ສ.ອາເມຣິກາເຊື່ອໝັ້ນ ແນວທາງນະໂຍບາຍຂອງເກົາຫຼີໃຕ້ ຕໍ່ເກົາຫຼີເໜືອຈະບໍ່ປ່ຽນແປງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh_aRR_UJ1Kh5xkSnRNucLv5ZTdGG7RiC5yF2pA5wswZS-eBNA3AETQWgsiSNWUl-ppxL-ttJ9LhnDIvRfpmSW3gRm35WmdK7WiZsiz8SbZMYJp0zYBCim8wZwB_sWece8KIDEs6KNJS0ke/s1600/437.jpg)
ສຳນັກຂ່າວຕ່າງປະເທດລາຍງານ 11 ກຸມພາ 2018 ວ່າ: ທ່ານ ໄມ ເພນ ຮອງປະທານປະເທດສະຫະລັດ ອາເມຣິກາກ່າວພາຍຫຼັງສຳເລັດການເຂົ້າຮ່ວມພິທີເປີດໂອລິມປິກລະດູໜາວ ທີ່ເມືອງປຽງຊາງ ໃນເກົາຫຼີໃຕ້ ເມື່ອວັນສຸກທີ່ຜ່ານມາວ່າ ບໍ່ມີນະໂຍບາຍທີ່ສະຫະລັດ ອາເມຣິກາ, ເກົາຫຼີໃຕ້ ແລະ ຍີ່ປຸ່ນ ຈະຫຼຸດຜ່ອນມາດຕະການກົດດັນຂັ້ນສູງສຸດ ທັງໃນດ້ານການທູດ ແລະ ເສດຖະກິດຕໍ່ເກົາຫຼີເໜືອ ຈົນກວ່າອີກຝ່າຍຈະຍອມຍົກເລີກຄວາພະຍາຍາມຕໍ່ກັບໂຄງການພັດທະນາຂີປະນາວຸດ ແລະ ລະເບີດນິວເຄຼຍຂອງຕົນເອງ.
![](https://blogger.googleusercontent.com/img/b/R29vZ2xl/AVvXsEh5GObz9cCO5a_09wHLzKn1Tx1SZqjX0s12tmJNrAyHzI7EzMg-WBFcUc7wnXdPAzj7qwUSAYg0fj7o10asgDCybtYmfhvAarlwvQo6nBzaxsodfoGuAmDEFexEkSFp2x6KZ-u59gLwKSi2/s1600/438.jpg)
ຂະນະດຽວກັນ ທ່ານ ໄມ ເພນ ຍັງໄດ້ກ່າວເຖິງການປຶກສາຫາລືຄັ້ງສຳຄັນລະຫວ່າງທ່ານ ມູນ ແຈ-ອິນ ປະທານປະເທດເກົາຫຼີໃຕ້ ກັບຄະນະຜູ້ແທນລະດັບສູງຂອງລັດຖະບານເກົາຫຼີເໜືອ ທີ່ໜຶ່ງໃນນັ້ນຄືທ່ານ ນາງ ຄິມ ໂຢ-ຈອງ ນ້ອງສາວຂອງທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອວ່າ ສະຫະລັດ ອາເມຣິກາຄັດຄ້ານການເຈລະຈາລະຫວ່າງສອງເກົາຫຼີໃນລະດັບຜູ້ນຳສູງສຸດ ຈົນກວ່າເກົາຫຼີເໜືອຈະຍອມຮ່ວມການເຈລະຈາເພື່ອຢຸດຕິໂຄງການນິວເຄຼຍເປັນການຖາວອນເທົ່ານັ້ນ ແລະ ກ່າວເຖິງການຢ້ຽມຢາມປຽງຊາງ ແລະ ນະຄອນຫຼວງໂຊຂອງທ່ານ ນາງ ຄິມ ໂຢ-ຈອງ ວ່າເປັນການຮຽກຮ້ອງຄວາມສົນໃຈຂອງຊາວໂລກໄປຈາກການແຂ່ງຂັນກີລາໂອລິມປິກລະດູໜາວ ດ້ວຍນະໂຍບາຍໂຄສະນາຊວນເຊື່ອແບບອ່ອນນ້ອມຂອງລັດຖະບານເກົາຫຼີເໜືອ.
![](https://blogger.googleusercontent.com/img/b/R29vZ2xl/AVvXsEjuH5RFiwsuvOmRX4SLUE2g2hM67emx_XqTmKDP1CLKtQsbZKKtgizLO9vNPmSZ853yZLekhvnD8NN_bmpNQjU6UPvg-KG568kJ6a4nyg2MbbDKyNXLs2jQZRxgrUbhs72nqqE1j3A1o1Li/s1600/439.jpg)
ເຊິ່ງທ່ານ ນາງ ຄິມ ໂຢ-ຈອງ ໄດ້ນຳສານຂອງທ່ານ ຄິມ ຈອງ-ອຶນ ຜູ້ເປັນອ້າຍ ມາມອບໃຫ້ແກ່ທ່ານ ມູນ ແຈ-ອິນ ເພື່ອເຊື່ອເຊີນໄປຢ້ຽມຢາມນະຄອນຫຼວງປຽງຢາງຢ່າງເປັນທາງການ ແລະ ໄວທີ່ສຸດເທົ່າທີ່ຈະໄວໄດ້ ເພື່ອປຶກສາຫາລື ແລະ ແລກປ່ຽນເປັນການພາຍໃນລະຫວ່າງສອງເກົາຫຼີ ເຊິ່ງການປະຊຸມທີ່ເກີດຂຶ້ນຈະຖືເປັນຄັ້ງທີ 3 ຕໍ່ຈາກການປະຊຸມຄັ້ງທຳອິດໃນສະໄໝການເປັນປະທານປະເທດເກົາຫຼີໃຕ້ຂອງທ່ານ ຄິມ ແດ-ຈຸງ ເມື່ອເດືອນມິຖຸນາ ປີ 2000 ແລະ ຄັ້ງທີ 2 ເຊິ່ງເກີດຂຶ້ນເມື່ອເດືອນມິຖຸນາ 2007 ໃນສະໄໝຂອງທ່ານ ໂນ ມູ-ຮະຢອນ ໂດຍຜູ້ນຳເກົາຫຼີໃຕ້ທັງສອງທ່ານໄດ້ພົບປະຫາລືກັບທ່ານ ຄິມ ຈອງ-ອິວ ຜູ້ນຳສູງສຸດຂອງເກົາຫຼີເໜືອໃນເວລານັ້ນ ເຊິ່ງເປັນພໍ່ຂອງທ່ານ ຄິມ ຈອງ-ອຶນ ແລະ ທ່ານ ນາງ ຄິມ ໂຢ-ຈອງ.
I'm grateful for the strong relationship between the U.S & South Korea. We're going to stand solidly with South Korea and with all of our allies to continue to bring the maximum pressure to bear on North Korea. #VPinASIA pic.twitter.com/EfqB6yWLi0— Vice President Mike Pence (@VP) February 10, 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ