ສາຍພົວພັນເພີ່ມພູນນ້ອງສາວທ່ານ ຄິມ ຈອງ-ອຶນ ສົ່ງສານເຊີນຜູ້ນຳສູງສຸດເກົາຫຼີໃຕ້ຢ້ຽມຢາມປະເທດແທນອ້າຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhxs-NWV-OpAMXH2rcbGg2Q4t2Rld4jZuMu0931lsafKdZgHjNwx2Dm5JC6dBf9uMLo-5qW-Xxo1wUDGt5tbdYqoLy7QRCOy6DdEQg9iWZSqmnP0tUPjWDkMcAS77d0QlyrisEyJNxgVWXf/s1600/432.jpg)
![](https://blogger.googleusercontent.com/img/b/R29vZ2xl/AVvXsEgrfgybK7gccQcgDMd5I-ZhPoVkq3AR-fSVLp6DSfl7pdWOrqr2KWX1HYYQfyGvlK4Ji-RRgIm_l3nP32lXVaz6BfOShc1lF6tvnp0QlGLRU4FLeN1zKRqvYUwV3VgBekDgB73BmPZaa6Sk/s1600/430.jpg)
ສຳນັກຂ່າວຕ່າງປະເທດລາຍງານ 10 ກຸມພາ 2018 ວ່າ: ທຳນຽບປະທານປະເທດເກົາຫຼີໃຕ້ ອອກຖະແຫຼງການໃນວັນເສົານີ້ວ່າ ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ໄດ້ຮັບຄຳເຊື່ອເຊີນຈາກທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໃຫ້ເດີນທາງຢ້ຽມຢາມນະຄອນຫຼວງປຽງຢາງຢ່າງເປັນທາງການ ແລະ ໄວທີ່ສຸດເທົ່າທີ່ຈະເປັນໄປໄດ້ ເພື່ອຮ່ວມປະຊຸມປຶກສາຫາລື ແລະ ແລກປ່ຽນພາຍໃນລະຫວ່າງສອງເກົາຫຼີ ເຊິ່ງແນ່ນອນວ່າຜູ້ນຳເກົາຫຼີໃຕ້ຕອບຮັບຄຳເຊີນ.
![](https://blogger.googleusercontent.com/img/b/R29vZ2xl/AVvXsEj5qiibsnQxbfXUV6T8E6uc3cGkgsKGz1CP1JIP-c0NHWjDOV3FkzmVJMsjJnZxeejx8TaLd_7YMK1AvhPJej0h9xB3MZTWyXWYD-r8T3MLmkN0GYr4chyUIKdYiABbBEZF5jmotP6VMQ2X/s1600/429.jpg)
ຄຳເຊີນດັ່ງກ່າວປາກົດຢູ່ໃນສານຢ່າງເປັນທາງການຂອງທ່ານ ຄິມ ຈອງ-ອຶນ ທີ່ທ່ານ ນາງ ຄິມ ໂຢ-ຈອງ ນ້ອງສາວຂອງຜູ້ນຳສູງສຸດເກົາຫຼີເໜືອ ເປັນຜູ້ນຳມາມອບໃຫ້ແກ່ຜູ້ນຳເກົາຫຼີໃຕ້ດ້ວຍຕົນເອງ ແລະ ທ່ານ ນາງ ໄດ້ກ່າວຄຳເຊີນອີກຄັ້ງດ້ວຍຕົນເອງ, ໂດຍ ທ່ານ ນາງ ຄິມ ໂຢ-ຈອງ ເປັນໜຶ່ງໃນຄະນະຜູ້ແທນລະດັບສູງທີ່ທາງການເກົາຫຼີເໜືອສົ່ງມາຢ້ຽມຢາມເກົາຫຼີໃຕ້ ເພື່ອພາລະກິດທາງການທູດໃນພິທີເປີດການແຂ່ງຂັນໂອລິມປິກລະດູໜາວ ທີ່ເມືອງປຽງຊາງ ແລະ ການພົບປະຫາລືກັບເຈົ້າໜ້າທີ່ລະດັບສູງຂອງລັດຖະບານເກົາຫຼີໃຕ້ ເຊິ່ງທ່ານ ນາງ ຄິມ ໂຢ-ຈອງ ຖືເປັນສະມາຊິກຄົນທຳອິດໃນຕະກູນຄິມທີ່ຢ້ຽມຢາມນະຄອນຫຼວງໂຊ ຂອງເກົາຫຼີໃຕ້ຢ່າງເປັນທາງການ ນັບຕັ້ງແຕ່ການສິ້ນສຸດສົງຄາມເກົາຫຼີ ເມື່ອປີ 1953.
![](https://blogger.googleusercontent.com/img/b/R29vZ2xl/AVvXsEhu20FgD1ShRHaQSlfP8mLBSJQa4DNm-n6C2a3iw1a_2MtIOeAg-ALRHygza5er6xdmkeMWKtG2mjgvB4oRfGtcySsuktKxRBLR1ryZ-_65RQNnKJoWni1ivhasr8w6ozyJ5z87zkXq3gAe/s1600/431.jpg)
ຂະນະດຽວກັນ, ຖະແຫຼງການຂອງທຳນຽບປະທານປະເທດເກົາຫຼີໃຕ້ຍັງລະບຸອີກວ່າ ຜູ້ນຳເກົາຫຼີໃຕ້ກ່າວເຖິງການເຈລະຈາລະຫວ່າງເກົາຫຼີເໜືອ ກັບ ສະຫະລັດ ອາເມຣິກາ ວ່າເປັນເລື່ອງຈຳເປັນເຊັ່ນກັນ ເຊິ່ງຈະມີສ່ວນສຳຄັນໃນການວາງຮາກຖານໃຫ້ກັບສັນຕິພາບລະຫວ່າງສອງປະເທດ ແລະ ທ່ານ ມູນ ແຈ-ອິນ ປະຕິເສດການຮຽກຮ້ອງຂອງທ່ານ ຊິນໂຊ ອາເບະ ນາຍົກລັດຖະມົນຕີຂອງຍີ່ປຸ່ນ ທີ່ຕ້ອງການໃຫ້ສະຫະລັດ ອາເມຣິກາ ແລະ ເກົາຫຼີໃຕ້ກັບມາຊ້ອມຮົບຮ່ວມກັນໂດຍໄວທີ່ສຸດ.
ເຊິ່ງທ່ານ ມູນ ແຈ-ອິນ ຈະຖືເປັນປະທານປະເທດເກົາຫຼີໃຕ້ຄົນທີ 3 ໃນປະຫວັດສາດ ທີ່ເດີນທາງຢ້ຽມຢາມນະຄອນຫຼວງປຽງຢາງຢ່າງເປັນທາງການ ໂດຍການຢ້ຽມຢາມຄັ້ງທຳອິດເກີດຂຶ້ນໃນສະໄໝການເປັນປະເທດປະເທດຂອງທ່ານ ຄິມ ແດ-ຈຸງ ເມື່ອເດືອນມິຖຸຈາ 2000 ແລະ ຄັ້ງທີ່ 2 ເກີດຂຶ້ນເມື່ອເດືອນມິຖຸນາ 2007 ໃນສະໄໝຂອງທ່ານ ໂນ ມູ ຮະຢອນ ໂດຍຜູ້ນຳເກົາຫຼີໃຕ້ທັງສອງທ່ານໄດ້ພົບປະຫາລືກັບທ່ານ ຄິມ ຈອງ-ອິວ ຜູ້ນຳສູງສຸດຂອງເກົາຫຼີເໜືອໃນໄລຍະນັ້ນ ເຊິ່ງເປັນພໍ່ຂອງທ່ານ ຄິມ ຈອງ-ອຶນ ແລະ ທ່ານ ນາງ ຄິມ ໂຢ-ຈອງ.
![](https://blogger.googleusercontent.com/img/b/R29vZ2xl/AVvXsEh5GfBPBxuqx3GTWFK-Dl6YrnAA95OFhmvlFZuTwr2LZJ7uVdnRt2_L_AXpaaUCRsJP1-zFKzfNRYpIaDagX6fcWAJafBWpiBR6w-wWuhoHd-xLpTc5eerNgph6VthUGPKp204BawhEoMqM/s1600/428.jpg)
ໃນເວລາດຽວກັນ ອີກໜຶ່ງການເຄື່ອນໄຫວທີ່ບົ່ງບອກເຖິງບັນຍາກາດທີ່ເປັນມິດລະຫວ່າງສອງເກົາຫຼີໃນຕອນນີ້ ຄືການທີ່ພາບຂອງທ່ານ ມູນ ແຈ-ອິນ ຫຼາຍເຖິງ 4 ພາບ ປາກົດຢູ່ເທິງໜ້າໜຶ່ງຂອງໜັງສືພິມ "ໂນດອງ" ກະບອກສຽງຂອງພັກລັດຖະບານເກົາຫຼີເໜືອ ທີ່ເກືອບບໍ່ເຄີຍເກີດຂຶ້ນມາກ່ອນ ທີ່ສື່ຂອງເກົາຫຼີເໜືອຈະນຳພາບຂອງຜູ້ນຳເກົາຫຼີໃຕ້ຂຶ້ນໜ້າໜຶ່ງ ແລະ ຍັງບັນຍາຍແບບເຕັມຍົດດ້ວຍວ່າ ບຸກຄົນໃນພາບຄື ທ່ານ ມູນ ແຈ-ອິນ ປະທານປະເທດແຫ່ງເກົາຫຼີໃຕ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ