ລັດເຊຍ ສົ່ງຍົນຕໍ່ຕ້ານເຮືອດຳນ້ຳບິນຜ່ານຂົ້ວໂລກເໜືອ ຂະນະທີ່ ສ.ອາເມຣິກາ-ອັງກິດ ເຝິກຊ້ອມຢູ່ຈຸດດັ່ງກ່າວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgQG49HhUZfaZ5cELpVuq92sxOWV-Nfa0t47yZ_0LRRw6FZ99YZy9FRDDEYKV6Yv-X9SCgYnYbBIFBKq1vkYzByotFR971rVbp76I_kHJaw8EEqaZ-Dp3vXs2mBy81W2d7a6MitqSzQY44/s1600/629.jpg)
ສຳນັກຂ່າວຕ່າງປະເທດລາຍງານເມື່ອວັນທີ 28 ມີນາ 2018 ທີ່ຜ່ານມາວ່າ: ຍົນກອງທັບລັດເຊຍໄດ້ເຝິກຊ້ອມການບິນຜ່ານຂົ້ວໂລກເໜືອ ໄປຍັງທະວີບອາເມຣິກາເໜືອເປັນຄັ້ງທຳອິດ ນັບຕັ້ງແຕ່ສະໄໝການເປັນສະຫະພາບໂຊວຽດ ຈາກການເປີດເຜີຍຂອງທ່ານ ເຊີເກ ຊອຍກູ ລັດຖະມົນຕີກະຊວງປ້ອງກັນປະເທດລັດເຊຍ.
ທ່ານ ເຊີເກ ຊອຍກູ ກ່າວຕໍ່ຄະນະນາຍທະຫານລະດັບສູງຂອງກອງທັບລັດເຊຍວ່າ: ຍົນທີ່ເຝິກຊ້ອມເປັນຍົນຕໍ່ຕ້ານເຮືອດຳນ້ຳ ໂດຍບໍ່ໄດ້ລະບຸວ່າການເຝິກຊ້ອມນັ້ນເກີດຂຶ້ນເມື່ອໃດ ແຕ່ການເປີດເຜີຍຂອງທ່ານ ເກີດຂຶ້ນໃນຂະນະທີ່ມີການຮ່ວມເຝິກຊ້ອມທາງທະເລຄັ້ງຍິ່ງໃຫຍ່ ລະຫວ່າງກອງທັບສະຫະລັດ ອາເມຣິກາ ກັບ ກອງທັບອັງກິດ ຢູ່ຂົ້ວໂລກເໜືອ ແລະ ໃນຂະນະດຽວກັນກັບທີ່ມີຄວາມເຄັ່ງຕຶງກັບບັນດາປະເທດຕາເວັນຕົກ-ຕາເວັນອອກ ຈາກບັນຫາການການວາງຢາພິດອະດີດສາຍລັບລັດເຊຍ ທີ່ລີ້ໄພຢູ່ອັງກິດ.
ເຊິ່ງການເຝິກຊ້ອມພາຍໃຕ້ລະຫັດ Exercise 18 (ICEX 2018) ລະຫວ່າງສະຫະລັດ ອາເມຣິກາ ກັບ ອັງກິດນັ້ນ, ກອງທັບອັງກິດໄດ້ສົ່ງເຮືອດຳນ້ຳພະລັງງານນິວເຄຼຍ HMS Trenchant ເຂົ້າຮ່ວມ, ສ່ວນກອງທັບເຮືອສະຫະລັດ ອາເມຣິກາໄດ້ສົ່ງເຮືອດຳນ້ຳ 2 ລຳ ຄື: USS Connecticut ແລະ USS Hartford ແລະ ເຮືອຮົບອີກ 2 ລຳ.
ທາງການອັງກິດກ່າວວ່າ: ການເຝິກຊ້ອມຄັ້ງນີ້ ຖືເປັນໂອກາດດີ ທີ່ເຮືອດຳນ້ຳຂອງອັງກິດຈະໄດ້ຮຽນຮູ້ ແລະ ພັດທະນາຄວາມສາມາດ ເພື່ອປະຕິບັດພາລະກິດໃຕ້ຊັ້ນນ້ຳແຂງຂອງທະວີບອາກຕິກ.
ຈາກການປະເມີນຂອງຜູ້ຊ່ຽວຊານ ຂົ້ວໂລກເໜືອມີປະລິມານສຳຮອງຂອງຮີໂດກາກບອນ ຫຼາຍກວ່າທີ່ອາຣັບບີ ຊາອູດິດ ແລະ ລັດເຊຍມີ.
ພາບການເຝິກຊ້ອມພາຍໃຕ້ລະຫັດ Exercise 18 (ICEX 2018)
![](https://blogger.googleusercontent.com/img/b/R29vZ2xl/AVvXsEhELM3bbxJTt88a2u8teucYKWsiiSz7yyTGi5ovUi-F4ETBykVdVTM5TAXaJikKlakl9tBDyvcvCAUNIUgOXt6cIFWPNiZZZFyH0tmFtNA_GJeYo02czUIslAG1GO3WciUp8havckErUHk/s1600/634.jpg)
![](https://blogger.googleusercontent.com/img/b/R29vZ2xl/AVvXsEionpQUP4q20VBb6VSjajqIVe_yhd3O2d6LzIbGSZQF7g00hesYd8Qscu2pl4gjSZPjS0Pfi4_ybvi80w1WKTPFpspbTtQiknwWnmWeSDsGrQsOI37kRg53NEpt6OUDClAmRIPKucsqhy4/s1600/635.jpg)
![](https://blogger.googleusercontent.com/img/b/R29vZ2xl/AVvXsEhiWoPEEUM3J_tqmL1pNX6oXGu1bTYM-DphhnVykB3BABYVg631AG3GtxRGNWGeCUXv9S-cHSXZidGt66Um-UsXzJuowXv2Piy5wsQtaDXDez1NedcpE0uPxZNd0TyQJNC6wOxdzmwDGUc/s1600/633.jpg)
![](https://blogger.googleusercontent.com/img/b/R29vZ2xl/AVvXsEioRJhXBBJFDUyV8daoMzzLwfoGkQLCtlb9N2ntfobR9rzNmt9VOATdBMd5ML_zEWGyZOKcqvOigijzQRifHuEHHPobaO6vZWeIaMT-a1dBdRa5_K-HKz-83PhH1L6N-ft8MaBoyJ2i2oQ/s1600/637.jpg)
![](https://blogger.googleusercontent.com/img/b/R29vZ2xl/AVvXsEixPrCX-2eVRmg1SYJvYGKCrkr52aipnaOD9UiuVbTYPeGTt5RskAs-zfnqlhQroIbZunKEk76bkJWlIZKPZwkxK37cVDXDiBqhPvrPwfhJ28Nvv4qN2MeIB6GxfvtgeHvRZFNiPkDqWak/s1600/636.jpg)
![](https://blogger.googleusercontent.com/img/b/R29vZ2xl/AVvXsEijTRQyN53s4qEm8P-Ok8S7fgDmOdL9-KJ5W8XYm3D28bwAB8i-_6tk5UhWeQRag_oCcqB_PrlMnJalF-We9ssjg7_RA4MvGB0p-Sk7ohqS7f7xdGQHee2hSbsGD3LG6iLUwqpA0WSTy0w/s1600/631.jpg)
![](https://blogger.googleusercontent.com/img/b/R29vZ2xl/AVvXsEiIPyKb6-TLpjpgRzr7cl_f_jR1MgvTo4DZVlXusvmzw0hBztB5Qx7hkortz2v7UKaa79AmLdCYU5w-M0O6iu2JjPHOpdZkSN7TNtBRQdrDEWEZam4ZJTBkfTWFZveY2mxa1I79ab4OLKk/s1600/639.jpg)
![](https://blogger.googleusercontent.com/img/b/R29vZ2xl/AVvXsEjMgOrU9ps6MKHYqIlnyTRprnvmhqSOrKPSVGkRsklSs0EuH41Y_6qJjetcPnoGwOvqNSrdj1bwZm12iRA6LcGyxNnZWSQxEoL_UIQKhcFtpe5iF8XB1i4n_lp7PJte0QGskwO7dmXz1ns/s1600/638.jpg)
![](https://blogger.googleusercontent.com/img/b/R29vZ2xl/AVvXsEgEFZfLul0XdrZCuVTT3ZLf5QCBO4UbwlCT9R74rZzi5j0byaQLGhDBZeVaXove_i8J5snlsbAfgnMjF_jVeDTNopz4ZNKUM5aDqcxOwUyPZcJHzc_WKOVv4H_yFfMHhe3QewY1wTPB8A8/s1600/632.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ