ອຳນວຍການ CIA ຢ້ຽມຢາມເກົາຫຼີເໜືອ ເຂົ້າພົບທ່ານ ຄິມ ຈອງ-ອຶນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgyRHZ-HyVXcoIiu5yXCBLqJarSNazQaEKBilvuXOUnKzA0XML2Chj6ofI5XEV1bi8rRF-e29byOurJFjbuV8nghKuDfrthyGYlIdr6M3e_3dD9IGcBsjFrwfs0DCASfUKbsSEjhOJRXj4/s1600/874.jpg)
ສຳນັກຂ່າວຕ່າງປະເທດລາຍງານ 18 ເມສາ 2018 ວ່າ: ໜັງສືພິມ Washington Post ລາຍງານເມື່ອວັນອັງຄານທີ່ຜ່ານມາ ໂດຍອ້າງອີງຈາກການໃຫ້ສຳພາດຂອງແຫຼ່ງຂ່າວລະດັບສູງໃນທຳນຽບຂາວວ່າ ທ່ານ ໄມ ພອມແພວ ຜູ້ນຳນວຍການສຳນັກງານຂ່າວກອງກາງ (CIA) ແລະ ວ່າທີ່ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ເດີນທາງຢ້ຽມຢາມນະຄອນຫຼວງປຽງຢາງ ເມື່ອຕົ້ນເດືອນນີ້ ແລະ ໄດ້ເຂົ້າພົບທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ເພື່ອປຶກສາຫາລືກ່ຽວກັບການພົບປະຫາລືຢ່າງເປັນທາງການລະຫວ່າງຜູ້ນຳເກົາຫຼີເໜືອ ກັບ ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ.
Mike Pompeo, CIA chief and secretary of state nominee, secretly met with North Korea's Kim Jong Un weeks ago https://t.co/Rrnf95U1Tc— Washington Post (@washingtonpost) April 18, 2018
![](https://blogger.googleusercontent.com/img/b/R29vZ2xl/AVvXsEhXdlvUDrmNoQP_jtVMulBlM01nsLiXoqmSYePysxg0Tup3KHCU798SFxknVmN2wyqXcMjGj1Fh-9O4Cwc4BWbo9RIIqvj7E3Duhhe1_nQVB_MtnGUV8fcX3lmshN_NCRxXi4r8FOvgj6U/s1600/875.jpg)
ລາຍງານດັ່ງກ່າວຂອງ Washington Post ໄດ້ຮັບການເຜີຍແຜ່ອອກມາໃນເວລາດຽວກັນກັບທີ່ ທ່ານ ໂດໂນ ທຣຳ ກ່າວລະຫວ່າງການພົບປະຫາລືກັບທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ໃນລັດຟໍຣິດາ ວ່າມີການປຶກສາຫາລືລະດັບສູງສຸດ ລະຫວ່າງເຈົ້າໜ້າທີ່ຂອງສະຫະລັດ ອາເມຣິກາ ກັບ ເກົາຫຼີເໜືອ ເຊິ່ງເປັນນິມິດໝາຍໃນການເລີ່ມຕົ້ນທີ່ດີ ທີ່ຈະນຳໄປສູ່ການຜ່ອນຄາຍຄວາມຂັດແຍ່ງຢູ່ແຫຼມເກົາຫຼີ ແລະ ທ່ານ ກັບ ຄະນະກຳລັງພິຈາລະນາສະຖານທີ່ຢ່າງໜ້ອຍ 5 ແຫ່ງ ສຳລັບການຈັດການພົບປະຫາລືຄັ້ງນີ້ ໂດຍຈະເປັນຄັ້ງທຳອິດ ແລະ ຄັ້ງປະຫວັດສາດທີ່ຜູ້ນຳສູງສຸດຂອງສະຫະລັດ ອາເມຣິກາ ກັບ ຜູ້ນຳເກົາຫຼີເໜືອຈະປະຊຸມຮ່ວມກັນ.
ຂະນະທີ່ທ່ານ ນາງ ຊາຣາ ແຊນເດີ ໂຄສົກທຳນຽບຂາວກ່າວເຖິງເລື່ອງນີ້ວ່າ: ມີການຕິດຕໍ່ລະດັບສູງສຸດ ລະຫວ່າງຜູ້ນຳທັງສອງປະເທດຈິງ ແຕ່ທ່ານ ໂດໂນ ທຣຳ ແລະ ຜູ້ນຳສູງສຸດຂອງເກົາຫຼີເໜືອຍັງບໍ່ໄດ້ໂອ້ລົມກັນໂດຍກົງ, ເຖິງຢ່າງໃດກໍ່ຕາມ ທ່ານ ນາງ ຊາຣາ ແຊນເດີ ປະຕິເສດທີ່ຈະກ່າວເຖິງການລາຍງານຂອງ Washington Post ເຊັ່ນດຽວກັນກັບ CIA ທີ່ຍັງບໍ່ສະແດງທ່າທີ່ຕໍ່ເລື່ອງທີ່ເກີດຂຶ້ນ.
ເຖິງຢ່າງໃດກໍ່ຕາມ, ກຳນົດການປະຊຸມສຸດຍອດລະດັບຜູ້ນຳກ່ຽວກັບສະຖານະການຢູ່ແຫຼມເກົາຫຼີ ທີ່ໄດ້ຮັບການຢືນຢັນຈາກທຸກຝ່າຍທີ່ກ່ຽວຂ້ອງຢ່າງເປັນທາງການແລ້ວຄື: ການພົບປະຫາລືລະຫວ່າງທ່ານ ຄິມ ຈອງ-ອຶນ ກັບ ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ທີ່ບ້ານປັນມຸນຈອມ ເຂດປອດທະຫານ ທີ່ເປັນຊາຍແດນລະຫວ່າງສອງເກົາຫຼີ ໃນວັນສຸກທີ 27 ເມສາ 2018 ນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ