
ໃນວັນທີ 6 ກຸມພາ 2018 ພະແນກຖະແຫຼງຂ່າວແຂວງຄຳມ່ວນລາຍງານວ່າ: ສຳລັບເສືອ 3 ໂຕທີ່ເປັນຂ່າວໃນສື່ອອນລາຍ ແລະ ສື່ຕ່າງໆເມື່ອຕົ້ນເດືອນ ມັງກອນ ທີ່ຜ່ານມາ ໂດຍທ່ານ ຄຳແກ້ວ ລັດຖະຍອດ ຫົວໜ້າກອງກວດກາປ່າໄມ້ແຂວງຄຳມ່ວນ ໄດ້ຖະແຫຼງໃຫ້ຮູ້ວ່າ: ໃນວັນທີ 12 ມັງກອນ 2018 ເຈົ້າໜ້າທີ່ກອງກວດ ກາປ່າໄມ້ແຂວງໄດ້ຮັບການແຈ້ງຈາກ ປກສ ເມືອງຍົມມະລາດ ແລະ ສະຫງົບສຸກກອງຫຼອນບ້ານແກ້ງເຫຼັກ ໄດ້ກັກຢຶດເສືອໂຄ່ງ ຈຳນວນ 3 ໂຕ ເຊິ່ງແຕ່ລະໂຕແມ່ນຢູ່ໃນສະພາບທີ່ຕາຍແລ້ວ ແລະ ຖືກຄົວເອົາເຄື່ອງໃນອອກຈົນໝົດ, ໂຕທີ 1 ມີນ້ຳໜັກ 165 ກິໂລກະກຼາມ ຢູ່ໃນສະພາບແຂ້ວແຕກຄ້າຍກັບຖືກທຸບ ຫຼືງັດຈາກວັດຖຸຂອງແຂງ ແລະ ໜ້າຜາກຖືກປາດເອົາໜັງອອກ, ໂຕທີ 2 ມີນ້ຳໜັກ 151 ກິໂລກຼາມ, ແຂ້ວເບື້ອງຊ້າຍຫັກ 2 ເຫຼັ້ມ ແລະ ເລັບເບື້ອງຂວາ 1 ເລັບຖືກທອດອອກ, ໂຕທີ 3 ນ້ຳໜັກ 118 ກິໂລກຼາມ ສະພາບແມ່ນຍັງຄົບນອກຈາກເຄື່ອງໃນທີ່ຖືກຄົວອອກໄປ.
![](https://blogger.googleusercontent.com/img/b/R29vZ2xl/AVvXsEjnyLMD8L7qqJ44B_5jt7jvquvVPC5JoNAMLDmtj7HCJUZ48_fcGLIl15Tj4IWQX4gW_8aXz36kyNq2jfLoIMi-iMU6ndF7he4GInkJ1L4XconsdV0u02Plh0PgwLOipNLLyAoy0UKIwsYA/s1600/476.jpg)
ຫຼັງຈາກນັ້ນເຈົ້າໜ້າທີ່ ກອງກວດກາປ່າໄມ້ ໂດຍສົມທົບກັບ ປກສ ແຂວງໄດ້ນຳເອົາເສືອດັ່ງກ່າວ ໄປໄວ້ທີ່ ຕູ້ແຊ່ແຂງທີ່ຝາມເສືອຂອງບໍລິສັດວິນາ-ສາຄອນ ບ້ານນ້ຳດິກ ເມືອງຫີນບູນ ເພື່ອເກັບຮັກສາໄວ້ເປັນຫຼັກຖານ ແລະ ລໍຖ້າໃນການ ດຳເນີນຄະດີຕໍ່ຜູ້ກະທຳຜິດ. ຈາກການສອບສວນ ເບື້ອງຕົ້ນນຂອງເຈົ້າໜ້າທີ່ໄດ້ຊາບຊື່ຜູ້ຕ້ອງຫາແມ່ນ ທ້າວ ປໍວ່າງ ຫ້ວຍຢາງ ເຊິ່ງເປັນປະຊາຊົນຢູ່ບ້ານທົ່ງແປ ເມືອງຄຳເກີດ ແຂວງບໍລິຄຳໄຊ. ຜູ້ກ່ຽວໃຫ້ການວ່າຕົນເອງພຽງແຕ່ເປັນຜູ້ຮັບຈ້າງຂົນສົ່ງ-ເຄື່ອນຍ້າຍເສືອຈຳນວນດັ່ງກ່າວ ໂດຍມີເປົ້າໝາຍຈະນຳສົ່ງອອກນອກປະເທດ. ສ່ວນວ່າເສືອທັງ 3 ໂຕນັ້ນເປັນຂອງໃຜ ແລະ ໄດ້ມາຈາກໃສແມ່ນຍັງບໍ່ຮູ້ລາຍລະອຽດທີ່ແທ້ຈິງ.
![](https://blogger.googleusercontent.com/img/b/R29vZ2xl/AVvXsEjfG9oj-rsMW1LIpWVsEKFDk8csv2W0H9qHg1XZnLqKt5DZGNwqRZLlRSIJl-QLycIELIXy9tzgWMQEa-Gx78KSBHFNR6Rc1-O4Hh4yyKZOj26MeehXmtzqQci7PwGTasMNa6je05NG16mS/s1600/478.jpg)
ໃນວັນທີ 29 ມັງກອນ ຜ່ານມາ ທ່ານ ນາງ ຫຼອມຄຳ ແສງຈັນອຸດົມ ຮອງຫົວໜ້າກົມກວດກາປ່າໄມ້ ກະຊວງກະສິກຳ ແລະ ປ່າໄມ້ ໄດ້ລົງມາສົມທົບກັບກອງກວດກາປ່າໄມ້ ແຂວງຄຳມ່ວນ ເພື່ອປຶກສາຫາລື ແລະ ເກັບກຳຂໍ້ມູນການດຳເນີນຄະດີການ ລັກລອບຊື້-ຂາຍ, ເຄື່ອນຍ້າຍເສືອໂຄ່ງດັ່ງກ່າວ ພ້ອມທັງຊີ້ນຳໃຫ້ເຈົ້າ ໜ້າທີ່ປະຕິບັດຕາມຂັ້ນຕອນຂອງກົດໝາຍ. ເຊິ່ງປັດຈຸບັນຜູ້ ກະທໍາຜິດແມ່ນຢູ່ໃນຂັ້ນຕອນການດຳເນີນຄະດີຂອງເຈົ້າໜ້າທີ່.
![](https://blogger.googleusercontent.com/img/b/R29vZ2xl/AVvXsEiu0Ose4xkFrbpuQeWgn8Tzval8jTGI55ZzrdtZOmaYBonlVdm4llNLO_Ys2dP0bYyjurzjJ5YRT4vd36oRWA7GqU9kMHBUvufzllQVuEzJAz_Zv5w2kebjDk964uEqP8J4VS2DKCn7jLc2/s1600/477.jpg)
![](https://blogger.googleusercontent.com/img/b/R29vZ2xl/AVvXsEhdEQWAXiEf4dD5IbSSAWcyDB0QcZnYYVsmuwlAstZjxZ44X7qEV_hw_2ApimoQEBZuLpZArulF_ikCvWy5L_swFlReEUJCca1d0kCZK41L_LIwmP-Zszj-cNxIsYkWJrt6Tok_95gll-jn/s1600/479.jpg)
![](https://blogger.googleusercontent.com/img/b/R29vZ2xl/AVvXsEgHnVctZvWOp-YbOWp7aDmH0CsWdMnO6L7jRiB-GsBxo6LnbROdinJRG7D_w6Sn3-_-3ZBx8XLyRGjkliNjBvW78RD2iy9J3iL3QCquzKfvHpr0hrJ21gOlufCCbti6oI6HmxwUn3OBolKv/s1600/480.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ