FIFA ປັບໃໝສະຫະພັນບານເຕະແຫ່ງຊາດລາວ 7 ແສນໂດລາ ກໍລະນີເຄື່ອນຍ້າຍນັກເຕະຜິດຂໍ້ກຳນົດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiTOC7xNtAJc9C-pdMcXB9zvckuldQvrcydMd_uZ3CQWGF3SZtSr3Ba6mAVf2xz5mvpcrFuC78bBm3i5FY8zA33I1CR9nR6Yo1YF7dsSIXEC-xcILHMDdmjMvk1CtOb8ovj3roaD4M7nIU/s1600/995.jpg)
ເມື່ອວັນທີ 19 ເມສາ 2018 ທີ່ຜ່ານມາ, ສະຫະພັນບານເຕະສາກົນ ຫຼື FIFA ອອກຖະແຫຼງການວ່າ: ໄດ້ລົງໂທດປັບໃໝສະຫະພາບບານເຕະແຫ່ງຊາດລາວ ເປັນເງິນ 700,000 ໂດລາ ຈາກການລະເມີດຂໍ້ກຳນົດຕ່າງໆ ທີ່ກ່ຽວກັບການເຄື່ອນຍ້າຍນັກເຕະລະຫວ່າງປະເທດ ແລະ ການລົງທະບຽນໃນຄັ້ງທຳອິດຂອງນັກເຕະລຸ້ນເຍົາວະຊົນ, ເຊິ່ງຜິດກົດລະບຽບຂອງ FIFA ຕາມມາດຕາ 19 ວ່າດ້ວຍສະຖານະ ແລະ ການເຄື່ອນຍ້າຍນັກເຕະລະຫວ່າງປະເທດ ທີ່ເປັນຄວາມຜິດຫຼັກ ແລະ ຍັງຜິດຂໍ້ກຳນົດທີ່ເອົານັກເຕະລຸ້ນເຍົາວະຊົນ ແລະ ລຸ້ນຜູ້ໃຫຍ່ປະສົມກັນລົງແຂ່ງຂັນ.
Latest decisions of the FIFA Disciplinary Committee: https://t.co/J9umYW4sLg— FIFA Media (@fifamedia) April 19, 2018
Fifa fines the Lao Football Federation after a BBC story https://t.co/ZOunGXZqXx— BBC Africa (@BBCAfrica) April 20, 2018
![](https://blogger.googleusercontent.com/img/b/R29vZ2xl/AVvXsEigMRwvsmDmeGjlUFOZRXFXqXvbdgq_7e-lB7nRKEOvKJLxDoaZ_XOGqpnAoTIGEOGnGfsspexvRqINRhyiY6JTsF6BBU9yErCQMenVaryWuVnHpr-3o1oOulWsV6fNw9C0WL5nLDthwQk/s1600/997.jpg)
![](https://blogger.googleusercontent.com/img/b/R29vZ2xl/AVvXsEiNzruVY63uZm9Hjh5veH_n1JCJpNIgkuzYNMUJht8boEKKwVbgPlRitYcah4F0Tv_n2S2zjRSt2F1uIBjfnp3qwKbAMLpHRkmVR3pXiPaBelFABeUMENCiPEoMcTQDeOkBy2gpiRYuTJY/s1600/996.jpg)
![](https://blogger.googleusercontent.com/img/b/R29vZ2xl/AVvXsEgtEr5nksLrTWwMql_MPiwMfcvZ4R5abv6ykKKyfNJp7QyFSrUQ3GLWiw1QIHvfSvj4CaK7lrUnnrT9Am4P4pCbtm55-42b1qD7JqX1_yzEkuyAi6FTl5FqZukWpOvlaYiUIMR2bUFVD8w/s1600/998.jpg)
ເຊິ່ງການຕັດສິນດັ່ງກ່າວຂອງ FIFA ອາດສືບເນື່ອງມາຈາກສະໂມສອນບານເຕະໃນລາວ ຈັດຫາເຍົາວະຊົນອາຟຣິກາ ມາເຊັນສັນຍາເປັນນັກເຕະໃນສະໂມສອນຂອງຕົນແບບບໍ່ຖືກຕ້ອງ ເມື່ອປີ 2015 ທີ່ຜ່ານມາ, ໂດຍສຳນັກຂ່າວ BBC ລາຍໄດ້ລາຍງານວ່າ: ທີມບານສະໂມສອນຈຳປາສັກ ຢູໄນເຕັດ ທີ່ເມືອງປາກເຊ (ນະຄອນປາກເຊ ໃນປັດຈຸບັນ) ໄດ້ມີການຈັດຫານັກເຕະບານທີ່ເປັນເຍົາວະຊົນ ທີ່ອາຍຸຍັງບໍ່ເຖິງເກນຕາມກົດໝາຍ ແລະ ຂໍ້ກຳນົດຂອງ FIFA ຈາກປະເທດໃນເຂດອາຟຣິກາຕາເວັນຕົກ ໂດຍສະເພາະຢ່າງຍິ່ງຈາກປະເທດລີເບເຣຍ ເພື່ອເຊັນສັນຍາເຂົ້າເຝິກຊ້ອມ ແລະ ລົງຫຼິ້ນປະຈຳທີມໃນປະເທດລາວ ເປັນໄລຍະເວລາ 6 ປີ, ໂດຍຕໍ່ມາມີການເປີດເຜີຍວ່າ ເຍົາວະຊົນລະຫວ່າງ 14-16 ປີ ບໍ່ໄດ້ຮັບຄ່າຈ້າງ 200 ໂດລາຕໍ່ເດືອນ ຕາມສັນຍາ ແລະ ທັງຍັງຕ້ອງກິນຢູ່ໃນສະພາບທີ່ແອອັດ ກ້ອງອັດສະຈັນສະໜາມກີລາ, ໂດຍມີເຍົາວະຊົນລີເບເຣຍ 23 ຄົນ ທີ່ຜ່ານການຕິດຕໍ່ຈາກນາຍໜ້າຄົນລີເບເຣຍດ້ວຍກັນ ຕິດຕໍ່ມາໃຫ້ກັບສະໂມສອນດັ່ງກ່າວ, ເຮັດໃຫ້ສະໂມສອນຕ້ອງສົ່ງຕົວເຍົາວະຊົນບີເລເຣຍ 17 ຄົນກັບປະເທດ ແຕ່ຍັງເຫຼືອອີກ 6 ຄົນທີ່ສະໝັກໃນຢູ່ຕໍ່ໃນລາວ.
ເຊິ່ງຢ່າງໃດກໍ່ຕາມ, ທ່ານ ພອນສະຫວັນ ກິ້ວລະວົງ ປະທານສະໂມສອນຈຳປາສັກ ຢູໄນເຕັດ ໃນຂະນະນັ້ນລະບຸວ່າ: ທາງສະໂມສອນບໍ່ໄດ້ເຮັດຜິດກົດໝາຍ ເນື່ອງຈາກສັນຍາທີ່ເຮັດກັບເຍົາວະຊົນລີເບເຣຍ ບໍ່ແມ່ນສັນຍາແບບນັກເຕະບານອາຊີບທົ່ວໄປ ແລະ ນັກເຕະທີ່ມີອາຍຸຕ່ຳກວ່າເກນໃນຂະນະນັ້ນ ຍັງເຫຼືອພຽງແຕ່ຢູ່ດຽວຢູ່ໃນສະໂມສອນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ