ເກົາຫຼີເໜືອ ຈະຍົກເລີກເຈລະຈາກັບ ສ.ອາເມຣິກາ ຫາກຍັງຖືກກົດດັນແຕ່ພຽງຝ່າຍດຽວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjuzmaXV26FXh0KM5gn-iNTofkKtlG4r9wmJz_P73mwF5hiGm_YATvKAjyKWRR0cMl7Jf6Q3EvRd_x219g2PlphrP3Ve6YpTFtLqa5dosUBaw2V3ATWD-2ymW1CCuNBvL3Gp-vTrX3L96A/s1600/1049.jpg)
ສຳນັກຂ່າວຕ່າງປະເທດລາຍງານເມື່ອວັນທີ 16 ພຶດສະພາ 2018 ທີ່ຜ່ານມາວ່າ: ສຳນັກຂ່າວກາງເກົາຫຼີ (KCNA) ລາຍງານໂດຍອ້າງອີງຄຳກ່າວຂອງທ່ານ ຄິມ ຄະເຢ-ກວານ ຮອງລັດຖະມົນຕີກະຊວງການຕ່າງປະເທດເກົາຫຼີເໜືອວ່າ ການທີ່ລັດຖະບານເກົາຫຼີເໜືອຍົກເລີກເຈລະຈາລະດັບສູງຮ່ວມກັບເຈົ້າໜ້າທີ່ຂອງລັດຖະບານເກົາຫຼີໃຕ້ ເຊິ່ງຕາມກຳນົດຈະຕ້ອງເກີດຂຶ້ນໃນວັນພຸດທີ 16 ພຶດສະພາ ທີ່ຜ່ານມາ, ຖືເປັນສັນຍານເຕືອນທຳອິດວ່າ ສາຍພົວພັນລະຫວ່າງສອງເກົາຫຼີເລີ່ມມີບັນຫາອີກຄັ້ງ.
#UPDATE North Korea threatens to cancel summit with US if Washington presses ahead with demand for Pyongyang to unilaterally give up its nuclear arsenal— AFP news agency (@AFP) May 16, 2018
ເຊິ່ງທ່ານ ຄິມ ກະເຢ-ກວານ ຢືນຢັນວ່າ: ເກົາຫຼີເໜືອມີຄວາມມຸ່ງໝັ້ນຢ່າງຊັດເຈນໃນການປົດອາວຸດນິວເຄຼຍ ແຕ່ກໍ່ຢ້ຳເຕືອນຫຼາຍຄັ້ງເຊັ່ນກັນວ່າ ເງື່ອນໄຂສຳຄັນຄືການທີ່ສະຫະລັດ ອາເມຣິກາ ຕ້ອງຢຸດຕິນະໂຍບາຍທີ່ເປັນປໍລະປັກຕໍ່ເກົາຫຼີເໜືອ ທີ່ລວມເຖິງການຂົ່ມຂູ່ຄຸກຄາມເລື່ອງນະໂຍບາຍນິວເຄຼຍ ນອກຈາກນີ້, ເຈົ້າໜ້າທີ່ລະດັບສູງດ້ານນະໂຍບາຍການຕ່າງປະເທດຂອງເກົາຫຼີເໜືອທ່ານນີ້ ຍັງກ່າວອີກວ່າ ລັດຖະບານເກົາຫຼີເໜືອບໍ່ຮັບເງື່ອນໄຂທາງເສດຖະກິດຂອງສະຫະລັດ ອາເມຣິກາ ເພື່ອແລກກັບການປົດອາວຸດນິວເຄຼຍ, ພາຍຫຼັງທີ່ທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ກ່າວເມື່ອອາທິດທີ່ຜ່ານມາວ່າ ການລົງທຶນຈາກສະຫະລັດ ອາເມຣິກາ ຈະຫຼັ່ງໄຫຼເຂົ້າສູ່ເກົາຫຼີເໜືອ ຫາກລັດຖະບານເກົາຫຼີເໜືອປົດອາວຸດນິວເຄຼຍເປັນການຖາວອນ.
ຫາກລັດຖະບານເກົາຫຼີເໜືອຍົກເລີກການເຈລະຈາກັບຜູ້ນຳສະຫະລັດ ອາເມຣິກາຈິງ ເຊິ່ງຈະເປັນຄັ້ງທຳອິດໃນປະຫວັດສາດຂອງການພົບປະລະຫວ່າງຜູ້ນຳສອງປະເທດນີ້ ແມ່ນມີຄວາມເປັນໄປໄດ້ສູງຫຼາຍ ທີ່ບັນຍາກາດຢູ່ແຫຼມເກົາຫຼີຈະກັບມາເຄັ່ງຕຶງອີກຄັ້ງ, ໃນເວລາດຽວກັນສາຍພົວພັນດ້ານການຄ້າລະຫວ່າງສະຫະລັດ ອາເມຣິກາ ກັບ ຈີນ ກໍ່ຍັງຄົງເຄັ່ງຕຶງຢູ່ເຊັ່ນກັນ, ໃນດ້ານຂອງກະຊວງລວມຊາດເກົາຫຼີໃຕ້ ອອກຖະແຫຼງການສັ້ນໆພຽງວ່າ ເກົາຫຼີໃຕ້ມີຄວາມເສຍໃຈເປັນຢ່າງຍິ່ງກັບສະຖານະການທີ່ເກີດຂຶ້ນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ