ຫວຽດນາມ-ລັດເຊຍ ຈະເພີ່ມທະວີການຮ່ວມມືການຄ້າລະຫວ່າງກັນໃຫ້ບັນລຸ 10 ຕື້ໂດລາ ໃນປີ 2020
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjt4p8EICP08xSn-X-lVIf7ucAG7dmzz1NgcUOhP95obehCBXqfnkrbM3LUEy7y_P9db7Y-z55mWRjnCw2yVOTtksBFLP3tAfRRREUhu7woHGtgM9uAE51beyybXZ0X0oC9yFqPfNcoVNw/s1600/584.jpg)
ສຳນັກຂ່າວຕ່າງປະເທດລາຍງານ 26 ມີນາ 2018 ວ່າ: ທ່ານ ເຊີເກ ລາວາຣົບ ລັດຖະມົນຕີກະຊວງການຕ່າງປະເທດລັດເຊຍ ກ່າວໃນລະຫວ່າງການເຂົ້າພົບ ແລະ ປຶກສາຫາລືກັບທ່ານ ຫງຽນ ຟູ ຈອງ ເລຂາທິການໃຫຍ່ພັກຄອມມູນິດຫວຽດນາມ ທີ່ນະຄອນຫຼວງຮາໂນຍ ເມື່ອວັນເສົາ (24 ມີນາ) ທີ່ຜ່ານມາວ່າ: ຫວຽດນາມເປັນໜຶ່ງໃນປະເທດທີ່ລັດຖະບານລັດເຊຍ ຖືເປັນພັນທະມິດສຳຄັນໃນພູມມິພາກອາຊີ-ປາຊີຟິກ ແລະ ລັດເຊຍຫວັງເປັນຢ່າງຍິ່ງວ່າຈະໄດ້ມີການສົ່ງເສີມນະໂຍບາຍປະຕິຮູບເສດຖະກິດຂອງຫວຽດນາມ ເຊິ່ງເປັນໜຶ່ງໃນປະເທດທີ່ມີພັດທະນາການທາງເສດຖະກິດດີເປັນອັນດັບຕົ້ນໆໃນພູມມິພາກ.
![](https://blogger.googleusercontent.com/img/b/R29vZ2xl/AVvXsEitQgkPqK4eXZ4a58jdK4uwzIhQf9rmOecqp6VIFJXxf7wzoifVzrw8b3s7LrW8ghbQhSJvKfU8Qtm85FUxseFFyQXmIohlro-gIUR4_UKgyoC1h_ENZEaWaIztN4HNc5TCvbKo7ZG68cg/s1600/586.jpg)
ເຊິ່ງກ່ອນໜ້າການພົບປະກັບທ່ານ ຫງຽນ ຟູ ຈອງ ທ່ານ ເຊີເກ ລາວາຣົບ ແລະ ທ່ານ ຟາມ ບິນ ມິນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດຫວຽດນາມ ໄດ້ລົງນາມຮ່ວມກັນໃນບັນທຶກຄວາມເຂົ້າໃຈ ວ່າດ້ວຍການຍົກລະດັບການຮ່ວມມືທາງດ້ານການຄ້າ ເຊິ່ງສະຖິຕິເມື່ອປີທີ່ຜ່ານມາຢູ່ທີ່ 3,550 ລ້ານໂດລາສະຫະລັດ ເພີ່ມຂຶ້ນເຖິງ 31% ຈາກມູນຄ່າເມື່ອປີ 2016 ແລະ ຈະໃຫ້ເພີ່ມຂຶ້ນອີກເຖິງ 10,000 ລ້ານໂດລາສະຫະລັດ ພາຍໃນປີ 2020 ເຊິ່ງລວມເຖິງການເດີນໜ້າເຈລະຈາຂໍ້ຕົກລົງການຄ້າເສລີລະຫວ່າງຫວຽດນາມ ກັບ ສະຫະພາບເສດຖະກິດຢູເຣເຊຍ (EEC) ທີ່ມີລັດເຊຍເປັນຫົວເຮືອໃຫຍ່ ແລະ ໂຄງການຂະຫຍາຍຂອບເຂດການຮ່ວມມືລະຫວ່າງລັດຖະບານທັງສອງປະເທດ ໃນດ້ານການສົ່ງເສີມການລົງທຶນໃນອຸດສາຫະກຳພະລັງງານ.
![](https://blogger.googleusercontent.com/img/b/R29vZ2xl/AVvXsEhIy3WD_3Ybycg_VDlkSAv81_bqa1KmAvZO51Ma1DjAI9CCwb9w5FTb6UCRCJq6mUuePLrV-Vzr3Ae04b8XWk_tYVdn0PR3l9iEds14DutkVEnm0wmV4Ex5VxKm5xxAqUE4hV-bt1ioNUQ/s1600/587.jpg)
![](https://blogger.googleusercontent.com/img/b/R29vZ2xl/AVvXsEjffyZ_zg-SxX4qrnrc-Tj36cP1KCqPgFPxMZVvmitWZShV_iRDfu_PxuzZbSFndKoGOW6YZ_wM9w8v3zen8k9Fy52PkqKf7AF6gxLQlwj0uIx-K9M7X2wxyBhHvIUAj2LBXnuNlBVSzrg/s1600/585.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ