ສ.ອາເມຣິກາລະບຸ ຜູ້ນຳຟິລິບປິນ ເປັນໄພຄຸກຄາມລະດັບພູມມິພາກ ສ້າງຄວາມບໍ່ພໍໃຈຢ່າງຍິ່ງໃຫ້ກັບຟິລິບປິນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgjzuWD-feM9H9f9OWxrHuMXIc_QpRkUksvmuW56ooq9EJI-abE_sTB19iZPGhTCdtTeEpTFqc3RLe-8DFrNLm0lwEJLl8lyJImAeR8QqkMhLQNatEOYOVqCc11YE8C9m6iLdMYpgHUQ53R/s1600/115.jpg)
ສຳນັກຂ່າວຕ່າງປະເທດລາຍງານ 22 ກຸມພາ 2018 ວ່າ: ທ່ານ ແຮຣີ ໂຣດ ໂຄສົກທຳນຽມປະທານປະເທດຟິລິບປິນ ກ່າວເມື່ອວັນພຸດ ທີ່ຜ່ານມາ ກ່ຽວກັບບົດລາຍງານການວິເຄາະ ປະຈຳປີ ວ່າດ້ວຍການປະເມີນໄພຄຸກຄາມຈາກທົ່ວໂລກຕໍ່ສະຫະລັດ ອາເມຣິກາ ວ່າເປັນບົດລາຍງານທີ່ສະທ້ອນໃຫ້ເຫັນເຖິງວິໄສທັດອັນຄັບແຄບຂອງຜູ້ສ້າງບົດລາຍງານດັ່ງກ່າວ ແລະ ຂໍ້ມູນກໍ່ບໍ່ໄດ້ຢູ່ບົນພື້ນຖານຂອງຄວາມເປັນຈິງ, ເຊິ່ງການຖະແຫຼງດັ່ງກ່າວເກີດຂຶ້ນ ເນື່ອງຈາກສຳນັກງານຂ່າວກອງແຫ່ງຊາດຂອງສະຫະລັດ ອາເມຣິກາ ທີ່ປະກອບດ້ວຍໜ່ວຍງານ 17 ແຫ່ງ ລວມເຖິງສຳນັກຂ່າວກອງກາງ (CIA) ເຜີຍແຜ່ບົດລາຍງານປະເມີນໄພຄຸກຄາມຈາກທົ່ວໂລກຕໍ່ສະຫະລັດ ອາເມຣິກາ ເມື່ອວັນທີ 13 ກຸມພາ 2018 ທີ່ຜ່ານມາ ມີການລະບຸເຖິງທ່ານ ໂຣດຼິໂກ ດູເຕເຕ ປະທານປະເທດຟິລິບປິນ ວ່າເປັນໄພຄຸກຄາມລະດັບພູມມິພາກ ທັງໃນດ້ານປະຊາທິປະໄຕ ແລະ ສິດທິມະນຸດ.
Statement for the Record: Worldwide Threat Assessment of the US Intelligence Community by Director of National Intelligence, Daniel R. Coatshttps://t.co/5I3ylJCpH5 pic.twitter.com/79pGtD8NGq— CIA (@CIA) February 13, 2018
ເຖິງຢ່າງໃດກໍ່ຕາມ, ທ່ານ ດູເຕເຕ ໄດ້ສັ່ງຫ້າມນັກຂ່າວຂອງ Rappler ເຊິ່ງເປັນສຳນັກຂ່າວອອນລາຍຊື່ດັ່ງຂອງຟິລິບປິນ ເຂົ້າໄປເຮັດຂ່າວຢູ່ພາຍໃນທຳນຽບປະທານປະເທດ ເຮັດໃຫ້ເກີດສຽງວິພາກວິຈານຈາກຫຼາຍຝ່າຍທັງພາຍໃນ ແລະ ຕ່າງປະເທດວ່າເປັນການຄຸກຄາມສື່ຢ່າງເປີດເຜີຍ ເຊິ່ງມາດຕະການດັ່ງກ່າວເກີດຂຶ້ນຫຼັງຈາກທີ່ Rappler ແລະ ສື່ໃຫຍ່ຂອງຟິລິບປິນຫຼາຍແຫ່ງສະເໜີບົດລາຍງານວ່າ ລັດຖະບານຟິລິບປິນແຊກແຊງຂໍ້ຕົກລົງການຈັດຊື້ເຮືອຮົບຂອງກອງທັບ ໂດຍທ່ານ ດູເຕເຕ ກໍ່ໄດ້ປະນາມວ່າ ບໍ່ມີມູນຄວາມຈິງ.
ນອກນີ້, ບົດລາຍງານຂອງປະຊາຄົມໜ່ວຍຂ່າວກອງສະຫະລັດ ອາເມຣິກາ ທີ່ລະບຸເຖິງໄພຄຸກຄາມໃນພູມມິພາກອາຊີຕາເວັນອອກສຽງໃຕ້ ນອກຈາກຜູ້ນຳຟິລິບປິນແລ້ວ ຍັງມີການກ່າວເຖິງສົມເດັດ ຮຸນ ເຊນ ນາຍົກລັດຖະມົນຕີກຳປູເຈຍ ແລະ ລັດຖະທຳມະນູນສະບັບປັດຈຸບັນຂອງໄທວ່າ ເປັນໄພຄຸກຄາມຕໍ່ລະບອບປະຊາທິປະໄຕໃນພູມມິພາກອີກດ້ວຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ