ເກົາຫຼີເໜືອເຕືອນ ສ.ອາເມຣິກາ ຕ້ອງຮັບຜິດຊອບຕໍ່ຜົນການຕອບໂຕ້ທີ່ຈະເກີດຂຶ້ນ ຫາກຍັງຊ້ອມຮົບຮ່ວມກັບເກົາຫຼີໃຕ້
ສຳນັກຂ່າວຕ່າງປະເທດລາຍງານ 5 ມີນາ 2018 ວ່າ: ຕາມທີ່ ທີ່ປຶກສາດ້ານຄວາມໝັ້ນຄົງຂອງທ່ານ ມູນ ແຈ-ອິນ ປະທານປະເທດເກົາຫຼີໃຕ້ເປີດເຜີຍຜ່ານສຳນັກຂ່າວ YTN ເມື່ອອາທິດທີ່ຜ່ານມາວ່າ ສະຫະລັດ ອາເມຣິກາມີກຳນົດທີ່ຈະເລີ່ມເຝິກຊ້ອມຮົບຮ່ວມປະຈຳປີກັບເກົາຫຼີໃຕ້ໃນຕົ້ນເດືອນເມສາ 2018 ທີ່ຈະມາເຖິງນີ້ ຖືເປັນການຊ້ອມຮົບຕໍ່ເນື່ອງຂອງສະຫະລັດ ອາເມຣິກາ ກັບ ເກົາຫຼີໃຕ້ ທີ່ຝ່າຍເກົາຫຼີເໜືອຖືວ່າເປັນໄພຄຸກຄາມຕໍ່ເກົາຫຼີເໜືອ.
ສຳນັກຂ່າວ KCNA ຂອງທາງການເກົາຫຼີເໜືອລາຍງານວ່າ ຫາກສະຫະລັດ ອາເມຣິກາ ຍັງຄົງຮ່ວມຊ້ອມຮົບກັບເກົາຫຼີໃຕ້ ຂະນະທີ່ຍັງຄົງໃຊ້ມາດຕະການຂວໍ້າບາດເພື່ອກົດດັນເກົາຫຼີເໜືອຕໍ່ໄປ ທາງເກົາຫຼີເໜືອຈະຫາທາງຕອບໂຕ້ສະຫະລັດ ອາເມຣິກາ ໃນແບບວິທີການຂອງເກົາຫຼີເໜືອເອງ ເຊິ່ງສະຫະລັດ ອາເມຣິກາຈະຕ້ອງຮັບຜິດຊອບເອງກັບຜົນທີ່ຈະເກີດຂຶ້ນ.
'Clouds of war': #NorthKorea will 'counter #US' if it holds drills with #Seoul https://t.co/3MnbYXK5T8 pic.twitter.com/008FTNfDyH— RT (@RT_com) March 4, 2018
ຂະນະທີ່ເກົາຫຼີເໜືອເອງກໍ່ກ່າວຫາວ່າ ສະຫະລັດ ອາເມຣິກາ ແມ່ນພະຍາຍາມທີ່ຈະນຳເມກໝອກແຫ່ງສົງຄາມກັບມາສູ່ແຫຼມເກົາຫຼີ, ສ່ວນໃນດ້ານຂອງເກົາຫຼີໃຕ້ມີແຜນທີ່ຈະສົ່ງທູດພິເສດເດີນທາງໄປຍັງນະຄອນຫຼວງປຽງຢາງຂອງເກົາຫຼີເໜືອ ຕາມຄຳເຊີນຂອງທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ເຊິ່ງເລື່ອງນີ້ທ່ານ ມູນ ແຈ-ອິນ ປະທານປະເທດເກົາຫຼີໃຕ້ກໍ່ໄດ້ປຶກສາຫາລືກັບທ່ານ ໂດໂນ ທຣຳ ຜ່ານທາງໂທລະສັບແລ້ວ ເມື່ອວັນພະຫັດ (1 ມີນາ) ທີ່ຜ່ານມາ.
ສະແດງຄວາມຄິດເຫັນ