ພູໄຟຊິນາບຸງ ຍັງລະເບີດຮຸນແຮງຕໍ່ເນື່ອງ ອິນໂດເນເຊຍເຕືອນໄຟສູງສຸດ ໃນເລື່ອງການບິນຢູ່ບໍລິເວນດັ່ງກ່າວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjccVwpR89L3utUzuSHdWuJFZ1138Uo3S1M5W7-bGwsoLZiLOXks03Zh7fo_J4tKiRdAWQe5XCXR9wYjNwoiS4vGS9z9w1tmO_hA8dbI3uMXYJ_iIKgZgI_iv_9O2IMaOMpSlsBl4XDAjo1/s1600/103.jpg)
ສຳນັກຂ່າວຕ່າງປະເທດລາຍງານ 21 ກຸມພາ 2018 ວ່າ: ກະຊວງຄົມມະນາຄົມຂອງອິນໂດເນເຊຍ ອອກຖະແຫຼງການເມື່ອວັນອັງຄານທີຜ່ານມາ ເລື່ອງການຍົກລະດັບເຕືອນໄພການບິນໂດຍຮອບເຂດພູໄຟຊິນາບຸງ ທາງຕອນເໜືອຂອງເກາະສຸມາດຕາເປັນສີແດງ ເຊິ່ງຖືເປັນຂັ້ນສູງສຸດ ຫຼັງຈາກທີ່ເກີດກຸ່ມຄວັນຕຶບໜາຈາກພູໄຟດັ່ງກ່າວທີ່ມີຄວາມສູງ 2,460 ແມັດ ລອຍຂຶ້ນສູງຈາກປາກພູໄຟເປັນໄລຍະທາງໄກກວ່າ 7 ກິໂລແມັດ ແລະ ເຖົ່າຖ່ານໄດ້ຕົກລົງປົກຄຸມທົ່ວບໍລິເວນໃກ້ຄຽງ ຖືເປັນການລະເບີດຂອງພູໄຟຄັ້ງຮຸນແຮງທີ່ສຸດໃນໂລກນັບຕັ້ງແຕ່ຕົ້ນປີນີ້.
![](https://blogger.googleusercontent.com/img/b/R29vZ2xl/AVvXsEhVI26YKkEEMsXRnsRjLvMuJVBfZUIPmPsqHG4xUew04rbjxzc2Dmu91lbzzAM1H2K4T5HIwSLDpJK_ftyJieKgB3eUAVhe9gfgCV-dh-XC1_G5Ii8fsbzUDSu10evwv7XataELYeu7h93l/s1600/104.jpg)
ເຊິ່ງພູໄຟຊິນາບຸງໄດ້ລະເບີດຢ່າງຕໍ່ເນື່ອງ ໃນລະດັບຄົງທີ່ມາຕັ້ງແຕ່ປີ 2015, ໂດຍໄດ້ກັບມາລະເບີດອີກຄັ້ງພາຍຫຼັງດັບມອດໄປໄດ້ 4 ທົດສະວັດ ເມື່ອປີ 2010 ເຮັດໃຫ້ມີຜູ້ເສຍຊີວິດ 4 ຄົນ, ຕໍ່ມາການລະເບີດໃນປີ 2014 ເຮັດໃຫ້ປະຊາຊົນ 16 ຄົນເສຍຊີວິດ ແລະ ໃນປີ 2016 ເຮັດໃຫ້ປະຊາຊົນເສຍຊີວິດ 7 ຄົນ, ເຮັດໃຫ້ໜ່ວຍງານທີ່ກ່ຽວຂ້ອງທຸກແຫ່ງຂອງອິນໂດເນເຊຍຕ້ອງໄດ້ເພີ່ມຄວາມຕື່ນຕົວໃນການຕິດຕາມການປ່ຽນແປງຂອງພູໄຟດັ່ງກ່າວຢ່າງຕໍ່ເນື່ອງ ແລະ ຈົນເຖິງປັດຈຸບັນມີການອົບພະຍົບປະຊາຊົນໃນພື້ນທີ່ສ່ຽງແລ້ວຫຼາຍກວ່າ 30,000 ຄົນ.
![](https://blogger.googleusercontent.com/img/b/R29vZ2xl/AVvXsEhRReZfbOXAoQtT5qJs7MXQVPaFYpedfJFmrXIr2DklaXrVoX-A3xW74oJVSFqthqWJG2oeABQsnv2GZbI6L7EELEJiwajkY9Tgxw9WRBNmo58ozCsY_Cac8gORS5wLuzo4EbLKZJt2Xckf/s1600/105.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ