ປ.ທຣຳ ຕ້ອງການໃຫ້ NASA ຖອນຕົວຈາກສະຖານີອະວະກາດນານາຊາດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiyZWv6d4z_S4zVjwyVzacmxQnAIfusOuHbuFdj_xkzXYM341BL8X3mvInNoL9jrZ-IAX0y5s22DBPhhvjz3cJMi9r0h5dZadqu4PR-Tw90yMAnL4BzqP0_Enz5Pi6dVjZfLylcb2SSmEzJ/s1600/508.jpg)
ສຳນັກຂ່າວຕ່າງປະເທດລາຍງານ 14 ກຸມພາ 2018 ວ່າ: ອົງການບໍລິຫານການບິນ ແລະ ອະວະກາດແຫ່ງຊາດຂອງສະຫະລັດ ອາເມຣິກາ (NASA) ອອກຖະແຫຼງການເມື່ອວັນຈັນທີ່ຜ່ານມາວ່າ: NASA ເປັນໜ່ວຍງານທີ່ສົ່ງເສີມຄວາມສາມາດຂອງມະນຸດໃນການສຳຫຼວດອະວະກາດອັນຫ່າງໄກ ໂດຍມີໂຄງການສຳຫຼວດດວງຈັນເປັນຈຸດເລີ່ມຕົ້ນຂອງບາດກ້າວສູ້ຄວາມສຳເລັດ.
![](https://blogger.googleusercontent.com/img/b/R29vZ2xl/AVvXsEju-QK7FmrXnC5_7VaWNIUoIzAxim-tO1AO2JFP7qw_0XoXEoaiFwjydw9LG_Cyp0AG7EN2uZ6p0N19IFT0MZeC8LF6L0j-axwrzNb-hpVPhUYeFwTJ53-9PIZyQuSIyAu9B9Q3-lyonuKS/s1600/505.jpg)
ຖະແຫຼງການດັ່ງກ່າວຂອງ NASA ອອກມາໃນເວລາດຽວກັບທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ເຜີຍແຜ່ຮ່າງພິມຂຽວແຜນງົບປະມານສຳລັບສົກປີ 2019/2020 ທີ່ຈະເລີ່ມຈັດຕັ້ງປະຕິບັດໃນວັນທີ 1 ຕຸລາ 2018 ນີ້ ໂດຍເປັນການສະເໜີຕັ້ງງົບປະມານທັງໝົດສູງເຖິງ 4.4 ລ້ານລ້ານໂດລາສະຫະລັດ, ເຖິງແມ່ນວ່າຈະມີການສະເໜີໃຫ້ເພີ່ມງົບປະມານສະໜັບສະໜູນ NASA ອີກ 3% ເປັນ 19,600 ລ້ານໂດລາສະຫະລັດ ພາຍໃນປີໜ້າ ແຕ່ມີການລະບຸກ່ຽວກັບໂຄງການມູນຄ່າ 150 ລ້ານໂດລາສະຫະລັດໃນການໃຫ້ບໍລິສັດເອກະຊົນເປັນຜູ້ເຂົ້າມາດຳເນີນງານແທນ.
ປັດຈຸບັນມີບໍລິສັດອະວະກາດເອກະຊົນຂອງສະຫະລັດ ອາເມຣິກາ ມີ 2 ລາຍທີ່ມີສະຖານະອະວະກາດໂຄຈອນຢູ່ນອກໂລກຮ່ວມກັບສະຖານີອະວະກາດນານາຊາດ (ISS) ຄື: ນາໂນແຣັກ (NanoRacks) ແລະ ບິເກໂລ ແອໂຣສະເປສ (Bigelow Aerospace) ຂະນະທີ່ນັບຕັ້ງແຕ່ເຂົ້າຮ່ວມໂຄງການສະຖານີອະວະກາດນານາຊາດ (ISS) ເມື່ອປີ 1988 NASA ໃຊ້ງົບປະມານໄປກັບໂຄງການນີ້ແລ້ວເກືອບ 10,000 ລ້ານໂດລາສະຫະລັດ ເຊິ່ງລາຍງານຂອງທ່ານ ທຣຳ ຍັງລະບຸເຖິງການຢຸດຕິງົບປະມານສະໜັບສະໜູນໂຄງການ ISS ພາຍໃນປີ 2025 ທີ່ໝາຍເຖິງການຈະບໍ່ຕໍ່ອາຍຸແຜນງົບປະມານທີ່ສະພາໄດ້ອະນຸມັດສະໜັບສະໜູນ ISS ເມື່ອປີ 2015 ແລະ ຈະສິ້ນສຸດໃນປີ 2024.
ນອກຈາກນີ້, ຫາກເບິ່ງໃນອີກມຸມໜຶ່ງເພີ່ມຄວາມເປັນໄປໄດ້ວ່າ ການຟື້ນຟູໂຄງການສຳຫຼວດດວງຈັນທີ່ຜູ້ນຳສະຫະລັດ ອາເມຣິກາ ໄດ້ປະກາດໄປເມື່ອເດືອນທັນວາ ປີທີ່ຜ່ານມາ ວ່າທ່ານ ຕ້ອງການໃຫ້ NASA ສົ່ງນັກບິນອະວະກາດຊາວອາເມຣິກາກັບໄປຢຽບດວງຈັນອີກຄັ້ງ ບໍ່ໜ້າຈະເກີດຂຶ້ນໄດ້ຕາບໃດທີ່ທ່ານ ທຣຳ ຍັງຢູ່ໃນຕຳແໜ່ງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ