ເຕືອນໄພລົມພັດແຮງ, ຝົນຕົກ, ຟ້າເຫຼື້ອມ ແລະ ໝາກເຫັບຕົກ 6-9 ມີນາ 2018 ນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh4Ltb0I29n-qYI7QTJIf5tqNiYXurj8risgztdb9LCaMPVXnwuUCF9HiEZwzXDAeBkkfCIeGgv5WMJCqm8krk4qss9QRI3S-3UKxSmDXvxQFLdKA4OdBoT17OGjsGiTLb_D8qhkQjpXoQB/s1600/335.jpg)
ກົມອຸຕຸນິຍົມ ແລະ ອຸທົກກະສາດ ໄດ້ອອກແຈ້ງເຕືອນເລກທີ 0209/ກອຕທ ລົງວັນທີ 5 ມີນາ 2018 ແຈ້ງເຕືອນໄພລົມພັດແຣງ, ຝົນຕົກ, ຟ້າເຫຼື້ອມ ແລະ ໝາກເຫັບຕົກ ເນື່ອງຈາກວ່າ ຄວາມກົດດັນສູງຂອງອາກາດເຢັນຈາກປະເທດຈີນຈະມີກຳລັງປານກາງ ແຜ່ລົງມາປົກຄຸມພາກເໜືອຂອງປະເທດລາວອີກຄັ້ງໃໝ່ ສົມທົບກັບກະແສລົມຕາເວັນຕົກ ພັດປົກຄຸມພາກເໜືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸມພາກກາງຫາພາກໃຕ້ ໃນໄລຍະວັນທີ 6 ຫາ 9 ມີນາ 2018 ນີ້ ເຊິ່ງຈະເຮັດໃຫ້ມີລົມພັດແຮງ, ຝົນຕົກ, ຟ້າຮ້ອງ, ຟ້າເຫຼື້ອມ ແລະ ຈະມີໝາກເຫັບຕົກຢູ່ໃນແຕ່ລະພາກ.
ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ຈົ່ງມີສະຕິລະມັດລະວັງ ແລະ ຢູ່ຫ່າງໄກຈາກຕົ້ນໄມ້ໃຫຍ່ ຫຼື ສິ່ງປຸກສ້າງອາຄານທີ່ບໍ່ໄດ້ມາດຕະຖານ ພ້ອມທັງຕິດຕາມຂ່າວພະຍາກອນອາກາດ ແລະ ນ້ຳຈາກກົມອຸຕຸນິຍົມ ແລະ ອຸທົກກະສາດຢ່າງໃກ້ຊິດ.
![](https://blogger.googleusercontent.com/img/b/R29vZ2xl/AVvXsEj09Y5rvk16OHuuFa8WKJE2FofXzbdfh39djZ7L0kOqpMJgdGBDB6eeenXsrfhYAg2UZpKmcTwodkNqSQiXGfkOsA-bQ8tbpRfmKU-wYQE9xHV312F4tzFwoHXnv7uc2_xyUxLzqR3Z4ENq/s1600/334.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ