ຜູ້ນຳຝຣັ່ງ ຮຽກຮ້ອງລັດເຊຍ ໃຫ້ໃຊ້ອິດທິພົນຢຸດຢັ້ງການໂຈມຕີຄັ້ງຮຸນແຮງໃນເຂດກູຕາ ຕາເວັນອອກຂອງຊີຣີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEin8BD7FDpQJC4rnAJsGmsQQTQwByAF0wP8nM2VAEZqlFkLPasXhGuv1oRrQQW-k0qXcOqak9H0Q-Zjk593ZCx0OiHTrpZwEjTMkoH31H5YXNZgHxgCi_cOlJV0ngfQf869ypspX-A7cbVO/s1600/423.jpg)
ສຳນັກຂ່າວຕ່າງປະເທດລາຍງານ 10 ກຸມພາ 2018 ວ່າ: ທຳນຽບເລລີເຊອອກຖະແຫຼງການເມື່ອວັນສຸກທີ່ຜ່ານມາວ່າ ທ່ານ ເອມມານູເອວ ມາຄຼົງ ປະທານປະເທດຝຣັ່ງ ໄດ້ສົນທະນາທາງໂທລະສັບກັບທ່ານ ປູຕິນ ປະທານປະເທດລັດເຊຍ ກ່ຽວກັບສະຖານະການການໂຈມຕີທັງທາງບົກ ແລະ ທາງອາກາດໃນເຂດກູຕາ ຕາເວັນອອກເຊິ່ງເປັນເຂດຢືດຄອງແຫ່ງສຸດທ້າຍຂອງຝ່າຍກະບົດທີ່ເຫຼືອຢູ່ຮອບນອກຂອງນະຄອນຫຼວງດາມັດສະກັດ ແລະ ຈຳນວນຜູ້ເສຍຊີວິດເພີ່ມຂຶ້ນຢ່າງຕໍ່ເນື່ອງເປັນຫຼາຍກວ່າ 240 ຄົນແລ້ວ ນັບຕັ້ງແຕ່ຕົ້ນອາທິດນີ້, ໂດຍຜູ້ນຳຝຣັ່ງຮຽກຮ້ອງໃຫ້ຜູ້ນຳລັດເຊຍໃນອິດທິພົນທີ່ມີຢູ່ເໜືອລັດຖະບານຊີຣີ ກົດດັນກອງທັບຊີຣີໃຫ້ຢຸດຕິພາລະກິດທັງໃນເຂດກູຕາ ຕາເວັນອອກ ແລະ ແຂວງອິດລິບ.
Telephone conversation with the President of France: Russian-French cooperation, developments in Syria and Ukraine https://t.co/IiJTdDg2bY— President of Russia (@KremlinRussia_E) February 9, 2018
ຂະນະດຽວກັນທ່ານ ມາຄຼົງກ່າວຊົມເຊີຍໃນຄວາມພະຍາຍາມຂອງທ່ານ ປູຕິນ ໃນການຊຸກດັນໃຫ້ຂະບວນການເຈລະຈາສັນຕິພາບເດີນໜ້າ ແຕ່ກໍ່ຍັງເປັນຫ່ວງກ່ຽວກັບການໃຊ້ອາວຸດເຄມີໂຈມຕີປະຊາຊົນໃນເຂດກະບົດຢຶດຄອງໃນຊີຣີຫຼາຍຄັ້ງໃນໄລຍະ 1 ເດືອນທີ່ຜ່ານມາ, ເຖິງຢ່າງໃດກໍ່ຕາມ ກະຊວງການຕ່າງປະເທດລັດເຊຍກໍ່ມີຖະແຫຼງການເມື່ອວັນພະຫັດທີ່ຜ່ານມາວ່າ ການຢຸດຍິງຍັງຫ່າງໄກຈາກຄວາມເປັນຈິງ ແລະ ປະນາມກຸ່ມຕິດອາວຸດໃນເຂດກູຕາ ຕາເວັນອອກ ເປັນຕົ້ນເຫດຂອງການນອງເລືອດໃນຄັ້ງນີ້ ເຊິ່ງອົງກອນສັງເກດການດ້ານສິດທິມະນຸດຊີຣີ ປະເມີນວ່າເປັນສະຖານະການການສູ້ຮົບທີ່ຮຸນແຮງທີ່ສຸດນັບຕັ້ງແຕ່ປີ 2015.
ໃນອີກດ້ານໜຶ່ງ ກອງທັບສະຫະລັດ ອາເມຣິກາ ແລະ ພັນທະມິດຍັງຄົງເດີນໜ້າໂຈມຕີທາງອາກາດໃນແຂວງເດອີ ເອສຊໍ ຢູ່ທາງຕາເວັນຕົກຂອງຊີຣີ ໂດຍມີລາຍງານວ່າທະຫານຂອງລັດຖະບານຊີຣີ ແລະ ກອງກຳລັງສະໜັບສະໜູນເສຍຊີວິດແລ້ວຫຼາຍກວ່າ 100 ຄົນ ຕັ້ງແຕ່ວັນພຸດທີ່ຜ່ານມາ, ຂະນະທີ່ທ່ານ ພົນເອກ ເຈມ ແມັດທິສ ລັດຖະມົນຕີກະຊວງປ້ອງກັນປະເທດສະຫະລັດ ອາເມຣິກາກ່າວເຖິງປະຕິບັດການຄັ້ງນີ້ວ່າ ເປັນການປ້ອງກັນຕົນເອງຈາກການຖືກລອບໂຈມຕີກ່ອນ.
![](https://blogger.googleusercontent.com/img/b/R29vZ2xl/AVvXsEg3wIbK6xzg9aQsIhb8Nx9LaNuQYflMoOrMOXXpdKNsUshfbAJ-UrwOPfpb9H31l-NyEudTg7Kc1xW_Fh7K1FDiPwdccUfiCVb5P3-g2-7g7GeRF6SG3pGBK1I8fyNPnEvWvr5pldl8Bh0T/s1600/424.jpg)
![](https://blogger.googleusercontent.com/img/b/R29vZ2xl/AVvXsEh6aDRH0y78GC-zz6WPBDAQgxy4JjmdGWsUXROkWZlXLf_KN3P8zgMHZIxnvs9zo-aslOfVVhN1Th-2ClYtEoX2HhkQRfYfzT8QlsJ3AkIRMdqsAmnLuVARCNVYR1FqhPdV1EUd4__LynnU/s1600/427.jpg)
![](https://blogger.googleusercontent.com/img/b/R29vZ2xl/AVvXsEgtJpVue5bXLlioWVcwxpNrqOiLAK4HBjxklb5TJMm1S3v2AuEPpMnwSUdsCkJuRGahXMLk8x8h3Se_Z_YLOExeZQJCrr1_hioMxRITI39L4xh9yyyBvnSAGvUwEdJNfQcYdQcTh2SKpilf/s1600/425.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ