ກຸ່ມກະບົດຊີຣີ ຍິງຍົນຮົບລັດເຊຍຕົກ ສ່ວນນັກບິນຖືກຍິງເສຍຊີວິດ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg3Xq1rPgPPNH38YusUE9AipOyIgzggmIPdvie3jTCvOADBfUfH3TogzaQO1lf5S-nQdo3DYvhpKqQ4KcbnkTRbCKRQICaRulSci3ZduFbc4zQyYcNsNdzDOJbq2F1v9TD_AR8y78Xjk9VR/s1600/351.jpg)
ສຳນັກຂ່າວຕ່າງປະເທດລາຍງານ 4 ກຸມພາ 2018 ວ່າ: ທ່ານ ຣາມີ ອັບເດວ ຣາມານ ຫົວໜ້າກຸ່ມສັງເກດການເພື່ອສິດທິມະນຸດຊີຣີລາຍງານວ່າ ນັກບິນຂອງລັດເຊຍຖືກຍິງເສຍຊີວິດ 1 ຄົນ ພາຍຫຼັງທີ່ຍົນຂັບໄລ່ Su-25 ຂອງກອງທັບລັດເຊຍຖືກຍິງຕົກໃນເຂດແຂວງອິດລິບ ທາງພາກເໜືອຂອງຊີຣີເມື່ອວັນເສົາທີ່ຜ່ານມາ ໂດຍຍົນຂັບໄລ່ຂອງລັດເຊຍຖືກຍິງດ້ວຍຈະຫຼວດເໜືອນ່ານຟ້າຂອງເມືອງມາອັສຣັນ ແຂວງອິດລິບ ແຕ່ນັກບິນສາມາດດີດຕົວອອກມາຈາກຍົນໄດ້ທັນ ເມື່ອມາເຖິງພາກພື້ນດິນກໍ່ພົບກັບກຸ່ມກະບົດ ແລະ ຍິງຕໍ່ສູ້ກັນຈົນຖືກຍິງເສຍຊີວິດໃນທີ່ສຸດ.
ຫົວໜ້າກຸ່ມສັງເກດການເພື່ອສິດທິມະນຸດຊີຣີບໍ່ໄດ້ລະບຸວ່າ ກຸ່ມຕິດອາວຸດກຸ່ມໃດກ່ຽວກັບກັບເຫດການນີ້ ບອກພຽງແຕ່ວ່າມີກຸ່ມຫົວຮຸນແຮງ Hayat Tahrir Al Sham ປະຕິບັດການຢູ່ໃນພື້ນທີ່ດັ່ງກ່າວ.
ໃນດ້ານຂອງກະຊວງປ້ອງກັນປະເທດລັດເຊຍ ອອກຖະແຫຼງການວ່າ ຍົນຂັບໄລ່ Su-25 ຖືກຍິງດ້ວຍຈະຫຼວດຈາກພື້ນສູ່ອາກາດ ຂະນະທີ່ບິນຢູ່ເໜືອນ່ານຟ້າແຂວງອິດລິບ ທີ່ເປັນພື້ນທີ່ຈຳກັດຄວາມຮຸນແຮງ ນັກບິນມີເວລາພໍທີ່ຈະດີດຕົວອອກມາຈາກຍົນໄດ້ທັນ ແຕ່ກໍ່ຕ້ອງມາເສຍຊີວິດຂະນະຕໍ່ສູ້ກັບພວກກໍ່ການຮ້າຍ ແລະ ຍັງບໍ່ຮູ້ຊັດເຈນວ່າກຸ່ມກະບົດກຸ່ມໃດຕ້ອງເປັນຜູ້ຮັບຜິດຊອບຕໍ່ການໂຈມຕີຍົນຂອງລັດເຊຍໃນຄັ້ງນີ້ ແຕ່ພື້ນທີ່ດັ່ງກ່າວຢູ່ໃນການຢຶດຄອງຂອງນັກຮົບແນວຮ່ວມ Al-Nusra ອະດີດເຄືອຂ່າຍຂອງ Al Qaeda ເຊິ່ງລວມຕົວກັນມາເປັນກຸ່ມ Hayat Tahrir Al Sham.
ທັງນີ້, ກອງກຳລັງຝ່າຍທີ່ຈົງຮັກພັກດີຕໍ່ທ່ານ ບາຊາ ແອວ-ອັສຊາດ ປະທານປະເທດຊີຣີ ໄດ້ເປີດສາກການສູ້ຮົບຢ່າງດຸເດືອດໃນແຂວງອິດລິບ ຕັ້ງແຕ່ປາຍເດືອນທັນວາ 2017 ທີ່ຜ່ານມາ ໂດຍໄດ້ຮັບການສະໜັບສະໜູນຈາກຍົນຮົບຂອງກອງທັບລັດເຊຍ.
![](https://blogger.googleusercontent.com/img/b/R29vZ2xl/AVvXsEitJvfAkJFPD-7eycVi5oTxXsWBZeMR01-k2JeuGNM7JQMYE4zckrHjvfw84hNBkTM-B3vxVJmsNg6qiqqk_-Y73H1iRgiOoqEZIkleoSBXpe_AO6AjpCaTw_afzpGuEHivnfUN559nCnse/s1600/347.jpg)
![](https://blogger.googleusercontent.com/img/b/R29vZ2xl/AVvXsEgMcoWb_ygb4iypLAPUJ3nRJS9GZhKEdbwZm7fA7EUekI3jcK-kUpM5PXzEKb7E2QMzLVQzfpSwm6cledkgjzgy92Ckafck8-xKBUO9P2ra7GilU4Dj53y3RLa7CvAjjNLBY2uoYhQXm7Nf/s1600/348.jpg)
![](https://blogger.googleusercontent.com/img/b/R29vZ2xl/AVvXsEibFJCPlDDD7UCHrQyRVCZT2kFk7vJlf0lnqs-HA-oQsF6OONVLiiiQED1d6yiU7heqzPEUs60DEr6eBhM25auZee2b5HOKRxP4tOJ9mT4j_ld5F4hP_6E72Z_dCzTVN9hMb-ggffIfwRZd/s1600/349.jpg)
![](https://blogger.googleusercontent.com/img/b/R29vZ2xl/AVvXsEg_d1ma1TUDou9OQAKr6cgnOzULdajAH_jFemhoWMGadceQ3F7HCud-oioVqEjxIMZXiD4dXV8mmYV7xMZD6_dBnrzgrAAub724l9bBnyRwu7XOJ4xtzed7ky4a6ASlrNt8-CKMflh1rRGl/s1600/350.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ