IS ລະເບີດສູນລົງທະບຽນເລືອກຕັ້ງ ອາຟະການິດສະຖານ ຕາຍກວ່າ 50 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjnNtRTXtFl7TM23Lmc9BOg28rrxNAZRFDPoknu_Jg9riWJLkdEu02LI_5aWZg0XQheqyUH0T-TfrP5XvUs4DH17k21fLkSkBFlhDD1IoSbTecf_oGFsDTTYTzq15eKR1C_0wcatNlg23E/s1600/1003.jpg)
ສຳນັກຂ່າວຕ່າງປະເທດລາຍງານເມື່ອວັນທີ 22 ເມສາ 2018 ທີ່ຜ່ານມາວ່າ: ທ່ານ ນາຈິບ ດາເນສ ໂຄສົກກະຊວງປ້ອງກັນຄວາມສະຫງົບອາຟະການິດສະຖານ ຖະແຫຼງວ່າຄົນຮ້າຍ 1 ຄົນໄດ້ລະເບີດຂ້າຕົວຕາຍ ໂດຍການຍ່າງເຂົ້າໄປກໍ່ເຫດລະເບີດຕົວຕາຍຢູ່ໜ້າສູນລົງທະບຽນຜູ້ມີສິດເລືອກຕັ້ງ ໃນນະຄອນຫຼວງກາບູນ ເມື່ອວັນທີ 22 ເມສາ ທີ່ຜ່ານມາ ໃນຂະນະທີ່ເຈົ້າໜ້າທີ່ກຽມແຈກບັດປະຈຳຕົວຜູ້ມີສິດລົງຄະແນນສຽງເລືອກຕັ້ງ ສຳລັບການເລືອກຕັ້ງສະມາຊິກສະພາ ທີ່ກຳນົດຈະຈັດຂຶ້ນໃນເດືອນຕຸລາ ປີນີ້, ເບື້ອງຕົ້ນພົບຜູ້ເສຍຊີວິດ 32 ຄົນ ແລະ ບາດເຈັບອີກ 54 ຄົນ ຖືເປັນການໂຈມຕີຄັ້ງຮຸນແຮງທີ່ສຸດ ໃນນະຄອນຫຼວງກາບູນ ນັບຕັ້ງແຕ່ເຫດໂຈມຕີດ້ວຍການເອົາລະເບີດເຊື່ອງມາໃນລົດໂຮງໝໍ ເມື່ອເດືອນມັງກອນ ທີ່ຜ່ານມາ ເຮັດໃຫ້ມີຜູ້ເສຍຊີວິດປະມານ 100 ຄົນ.
![](https://blogger.googleusercontent.com/img/b/R29vZ2xl/AVvXsEgVrTM8QE50-Kfj81W18ohu2dxusI1QvfhBQeioYOBKxsOgTJcz4F5dmx0PtEl-Vmg52q3Mg6ixw49BDFgoSo7piIi50zJzJCxIjWjAGzCioBB7t0J9hnh0C9Ud3fl6BA4whgEV4yGWS4k/s1600/1001.jpg)
![](https://blogger.googleusercontent.com/img/b/R29vZ2xl/AVvXsEgR3-obizNbkaT7ZhS9_77_iCRrEDtEjZVUtWz5OlaUGr4QTmw_-lg_3PbvvVxH3hDshizzuPnmULGaqQ7q8GSo5k4fEAd-rSFLHztPrVf2Q2yRosEvBHIoeD5S4ES3kq4P7RxCkVTgZQU/s1600/1002.jpg)
ຕໍ່ມາກຸ່ມຫົວຮຸນແຮງ IS ໄດ້ອອກມາປະກາດອ້າງຄວາມຮັບຜິດຊອບວ່າ ເປັນຜູ້ໂຈມຕີດັ່ງກ່າວ ເພາະເປັນປະຕິບັດການຄັ້ງສຳຄັນ ເພື່ອທຳລາຍຄວາມໜ້າເຊື່ອຖືຂອງລັດຖະບານອາຟະການິດສະຖານ ທີ່ມີປະເທດຕາເວັນຕົກໃຫ້ການສະໜັບສະໜູນ.
ໃນດ້ານຂອງທ່ານ ວາຮິດ ມາໂຣ ໂຄສົກກະຊວງສາທາລະນະສຸກອາຟະການິດສະຖານຖະແຫຼງວ່າ ພົບຜູ້ເສຍຊີວິດເພີ່ມຂຶ້ນເປັນ 57 ຄົນແລ້ວ, ໃນຈຳນວນນີ້ເປັນຜູ້ຍິງ 22 ຄົນ ແລະ ເດັກນ້ອຍ 7 ຄົນ, ຂະນະດຽວກັນກໍ່ມີຜູ້ໄດ້ຮັບບາດເຈັບເຖິງ 119 ຄົນ ເປັນຜູ້ຍິງ 52 ຄົນ ແລະ ເດັກນ້ອຍ 17 ຄົນ ເຊິ່ງຕົວເລກຜູ້ເສຍຊີວິດອາດຈະສູງກວ່ານີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ