ມີຂີປະນາວຸດໂຈມຕີຖານທັບຊີຣີ 2 ແຫ່ງ ແຕ່ບໍ່ຮູ້ວ່າເປັນຂອງຝ່າຍໃດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiwlU5l2cxKmm56FFmnqBTq9a_nqlZ6-Y_PtVeZXkRsIe5FjLZJzsWAb8T9-H2vIxrc9UPWNx8_S7lN7N_O2nMmKYPFlvxhkj3TtMdbrdRfDKvBSU9bJJUtwDjAtI0AIXHO08bbjqgtjbI/s1600/868.jpg)
ສຳນັກຂ່າວຕ່າງປະເທດລາຍງານ 17 ເມສາ 2018 ໂດຍອ້າງອີງຈາກການລາຍງານຂອງສຳນັກຂ່າວ SANA ຂອງທາງການຊີຣີວ່າ ລະບົບປ້ອງກັນໄພທາງອາກາດຂອງກອງທັບຊີຣີ ສາມາດສະກັດຂີປະນາວຸດຈາກອາກາດສູ່ພື້ນ ທີ່ມີເປົ້າໝາຍໂຈມຕີຖານທັບອາກາດ 2 ແຫ່ງ ພາຍໃນເວລາໃກ້ຄຽງກັນ ເມື່ອຕອນເຊົ້າມືດຂອງວັນອັງຄານນີ້ ຕາມເວລາທ້ອງຖິ່ນ ນັ້ນຄືຖານທັບອາກາດເຊຣັດ (Shayrat) ໃນແຂວງຮອມ ທີ່ຢູ່ທາງພາກຕາເວັນຕົກຂອງຊີຣີ ແລະ ຖານທັບອາກາດ ອັນ-ດູເມຍ (Al-Dunayr) ທີ່ຢູ່ທາງພາກຕາເວັນອອກສຽງເໜືອຂອງນະຄອນຫຼວງດາມັດສະກັດ ໂດຍບໍ່ມີການລະບຸລາຍລະອຽດໃດໆເພີ່ມເຕີມອີກ ລວມເຖິງຈຳນວນຂີປະນາວຸດທີ່ສະກັດໄດ້.
BREAKING: Syrian air defenses respond to missiles over Homs province – state media https://t.co/dqDtBBBock pic.twitter.com/iFLgPRmPHG— RT (@RT_com) April 16, 2018
ການເຄື່ອນໄຫວດັ່ງກ່າວເກີດຂຶ້ນພຽງບໍ່ພໍເທົ່າໃດວັນ ພາຍຫຼັງທີ່ກອງທັບສະຫະລັດ ອາເມຣິກາ ແລະ ພັນທະມິດທີ່ປະກອບດ້ວຍຝຣັ່ງ ແລະ ອັງກິດ ຮ່ວມກັນປະຕິບັດການໂຈມຕີທາງອາກາດຕໍ່ເປົ້າໝາຍທາງຍຸດທະສາດ 3 ແຫ່ງໃນຊີຣີ ເມື່ອເຊົ້າມືດຂອງວັນເສົາ ທີ 14 ເມສາ ທີ່ຜ່ານມາ ໄດ້ແກ່: ສູນວິໄຈວິທະຍາສາດແຫ່ງຊາດຊີຣີ ນະຄອນຫຼວງດາມັດສະກັດ, ຖານທັບ ແລະ ຄັງອາວຸດເຄມີໃນແຂວງຮອມ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ