ເຈົ້າໂຄງການເຂື່ອນນ້ຳຂອງ ແຂວງໄຊຍະບູລີ ລາຍງານທ່ານ ປະທານປະເທດວ່າ: ສຳເລັດແລ້ວ 90%
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEidr71FEWL8nm6D01wdf1CBXcH1M_H8E4n3p0I97Pq2nBXi-CPB0CNHIl-MPp0tYxHmjc9d2NToVqaZfFscrbHpA1n5kvvP5DGpZBeSUof1z4g6nI75EnsEpOqC-J9D5gH1iabK3tV8qApt/s1600/468.jpg)
ໃນວັນທີ 16 ກຸມພາ 2018 ນີ້, ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ພ້ອມດ້ວຍພັນລະຍາ ແລະ ຄະນະ ໄດ້ຢ້ຽມຢາມໂຄງການກໍ່ສ້າງເຂື່ອນໄຟຟ້າພະລັງງານນໍ້າ-ນໍ້າຂອງ ແຂວງໄຊຍະບູລີ, ໃຫ້ການຕ້ອນຮັບໂດຍ ທ່ານ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ,ເຈົ້າແຂວງ ໄຊຍະບູລີ ພ້ອມດ້ວຍການນໍາຂອງແຂວງ ໃຫ້ການຕ້ອນຮັບຢ່າງອົບອຸ່ນ.
![](https://blogger.googleusercontent.com/img/b/R29vZ2xl/AVvXsEgQNtEARd9Z1Z0U_OLjyKUOhFcvlYHZIz5RM8-fs7N1c1yG4SEKdcjAc3ZLTwIaN4vu5En4zQZ3lUiMjrO4A-SY8o0yQc00UgYwD_1kgmGNerNXKRwR9FsNBGMQAOv31MjWbScPtt3QPyFb/s1600/467.jpg)
ກ່ອນອື່ນທີມງານຂອງທ່ານ ປະທານປະເທດແມ່ນໄດ້ຮັບຟັງການລາຍງານຫຍໍ້ ການກໍ່ສ້າງເຂື່ອນຈາກທ່ານ ອານຸພາບ ວົງລະຄອນ ຮອງຜູ້ຈັດການບໍລິສັດໄຊຍະບູລີພາວເວີ ທ່ານໄດ້ກ່າວວ່າ: ການກໍ່ສ້າງເຂື່ອນໄຟຟ້າພະລັງນໍ້າໄຊຍະບູລີມາຮອດປັດຈຸບັນແມ່ນມີຄວາມຄືບໜ້າແລ້ວ 90 %, ການກໍ່ສ້າງເຂື່ອນໄຟຟ້າພະລັງນໍ້າໄຊຍະບູລີໄດ້ເລີ່ມລົງມືແຕ່ປີ 2012 ແລະຮອດປີ 2019 ແມ່ນຈະສຳເລັດໄດ້ ແລະ ເປີດເຄື່ອງຜະລິດໄຟຟ້າຈຳໜ່າຍຂາຍໃຫ້ປະເທດໄທ ແລະ ຈຳນວນໜຶ່ງໃຊ້ໃນປະເທດ, ໂຄງການໄຟຟ້າພະລັງນໍ້າໄຊຍະບູລີມີ ລັກສະນະເປັນເຂື່ອນນໍ້າໄຫຼໂດຍສະເລ່ຍການໄຫຼຂອງນໍ້າແມ່ນ 4,000 ແມັດກ້ອນຕໍ່ວິນາທີ, ມີຄວາມສູງ 28.5 ແມັດ ຄວາມກ້ວາງຂອງສັນເຂື່ອນ 820 ແມັດ, ມີບານປະຕູລະບາຍນໍ້າ 7 ປ່ອງ ແລະ ບານປະຕູລະບາຍຕະກອນ 4 ປ່ອງ, ມີຊ່ອງທາງເຮືອຂື້ນລ່ອງກວ້າງ 12 ແມັດ, ຍາວ 700 ແມັດ, ສາມາດຮັບຮອງເຮືອຂົນສົ່ງສິນຄ້າໄດ້ 500ໂຕນ, ເຂື່ອນດັ່ງກ່າວມີກຳລັງຕິດຕັ້ງໄຟຟ້າທັງໝົດ 1.285 ເມກາວັດ, ມີ8ຊຸດ, ໃນນີ້ມີເຄື່ອງກຳເນີດໄຟຟ້າຂະໜາດ175 ເມກາວັດ 7 ຊຸດ, ສົ່ງໄຟຟ້າຜ່ານລະບົບສາຍສົ່ງ 500 ກິໂລໂວນຂາຍໃຫ້ການໄຟຟ້າຜະລິດແຫ່ງປະເທດໄທ ແລະ ເຄື່ອງກຳເນີດໄຟຟ້າ 60 ເມກາວັດຈຳນວນ 1 ຊຸດແມ່ນຈະໄດ້ສົ່ງຜ່ານສາຍສົ່ງ 115 ກິໂລໂວນເພື່ອຮັບໃຊ້ໃນ ສປປ.ລາວ. ລວມມູນຄ່າການກໍ່ສ້າງທັງໝົດ 4 ຕື້ໂດລາສະຫະລັດ.
![](https://blogger.googleusercontent.com/img/b/R29vZ2xl/AVvXsEjdHvv9XTtpcxy5U012ZmRenwp9SnwQjdSlFdRq7MYtkTm-qgW0qcaF2qVizL_9B2WFUOPxUYd0ibrb1egr18MMgN-B7o27WGpMfmWRwxXF7T9RD28YKjePmC9jaGDLPkoOTuCrbNXV_Oxh/s1600/470.jpg)
ສ່ວນປະຊາຊົນທີ່ຖືກຜົນກະທົບ, ທາງບໍລິສັດ ນອກຈາກທົດແທນຜົນເສຍຫາຍແລ້ວ, ຍັງໄດ້ປະກອບອາຊີບໃຫ້ປະຊາຊົນໂດຍການຝຶກວິຊາຊີບເຊັ່ນ: ການປູກ, ການລ້ຽງ, ການຈັກສານ-ຫັດຖະກຳ, ການແປຮູບຜະລິດຕະພັນສິນຄ້າໂອດອບ, ການບໍລິການ ແລະ ອື່ນໆ, ສະເລ່ຍລາຍຮັບໄດ້ 10-15 ລ້ານກີບຕໍ່ຄົວເຮືອນຕໍ່ປີ, ຈາກນັ້ນທ່ານ ປະທານປະເທດ ພ້ອມດ້ວຍຄະນະກໍ່ໄດ້ເຂົ້າຢ້ຽມຢາມເບິ່ງໜ້າວຽກການກໍ່ສ້າງຕົວຈິງຢູ່ສັນເຂື່ອນຕື່ມອີກ.
![](https://blogger.googleusercontent.com/img/b/R29vZ2xl/AVvXsEjWx_4nz7tVSaclPoNU0LIq_qz0ieADIFEQ1h-L75VR-UxsPp2mIZtzmXqusroLh3WfI6dMkTfS4cF17X1-mU2o36Njh2aL95w_gqSoaPJW8MBszTZCN6BClX1qdS5WKdG-L-w9EhX3RPKA/s1600/469.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ