ຍົນຕົກໃສ່ເຮືອນປະຊາຊົນເສຍຊີວິດ 10 ຄົນ ທີ່ຟິລິບປິນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjfyCGcMxXxJW7mQsMKkTFEFsJRn2j3jg-0-KCZGTafG3HG-EZOMHZFKK_g3ZVh8fRkSswksSvfLKi1krnBZpYPE49GvfXrniM9qmuI1vlkL_-0_SSaBukoGyKDgNl4RJmC9ppuw8TwvEor/s1600/448.jpg)
ສຳນັກຂ່າວຕ່າງປະເທດລາຍງານ 17 ມີນາ 2018 ວ່າ: ທ່ານ ອີຣິດ ອະໂປໂລນິໂອ ໂຄສົກກົມການບິນພົນລະເຮືອນຂອງຟິລິບປິນຖະແຫຼງວ່າ: ຍົນນ້ອຍແບບ Piper-23 apache ຂະໜາດ 6 ບ່ອນນັ່ງ ພ້ອມຜູ້ໂດຍສານ ແລະ ນັກບິນລວມ 5 ຄົນ ອອກເດີນທາງຈາກສະໜາມບິນໃນເມືອງພລາຣິເດວ ແຂວງບູລາກັນ ທີ່ຈະເດີນທາງໄປຍັງເມືອງລາວັກ ພາກເໜືອຂອງປະເທດ ແຕ່ເກີດອຸປະຕິເຫດຕົກໃສ່ເຮືອນຂອງປະຊາຊົນ ທີ່ເມືອງພລາຣິເດວ ເຮັດໃຫ້ຜູ້ໂດຍສານ ແລະ ນັກບິນ 5 ຄົນເສຍຊີວິດທັງໝົດ ແລະ ຍັງມີປະຊາຊົນອີກ 5 ຄົນ ໃນເຮືອນຫຼັງທີ່ເກີດເຫດເສຍຊີວິດ ລວມທັງໝົດເປັນ 10 ຄົນ ນອກຈາກນັ້ນກໍ່ຍັງມີຜູ້ໄດ້ຮັບາດເຈັບອີກ 2 ຄົນ.
ສ່ວນສາເຫດຂອງການເກີດເຫດຍັງບໍ່ຊັດເຈນ ແຕ່ຈາກຄຳບອກເລົ່າຂອງປະຊາຊົນໃກ້ຄຽງລະບຸວ່າ ຍົນໄດ້ຕຳກັບຕົ້ນໄມ້ ແລະ ເສົາໄຟຟ້າກ່ອນທີ່ຈະຕົກໃສ່ເຮືອນຫຼັງທີ່ເກີດເຫດດັ່ງກ່າວ.
ໂຄສົກກົມການບິນພົນລະເຮືອນຂອງຟິລິບປິນກ່າວອີກວ່າ ຍົນນ້ອຍທີ່ເກີດເຫດເປັນຂອງບໍລິສັດ ແອ ເອັກສະເພຣສ ເຊິ່ງຍົນທັງໝົດຂອງບໍລິສັດດັ່ງກ່າວໄດ້ຖືກສັ່ງໃຫ້ຢຸດຕິການບິນທັງໝົດກ່ອນ ເພື່ອກວດສອບຄວາມປອດໄພ.
![](https://blogger.googleusercontent.com/img/b/R29vZ2xl/AVvXsEjMp7jMEs7ONveyoAC_mIPx33TQQzsEkRKRY-1dwUPAFz7jXMWyC4FKVrL7KKremEfJa-bhYEvDSC2-XFI3UkylCWLblb7SD62nwr6aVlU9-WxHZN_dpD4fObw7yjbZfBsu6JAvDycNINMz/s1600/449.jpg)
![](https://blogger.googleusercontent.com/img/b/R29vZ2xl/AVvXsEgPpo2GYUWP-jOWSjLtHG5QBPBSUr9wwBrr0xGg108iE5rUG85wUJ4suAjqGuvVQ5spew4n5ULXrf3ZcJBb0SU1zhBij21anjIW1gFjC48w6neeJXPURFMD2oAuNJggFxUtsS0IOutqB4BT/s1600/450.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ