ຈະຫຼວດລັດເຊຍນຳສົ່ງ ນັກບິນອະວະກາດຊຸດໃໝ່ ໄປຍັງສະຖານນີອະວະກາດນານາຊາດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgsOWcE6GmGnCPN2VdrpXuPhnV9OBn9jy5gVxBXBYnI4CJksw_ZVJ_h_7luV8NIAwu2ScqkhesVJzCGiyw6s08rqlCMjeRVsEwkDZj8C2k6UknxaVdduKe4CRnnSVRggkBQ1IcfP_CMKns/s1600/541.jpg)
ສຳນັກຂ່າວຕ່າງປະເທດລາຍງານ 22 ມີນາ 2018 ວ່າ: ຈະຫຼວດ Soyuz MS-08 ຂອງອົງການອະວະກາດລັດເຊຍ ອອກເດີນທາງຈາກຖານປ່ອຍຈະຫຼວດທີ່ສູນອະວະກາດໄບໂຄນູ ຄອສໂມໂດຣມ (Baikonur Cosmodrome) ໃນເມືອງໄບໂຄນູ ປະເທດກາຊັກສະຖານ ເມື່ອເວລາ 23:44 ນາທີ ຕາມເວລາທ້ອງຖິ່ນຂອງວັນພຸດ (21 ມີນາ) ເພື່ອສົ່ງນັກບິນອະວະກາດ 3 ຄົນເດີນທາງຕໍ່ດ້ວຍຍານແຄບຊູນຂຶ້ນໄປປະຕິບັດການຢູ່ເທິງສະຖານນີອະວະກາດນານາຊາດເປັນເວລາ 5 ເດືອນ ແບ່ງເປັນຊາວອາເມຣິກາ 2 ຄົນ ຈາກອົງການບໍລິຫານການບິນ ແລະ ອະວະກາດແຫ່ງຊາດສະຫະລັດ ອາເມຣິກາ (NASA) ຄືທ່ານ ດຣູ ຟອຍເທວ ອາຍຸ 52 ປີ ແລະ ທ່ານ ຣິຊາດ ອາໂດນ ອາຍຸ 54 ປີ ເຊິ່ງຖືເປັນຄັ້ງທຳອິດຂອງທັງສອງຄົນທີ່ຈະໄດ້ຂຶ້ນໄປເກັບກ່ຽວປະສົບການເທິງສະຖານນີອະວະກາດນານາຊາດ.
![](https://blogger.googleusercontent.com/img/b/R29vZ2xl/AVvXsEhpszNAP25Wc_C4Tzt_C-EmenPHnzqCO2JLo1wANCCYwJwTPgxCO4sKhTOBcDKuWFcSvKPx7mCItzlpNJhDQWlruDPrf7LmxaNe3734In6ruxGguxxm0o4fPu-6ZMuBhx1BgK10-xTHX7s/s1600/535.jpg)
ຂະນະທີ່ຫົວໜ້າທີມຂອງຊຸດນີ້ຄືທ່ານ ໂອເລັກ ອາເທມເຢບ ຈາກອົງການອະວະກາດລັດເຊຍ ອາຍຸ 47 ປີ ເຄີຍປະຕິບັດໜ້າທີ່ຢູ່ເທິງສະຖານນີອະວະກາດນານາຊາດມາແລ້ວເຖິງ 169 ວັນ ເມື່ອປີ 2014 ໂດຍກ່ອນອອກເດີນທາງທ່ານ ໂອເລັກ ອາເທມເຢບກ່າວວ່າ ຄະນະໄດ້ນຳເອົາໝາກບານຕິດຕົວໄປທ່ອງອະວະກາດໃນຄັ້ງນີ້ນຳ ແລະ ຫວັງເປັນຢ່າງຍິ່ງວ່າໝາກບານໜ່ວຍນີ້ຈະມີສ່ວນຮ່ວມໃນການແຂ່ງຂັນເຕະບານໂລກນັດເປີດສະໜາມລະຫວ່າງທີມຊາດລັດເຊຍ ກັບ ທີມຊາດອາຣັບບີ ຊາອູດິດ ທີ່ນະຄອນຫຼວງມົດສະກູ ໃນວັນທີ 14 ມິຖຸນາ 2018 ນີ້ ເຊິ່ງທ່ານ ອັນໂທນ ຊະຄາເປຼຣົບ ນັກບິນອະວະກາດຂອງອົງການອະວະກາດລັດເຊຍ ທີ່ປະຈຳການຢູ່ເທິງສະຖານນີອະວະກາດນານາຊາດຢູ່ໃນຕອນນີ້ ແລະ ຈະເດີນທາງກັບກ່ອນຈະເປັນຜູ້ນຳກັບມາຍັງໂລກ.
ເຊິ່ງສະຖານນີອະວະກາດນານາຊາດເປັນພຽງໜຶ່ງໃນການຮ່ວມມືບໍ່ພໍເທົ່າໃດດ້ານລະຫວ່າງສະຫະລັດ ອາເມຣິກາ ກັບ ລັດເຊຍ ທີ່ລອຍຢູ່ເໜືອໂລກໃນລະດັບຄວາມສູງ 28,000 ກິໂລແມັດ ຕັ້ງແຕ່ປີ 1988
![](https://blogger.googleusercontent.com/img/b/R29vZ2xl/AVvXsEid4m67dNIPgY-wjEPMqqywFHh-ALfy2jZmDt25H4uIZjE3lxTmhw1jMvz2qs881rOGMBvr2g-tuiqFEP38uhdKeAlI7F_0y5Rp6FHZqxsaYFaJH-KhD10u_pF1E_1XKB1HX-qgHbWxDSc/s1600/536.jpg)
![](https://blogger.googleusercontent.com/img/b/R29vZ2xl/AVvXsEii46QvHAkbKA4nggfpp7LLAm6R1f8RD9DnbbAi6actxzr80u3ydx2aMZj55TL962w1jU1x_6OvgdAAYWghskBpNpEQaoeFOf3dif5p7yq-vRwHZneVOSvJqw3zqS68aPf5MdFPqJVZ-SU/s1600/537.jpg)
![](https://blogger.googleusercontent.com/img/b/R29vZ2xl/AVvXsEhFOLbwN9Ux9bT4p38s1XwozqLLJa0HCU087lAv-lwo6neSIG4Mxg2cHrDEbQ1e43fM1LVAF8iw55Idj377K4BJow3skYCajIGdpgXXz0EVxqwKRt-LofK6zd9P1eww7FsnxC75iOBNdJg/s1600/539.jpg)
![](https://blogger.googleusercontent.com/img/b/R29vZ2xl/AVvXsEg-AldPD5pCBdlfgyj_-xlaorygFgkODNYqy-ihgSifKBbStFZQACckCSc_4gVrQW3teczYeYgwReWlpHWiXI2mco-EwmeNOrMxYuidvOSqIiczE5kIp-TSznV0IuX2M3dPJKB5XYBUclY/s1600/544.jpg)
![](https://blogger.googleusercontent.com/img/b/R29vZ2xl/AVvXsEgj8BL3bZTXv3sKlV_1tWzdt9cuomWq5AhejJ7xh5EEGfcp1bTUWJ83GgzGJwIvTRwgtmTKYg-8IuZY2EuE9hLN0yaFusY-ZLSTQGOd405KOU9reSUtFU9EJ1a4p4pXd14V2F2jra5yf4o/s1600/538.jpg)
![](https://blogger.googleusercontent.com/img/b/R29vZ2xl/AVvXsEhu-mG_Aby2vkgdYJwGrEdkklVoI-uQRJaVQ9nT-Kqfpqr3Ldj1AkrOBmT77PZFI1BXcUIuuXZR7hOiwwF_qFkL3WuRbGHkKFhMMTlXvQ9OYV9jj6aYY7CKfQR8d2T_tiRuSMYMrYvCBlo/s1600/543.jpg)
![](https://blogger.googleusercontent.com/img/b/R29vZ2xl/AVvXsEh1h76eRa9RM8YBWXiAp0_uF6GTHVckw4BiHvsubO7JDJQRUtJZvKmQ9w3pMmhUGnNPxpioy7WxOFOZQqPL6QaD1xFuUGhYppZhPh9gIXdpOX6h-9WsX4tVLXmNTfjhOMklrb6frCUSmoY/s1600/542.jpg)
![](https://blogger.googleusercontent.com/img/b/R29vZ2xl/AVvXsEjhsYd2JQRhOCIoPWQQhcqCe8tm0Zdd8ZqJ0BEhE0i284iAqT5k9Md6RDEOWwjxfjo-pFoQwXarsTdC7WNNhSEMYF8oKVzJbP94K87SHpOtcNeFd2_hn0yfWEbp4p0XFt1wohS5Q8EUJgs/s1600/540.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ