UN ອອກຄຳສັ່ງໃຫ້ຢຸດຍິງ 30 ວັນ ໃນເຂດກູຕາ ຕາເວັນອອກ ຂອງຊີຣີ ເພື່ອມະນຸດສະທຳ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhil-aeclKz1k0esc6zl6cvq186XOvnvigUYpmMyTfWptrGuPiZ2-BQDCUbSTLM-Lq00YKXwuFRzLZEZlRzwoTc5TH1dX6CLvIpFWPpuJWI-epj4QquesKsqFV11HPVw-6rYtK9FUSs1EDx/s1600/140.jpg)
ສຳນັກຂ່າວຕ່າງປະເທດລາຍງານ 25 ກຸມພາ 2018 ວ່າ: ຄະນະມົນຕີຄວາມໝັ້ນຄົງແຫ່ງສະຫະປະຊາຊາດທັງ 15 ປະເທດ ມີມະຕິເປັນເອກະພາບໃນກອງປະຊຸມເມື່ອວັນເສົາທີ່ຜ່ານມາ (24 ກຸມພາ) ໃຫ້ມີການຢຸດຍິງທັນທີ ຄວບຄຸມທົ່ວທຸກພື້ນທີ່ຂອງເຂດກູຕາ ຕາເວັນອອກ ທີ່ຕັ້ງຢູ່ເຂດຮອບນອກຂອງນະຄອນຫຼວງດາມັດສະກັດ ເປັນເວລາ 30 ວັນ ແລະ ນັບຈາກນີ້ທຸກຝ່າຍຕ້ອງຍົກເລີກການປິດລ້ອມພື້ນທີ່ດັ່ງກ່າວເພື່ອໃຫ້ໜ່ວຍງານຫຼຸດຜ່ອນຄວາມທຸກຍາກຂອງສະຫະປະຊາຊາດ ແລະ ພັນທະມິດເຂົ້າສູ່ພື້ນທີ່ດັ່ງກ່າວ ເພື່ອອົບພະຍົບຜູ້ໄດ້ຮັບບາດເຈັບ, ຜູ້ປ່ວຍໜັກ ແລະ ສົ່ງມອບການຊ່ວຍເຫຼືອຂັ້ນພື້ນຖານໃຫ້ແກ່ປະຊາຊົນ ແຕ່ຄຳສັ່ງຢຸດຍິງຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດໃນຄັ້ງນີ້ບໍ່ມີຜົນກັບກຸ່ມກໍ່ການຮ້າຍ ທີ່ລວມເຖິງກຸ່ມອັນ-ກໍອິດະ (Al Qaeda) ແລະ ກຸ່ມຮາຢັດ ຕາຣີ ອັນ-ຊາມ (Hayat Tahrir Al Sham) ຫຼື ອະດີດກຸ່ມອັນ-ນຸສະຣາ (Al-Nusra).
![](https://blogger.googleusercontent.com/img/b/R29vZ2xl/AVvXsEiljXjxzWZrvKQRJBTPtdKz3vUG7K_eg6AoQZhfFDQyZqeuqIrNtF6Nkd_gsXW7MHqp_fL8wjeTVht_HuDGlIkjB5H-sS9R-gJ6qI80wu_rcAuFD_LAFgSxk5TA1IHbsIGRFtasySwt04l8/s1600/137.jpg)
![](https://blogger.googleusercontent.com/img/b/R29vZ2xl/AVvXsEjHX-55vJR9Ji1QGCRSGn-jcHfld2iwjCKN7Ur0tAr_rlEw3Svwsguu5F7Y3sFkE5tUra25FRTSDutdPYP676_57OaNV92ufh-m_uuZe2UTnBKM5NFtUOY_pYHv0btBIBbKK5cowLie2J-w/s1600/138.jpg)
ເຖິງຢ່າງໃດກໍ່ຕາມ, ມະຕິດັ່ງກ່າວຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ທີ່ສະເໜີໂດຍປະເທດກູເວດ ແລະ ຊູແອດ ຜ່ານການອະນຸມັດຊັກຊ້າກວ່າກຳນົດເຖິງ 2 ວັນ ຈາກການທີ່ລັດເຊຍເຊິ່ງເປັນໜຶ່ງໃນສະມາຊິກຖາວອນ ແລະ ມີອຳນາດຢຸດຢັ້ງສາມາດເຮັດໃຫ້ຮ່າງດັ່ງກ່າວບໍ່ຖືກຍອມຮັບໄດ້ ຄັດຄ້ານເນື້ອໃນເດີມໃນບັນຫາທີ່ໃຫ້ເລີ່ມຢຸດຍິງພາຍໃນ 72 ຊົ່ວໂມງ ໂດຍລັດເຊຍຕ້ອງການໃຫ້ຢຸດຍິງທັນທີ ແລະ ຂໍໃຫ້ມີການເພີ່ມເນື້ອໃນສະແດງຄວາມບໍ່ພໍໃຈຕໍ່ການທີ່ກຸ່ມຕິດອາວຸດຍິງປືນໃຫຍ່ ແລະ ຈະຫຼວດໂຈມຕີຕຶກອາຄານສະຖານທູດຂອງລັດເຊຍ ໃນນະຄອນຫຼວງດາມັດສະກັດ, ເຖິງແມ່ນວ່າກູເວດ ແລະ ຊູແອດຈະຍິນດີກັບຄວາມເຫັນຂອງລັດເຊຍ ແຕ່ສະຫະລັດ ອາເມຣິກາ ວິຈານວ່າລັດຖະບານລັດເຊຍວ່າ ຕ້ອງການຖ່ວງເວລາ ເພື່ອໃຫ້ກອງທັບລັດເຊຍເດີນໜ້າໂຈມຕີປະຊາຊົນຕໍ່ໄປ.
![](https://blogger.googleusercontent.com/img/b/R29vZ2xl/AVvXsEika4NjVaFnQp8CfMguW0Scm47sgDwowQrI346oan-5BzNE0o3hI0IZCVVH6gPQMkmUHghzTOhsccsAlP_TOj23OLi2rpz-Q50ksUhkaVPy_aBGuFBgIQyjlHLDUSKsywKTm_4jqs3d5O65/s1600/139.jpg)
ຂະນະທີ່ອົງກອນສັງເກດການດ້ານສິດທິມະນຸດຊີຣີ ລາຍງານຈຳນວນຜູ້ເສຍຊີວິດຈາກການສູ້ຮົບໃນເຂດກູຕາ ຕາເວັນອອກຕະຫຼອດອາທິດທີ່ຜ່ານມາວ່າ ມີຈຳນວນຫຼາຍກວ່າ 500 ຄົນ ແລະ ໄດ້ຮັບບາດເຈັບອີກຫຼາຍກວ່າ 2,000 ຄົນ ນອກຈາກນີ້ຍັງມີປະຊາຊົນຕິດຄ້າງຢູ່ໃນພື້ນທີ່ອີກເກືອບ 400,000 ຄົນ.
![](https://blogger.googleusercontent.com/img/b/R29vZ2xl/AVvXsEjIrDtP0_0HaY5msd6abbYkn_zfL9eMjA8spWQBcdsNK725tyOq4YBQQh1oSFwOmEOo1qBXXYt9Kef7E1sNpwk8t4YuraanHgokhwvJbDA1wYPAojkmyZ6aKTSe8lAb4ogDv7htp-823qkO/s1600/141.jpg)
![](https://blogger.googleusercontent.com/img/b/R29vZ2xl/AVvXsEiLsPGTE2Z2MC4Cdu-yGS9k7MQL45Z0aLsYTjfl2QgTUcLdE1SemDvxQ5_1ZyIYbFaRaie6RC18-bK8wAPLGqp37x4A5Zfo7nJ1jFNj86f2PpRQZRkR0nmM6ZwQZ5Sf9lBBdZKpwqdSp9EQ/s1600/142.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ