NATO ຮ່ວມຂະບວນກັບອີກ 27 ປະເທດ ຂັບໄລ່ທູດລັດເຊຍ 144 ຄົນກັບປະເທດ
ສຳນັກຂ່າວຕ່າງປະເທດລາຍງານ 28 ມີນາ 2018 ວ່າ: ທ່ານ ເຈນ ສະໂຕເທນເບີກ ເລຂາທິການອົງການສົນທິສັນຍາອາກລັງຕິກເໜືອ (NATO) ກ່າວເມື່ອວັນອັງຄານ (27 ມີນາ) ທີ່ຜ່ານມາ ເລື່ອງການເນລະເທດເຈົ້າໜ້າທີ່ການທູດຂອງລັດເຊຍ 7 ຄົນ ອອກຈາກສຳນັກງານຄະນະຜູ້ແທນຖາວອນລັດເຊຍ ປະຈຳ NATO ແລະ ປະຕິເສດຮັບສານຕາຕັ້ງຂອງເຈົ້າໜ້າທີ່ການທູດຊຸດໃໝ່ຈາກລັດເຊຍອີກ 3 ຄົນ ເພື່ອສະແດງຄວາມເປັນນ້ຳໜຶ່ງໃຈດຽວ ກັບພັນທະມິດຕໍ່ກໍລະນີທີ່ທ່ານ ເຊີເກ ສະກຣີພາລ ອະດີເຈົ້າໜ້າທີ່ໜ່ວຍຂ່າວກອງທາງການທະຫານລັດເຊຍ ແລະ ລູກສາວ ທີ່ລີ້ໄພຢູ່ໃນອັງກິດ ຖືກວາງຢາພິດທີ່ອອກລິດຮ້າຍແຮງຕໍ່ລະບົບປະສາດ ຢູ່ເມືອງຊາລິສບິວຣີ ຂອງອັງກິດ ເມື່ອວັນທີ 4 ມີນາ 2018 ທີ່ຜ່ານມາ.
AFP graphic showing which countries are expelling Russian officials in response to the spy poisoning case in Britain @AFPgraphics pic.twitter.com/iITgRUOpd0— AFP news agency (@AFP) March 28, 2018
ຂະນະທີ່ທ່ານ ບໍຣິສ ຈອນສັນ ລັດຖະມົນຕີກະຊວງການຕ່າງປະເທດອັງກິດກ່າວເຖິງ ຄວາມສາມັກຄີຂອງບັນດາປະເທດຕ່າງໆໃນຄັ້ງນີ້ ວ່າເປັນຈຸດປ່ຽນຄັ້ງສຳຄັນ ທີ່ບົ່ງບອກເຖິງໜ່ວຍຂ່າວກອງຂອງລັດເຊຍວ່າ ຕ້ອງໃຊ້ເວລາອີກດົນໃນການຟື້ນຟູສາຍພົວພັນຈາກກໍລະນີພໍ່-ລູກ ສະກຣີພາລ.
ໃນດ້ານຂອງທ່ານ ເຊີເກ ລາວາຣົບ ລັດຖະມົນຕີກະຊວງການຕ່າງປະເທດລັດເຊຍ ກ່າວວ່າສະຖານະການທີ່ເກີດຂຶ້ນຖືເປັນບົດທົດສອບໄດ້ເປັນຢ່າງດີ ວ່າມີປະເທດໃດແດ່ໃນເອີຣົບ ທີ່ຍັງເປັນເອກະລາດ, ໂດຍທ່ານ ເຊບາສຕຽນ ຄົວ ນາຍົກລັດຖະມົນຕີໂອຕຣິດ ກ່າວວ່າລັດຖະບານໂອຕຣິດຈະບໍ່ຮ່ວມເນລະເທດເຈົ້າໜ້າທີ່ການທູດຂອງລັດເຊຍ.
ເຊິ່ງທ່ານ ເຊີເກ ລາວາຣົບ ຢືນຢັນວ່າ ລັດຖະບານລັດເຊຍ ຈະມີມາດຕະການຕອບໂຕ້ຢ່າງເທົ່າທຽມ, ໃນດ້ານຂອງສະຖານທູດລັດເຊຍ ປະຈຳນະຄອນຫຼວງວໍຊິງຕັນ ໄດ້ມີການສຳຫຼວດຄວາມຄິດເຫັນອອນລາຍ ວ່າລັດຖະບານລັດເຊຍຄວນປິດສະຖານກົງສຸນໃຫຍ່ສະຫະລັດ ອາເມຣິກາແຫ່ງໃດໃນລັດເຊຍ ລະຫວ່າງສະຖານກົງສຸນໃຫຍ່ ທີ່ນະຄອນເຊັນປີເຕີສະເບີກ, ເມືອງວະລາດິວອສຕັອກ ແລະ ເມືອງເຢຄາເທຼິນເບີກ.
ສະແດງຄວາມຄິດເຫັນ