ອະດີດປະທານປະເທດເກົາຫຼີໃຕ້ ອາດຕິດຄຸກ 30 ປີ ຄະດີສໍ້ລາດບັງຫຼວງ ແລະ ໃຊ້ອຳນາດບໍ່ຖືກຕ້ອງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjVbR5nUSsFgLcp6jyOvhJo4hHIAM_o3L_6qfMU3aEd6zrJjqgLhVV7pVlASHZrLrlpmwK1dvrTNi1nqPm-IKw3tCmSzqQQ4nz55cy38ELPODSXUSHHap6UInb2rk2xhVAqKWY3ZHwy3Efk/s1600/284.jpg)
ສຳນັກຂ່າວຕ່າງປະເທດລາຍງານເມື່ອວັນທີ 28 ກຸມພາ 2018 ວ່າ: ເມື່ອວັນອັງຄານ (27 ກຸມພາ) ທີ່ຜ່ານມາ: ໄອຍະການເກົາຫຼີໃຕ້ ໄດ້ກຽມຂໍໃຫ້ສານພິຈາລະນາລົງໂທດທ່ານ ນາງ ປາກ ກຶນ-ເຮ ອະດີດປະທານປະເທດເກົາຫຼີໃຕ້ ໂດຍການຕັດອິດສະຫຼະພາບ 30 ປີ ແລະ ປັບໃໝ 10 ລ້ານໂດລາສະຫະລັດ, ໂດຍໄອຍະການລະບຸວ່າ: ທ່ານ ນາງ ປາກ ກຶນ-ເຮ ຖືເປັນຜູ້ທີ່ຕ້ອງຮັບຜິດຊອບຕໍ່ຄວາມເສຍຫາຍທີ່ເກີດຂຶ້ນ ເພາະທ່ານ ນາງ ໄດ້ຍິນຍອມ ແລະ ປ່ອຍໃຫ້ໝູ່ຜູ້ໃກ້ຊິດກໍ່ຄືທ່ານ ນາງ ຊະເວ ຊຸນຊິນ ເຂົ້າມາໃຊ້ປະໂຫຍດຈາກຕຳແໜ່ງໜ້າທີ່ຂອງຕົນ ໃນການບັງຄັບໃຫ້ບັນດາບໍລິສັດເອກະຊົນບໍລິຈາກເງິນເຂົ້າອົງກອນການກຸສົນຂອງທ່ານ ນາງ ຊະເວ ເປັນມູນຄ່າຫຼາຍກວ່າ 10 ລ້ານໂດລາສະຫະລັດ ຈາກບໍລິສັດຊັງຊຸມ, ລັອດເຕ ລວມໄປເຖິງ SK ກຣຸບ ແລະ ບໍລິສັດອື່ນໆ.
![](https://blogger.googleusercontent.com/img/b/R29vZ2xl/AVvXsEiOGGcpSZ_5SxF1HUA-oFEKI9uQ3OnFQvDZWPzJJIEi-bksNLmCoA1t9VzuYxyyXxVKukyWYNumJpsOCdwTdpj-J-ZKQjzSWErr-cXknjedHgUnRlFum_MVGkUYMggRjhH-vSt8HuMv70Ny/s1600/286.jpg)
ເຖິງທ່ານ ນາງ ປາກ ກຶນ ເຮ ໄດ້ຖືກຟ້ອງຕັ້ງແຕ່ເດືອນເມສາ 2017 ໃນຂໍ້ຫາການຮັບສິນບົນ ໂດຍໃຊ້ອຳນາດບໍ່ຖືກຕ້ອງ ລວມໄປເຖິງການເປີດເຜີຍຂໍ້ມູນລັບຂອງລັດຖະການແກ່ບຸກຄົນພາຍນອກ, ເຖິງຢ່າງໃດກໍ່ຕາມ ກ່ອນໜ້ານີ້ທ່ານ ນາງ ປາກ ກຶນ-ເຮ ແລະ ທ່ານ ນາງ ຊະເວ ຊຸນຊິນ ໄດ້ປະຕິເສດຂໍ້ກ່າວຫາທັງໝົດ.
![](https://blogger.googleusercontent.com/img/b/R29vZ2xl/AVvXsEh_NJUded2MkMjcoaZHM1YIQ_0i77bi8k2H0LERyqi32IVFY1qiZsQvwLMK_n-85KUcQAikxykW0sbQ9n_wI3BkoSaeGSTiurgqCVJ-HVLIVufbDj6cFj9cF0JLwtRJr7S3Y61fhh3mGbuK/s1600/285.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ