ນາຍົກສະໂລວາກີ ຕັ້ງລາງວັນນຳຈັບຄາຕະກອນຜູ້ຂ້ານັກຂ່າວ ແລະ ແຟນ 1 ລ້ານເອີໂຣ ເພື່ອສະແດງຢຸດຢືນຂອງລັດຖະບານໃນການປົກປ້ອງເສລີພາບຂອງສື່
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEinW_4A61x7gT5tDIrCDRkgONz3787V0PRcECy5sgRHthB3C87BVwlr4E0MI6k0H7Y-N-XFy9vzqeiMb7SSLQvvXl18Q3ik25sexUxHO52b8Ya3vz-uZfUlWIr08Y5hXPycXH2Snf7J0acZ/s1600/282.jpg)
ສຳນັກຂ່າວຕ່າງປະເທດລາຍງານເມື່ອວັນທີ 28 ກຸມພາ 2018 ທີ່ຜ່ານມາວ່າ: ທ່ານ ໂຣເບິດ ຟິໂກ ນາຍົກລັດຖະມົນຕີສະໂລວາກີ ສະເໜີເງິນລາງວັນນຳຈັບ 1 ລ້ານເອີໂຣ ສຳລັບຜູ້ໃດກໍ່ຕາມທີ່ສາມາດແຈ້ງເບາະແສກ່ຽວກັບການຄາຕະກຳ ທ້າວ ຈາ ຄູຄຽກ ນັກຂ່າວດ້ານການສືບສວນ ແລະ ແຟນຂອງລາວ ນາງ ມາຕິນາ ຄູສນິໂຣວາ ທັງສອງເປັນຊາວສະໂລວາກີ ຖືກຍິງເສຍຊີວິດໃນເຮືອນຂອງຕົນເມື່ອວັນອາທິດ (25 ກຸມພາ) ທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEibuZ-tChWYPRulmMTKpa_b4MvFPi1mKZslXdPM6gxqwlBidAbo01TM-Y6OBobrTaU9JIgGMVSCUfJTNDVQGoIw8QU1W98EdN6vYkustYlxN3IY6AX6Tzcl15oo0ODs40LDBhtG-luBoBPF/s1600/280.jpg)
ເຊິ່ງການຖະແຫຼງຂ່າວຂອງນາຍົກລັດຖະມົນຕີສະໂລວາກີ ໄດ້ດຶງດູດຄວາມສົນໃຈຂອງບັນດານັກຂ່າວເປັນຈຳນວນຫຼາຍ ຈົນໂດ່ງດັງໄປທົ່ວໂລກ ເພາະທ່ານໄດ້ຢືນຢູ່ຂ້າງກອງເງິນ ພ້ອມເຈົ້າໜ້າທີ່ ທີ່ມີອາວຸດຄົບຊຸດ ເພື່ອອາລັກຂາເງິນຈຳນວນນີ້ ເຊິ່ງການຖະແຫຼງຂ່າວໃນລັກສະນະນີ້ ບໍ່ຄ່ອຍປາກົດໃຫ້ເຫັນໃນສະໂລວາກີ.
ສ່ວນການສືບສວນຄວາມຄືບໜ້າຂອງຄະດີ ຈົນເຖິງຕອນນີ້ຍັງບໍ່ມີໃຜສາມາດອອກມາລະບຸໄດ້ເຖິງຕົ້ນເຫດຂອງການຄາຕະກຳບຸກຄົນທັງສອງໄດ້, ຂະນະທີ່ເມື່ອບໍ່ດົນມານີ້ ໜັງສືພິມຫຼາຍສະບັບໃນສະໂລວາກີ ຕີພິມບົດຄວາມຂອງທ້າວ ຈາ ຄູຄຽກ ທີ່ກ່າວເຖິງກຸ່ມມາເຟຍ ແລະ ການສໍ້ລາດບັງຫຼວງທາງການເມືອງລະດັບສູງ ເຊິ່ງອາດຈະເປັນສາເຫດເຮັດໃຫ້ລາວ ແລະ ແຟນຂອງລາວຖືກຄາຕະກຳກໍ່ເປັນໄປໄດ້.
ໃນດ້ານຂອງໝູ່ຮ່ວມງານຂອງທ້າວ ຈາ ຄູູຄຽກ ກ່າວວ່າ ຍັງມີບົດຄວາມທີ່ຍັງຂຽນບໍ່ແລ້ວຂອງລາວ ທີ່ກ່າວເຖິງກໍລະນີບັນດານັກທຸລະກິດໃນທາງຕາເວັນອອກຂອງສະໂລວາກີ ມີການເຊື່ອມໂຍງກັບກຸ່ມມາເຟຍ ແລະ ກຳລັງວາງແຜນຍັກຍອກເງິນ.
ຂະນະທີ່ນາຍົກລັດຖະມົນຕີກະໂລວາກີ ຈະຫາລືກັບສະມາຄົມນັກຂ່າວ ເພື່ອສ້າງຄວາມໝັ້ນໃຈວ່າ ການປົກປ້ອງເສລີພາບໃນການລາຍງານຂ່າວ ແລະ ຄວາມປອດໄພຂອງສື່ເປັນສິ່ງສຳຄັນ ເພາະສື່ເປັນສິ່ງສຳຄັນຢ່າງຍິ່ງໃນການເປັນແຫຼ່ງຂໍ້ມູນໃຫ້ກັບລັດຖະບານສະໂລວາກີ.
![](https://blogger.googleusercontent.com/img/b/R29vZ2xl/AVvXsEjtCwkZfo2vpNQkFt0hQSc1DBqXOU7JsziwhPiuGO726NYVHwv7P0MpesZMphLiTxqYZVAANMnOaByEH7X0rqINt_Z40JOUpmJz9R6MDrSm546P0DSnc9o5yDGzulWIK8Ya8-aB9Vsnb7Vf/s1600/276.jpg)
![](https://blogger.googleusercontent.com/img/b/R29vZ2xl/AVvXsEhCJtbs_qf0YKmnyVVSHkWeO6uyhrqZ6CpkKmgTjU1KBFZDKRmNXG7gnhyphenhyphenmgs3aJNDz8FiT7PZrK30tKWQ96MwJFtPq1M8Cqav4zfF9qNXu4hc9vma59yYEYxPk9blLVb3GC5MfMhRTcUVa/s1600/278.jpg)
![](https://blogger.googleusercontent.com/img/b/R29vZ2xl/AVvXsEgbwKLRu62BdKr0suae5IPD4t3l3xfGW-Hiv_OtG4M6WfwPW5I9W6HHOvlRRLRor_7AidjiweB1f71YdD2X5n4jQrVDQ93DQz2s56nlLrE__tfDtAokXMfOlsnQZR0t_nuC46pZ9PiXNnES/s1600/279.jpg)
![](https://blogger.googleusercontent.com/img/b/R29vZ2xl/AVvXsEgZ794B3fafxSa36XKnn3B2T2Uo7aDmpEIAS-7ZcGgcv94AOgBWhnefQ1F8XzCroB8BiX76HE2Bj691oj1TsFN_XbUOkedCNQ0C7LdCn4GZFzSca3DPRu5Z5-p6OGsu_xKAEjLb8a9yoCCH/s1600/281.jpg)
![](https://blogger.googleusercontent.com/img/b/R29vZ2xl/AVvXsEgfknPF7x3R6caWa4F3nWTvwmj6XGfZ3CcsOn4fy85I330iyTP0NnCc_4hbmFlopKZJAKVBHOTu_ZaDr-oa-tf_K_qg1R5fZEjTQ35e0KInurfsNHdKNR3EbL1OYrxJDG0iuq4BPXAXhBdW/s1600/283.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ