ສ.ອາເມຣິກາ ອອກຖະແຫຼງການຢຸດຕິຊ່ວຍເຫຼືອດ້ານງົບປະມານແກ່ກຳປູເຈຍ ເພາະປະຊາທິປະໄຕເສື່ອມຖອຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh-IciP6hO-rG8z_9aB__3LQP8w2n9pNqwOIpiOJOi45dINE90cT3LVSyzjY7UC10ieuhEYB1Wlt4EqKD9tCE5dT4vfUl1rE6IsFQlcTPcAMA6mZfx4WttRRpn0uOHuNbPsa9JQrUuUj3yN/s1600/226.jpg)
ສຳນັກຂ່າວຕ່າງປະເທດລາຍງານ 28 ກຸມພາ 2018 ວ່າ: ທຳນຽບຂາວອອກຖະແຫຼງການ ເມື່ອວັນອັງຄານ (27 ກຸມພາ) ທີ່ຜ່ານມາ ເລື່ອງການຢຸດຕິໂຄງການສະໜັບສະໜູນແກ້ກົມພາສີ, ລັດຖະບານທ້ອງຖິ່ນ ແລະ ກອງທັບກຳປູເຈຍ ມູນຄ່າລວມ 8.3 ລ້ານໂດລາສະຫະລັດ ເນື່ອງຈາກການເສື່ອມຖອຍທາງດ້ານປະຊາທິປະໄຕໃນກຳປູເຈຍ ທີ່ສ້າງຄວາມເປັນຫ່ວງເປັນໃຍໃຫ້ກັບລັດຖະບານສະຫະລັດ ອາເມຣິກາ ບໍ່ວ່າຈະເປັນການສັ່ງຍຸບພັກກູ້ຊາດກຳປູເຈຍ ທີ່ເປັນພັກຝ່າຍຄ້ານຫຼັກ ແລະ ຜົນການເລືອກຕັ້ງສະມາຊິກສະພາສູງ ເມື່ອວັນທີ 25 ກຸມພາ ທີ່ຜ່ານມາ ລ້ວນແຕ່ບໍ່ໄດ້ສະທ້ອນເຖິງຄວາມຕ້ອງການທີ່ແທ້ຈິງຂອງປະຊາຊົນກຳປູເຈຍ.
Statement from the Press Secretary on Reduction in Assistance to the Government of #Cambodia https://t.co/f2OelIwEjT— US Embassy Cambodia (@USEmbPhnomPenh) February 28, 2018
ທ່ານ ນາງ ຊາຣາ ແຊນເດີ ໂຄສົກທຳນຽບຂາວກ່າວວ່າ ລັດຖະບານສະຫະລັດ ອາເມຣິກາ ໄດ້ໃຫ້ການຊ່ວຍເຫຼືອຫຼາຍຮູບແບບແກ້ກຳປູເຈຍຫຼາຍກວ່າ 1,000 ລ້ານໂດລາສະຫະລັດ ຕະຫຼອດໄລຍະເວລາ 25 ທີ່ຜ່ານມາ, ແຕ່ໃນໄລຍະຫຼັງມານີ້ລັດຖະບານກຳປູເຈຍຜັດນຳງົບປະມານການຊ່ວຍເຫຼືອດັ່ງກ່າວໄປໃຊ້ໃນການສ້າງກິດຈະກຳຕໍ່ຕ້ານປະຊາທິປະໄຕ, ອີກຢ່າງໜຶ່ງ ກ່ອນໜ້ານີ້ກະຊວງການຕ່າງປະເທດສະຫະລັດ ອາເມຣິກາ ໄດ້ປະກາດຢຸດຕິການອອກວີຊາໃຫ້ແກ່ປະຊາຊົນກຳປູເຈຍ ທີ່ມີພຶດຕິກຳທຳລາຍປະຊາທິປະໄຕ ເຖິງຈະບໍ່ໄດ້ລະບຸລາຍຊື່ລະອຽດ ແຕ່ທຸກຝ່າຍເຂົ້າໃຈວ່າໝາຍເຖິງສົມເດັດ ຮຸນ ເຊນ ແລະ ບຸກຄົນໃນຄະນະລັດຖະບານຂອງກຳປູເຈຍ.
![](https://blogger.googleusercontent.com/img/b/R29vZ2xl/AVvXsEikRI29ZyFX36TAM6M-E-xqkWKnFnNK_zw6VgoZJewgy4RHYhgf4seS6VKxWPCnQGzH3_zYan9HAPDLBSKZmsP_gV3jXNY4Gvnd51QFbVeYwfzbhzqdmG8y0dgjR0JsHhILezWoHEmPFSkM/s1600/225.jpg)
ຂະນະທີ່ລັດຖະບານກຳປູເຈຍ ຍັງບໍ່ສະແດງທ່າທີຕໍ່ການເຄື່ອນໄຫວດັ່ງກ່າວຂອງສະຫະລັດ ອາເມຣິກາ ແຕ່ໃນຂະນະດຽວກັນສານນະຄອນຫຼວງພະນົມເປັນ ໄດ້ມີຄຳຕັດສິນຕາມຄຳຮ້ອງຂອງສົມເດັດ ຮຸນ ເຊນ ແລະ ສົມເດັດ ເຮງ ສຳຣິນ ປະທານສະພາແຫ່ງຊາດ ໃຫ້ຢຶດສຳນັກຫງານພັກກູ້ຊາດກຳປູເຈຍ ແລະ ຊັບສິນທັງໝົດທີ່ຢູ່ພາຍໃນຕຶກ ເປັນການຊົ່ວຄາວ ໂດຍລະບຸວ່າຄຳສັ່ງສາມາດຖອດຖອນໄດ້ ຫາກທ່ານ ສົມ ຣັງສີ ອະດີດຜູ້ນຳພັກຝ່າຍຄ້ານ ຄູ່ແຂ່ງຕະຫຼອດການທາງການເມືອງຂອງສົມເດັດ ຮຸນ ເຊນ ທີ່ລີ້ໄພຢູ່ຕ່າງປະເທດ ຊຳລະເງິນ 1 ລ້ານໂດລາສະຫະລັດ ເປັນຄ່າຍອມຄວາມໃນຄະດີໝິ່ນປະໝາດຜູ້ນຳກຳປູເຈຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ