ຕຳຫຼວດມາເລເຊຍ ບຸກເຂົ້າກວດຄົ້ນເຮືອນອະດີດນາຍົກລັດຖະມົນຕີ ຕາມຂໍ້ຫາສໍ້ລາດບັງຫຼວງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh8y5EaeA7Z3iOZxO1vJP_MWPKnnAer1kXAUaFQ0CgUPOpKu4w7TisR4_6C-gybz4r_ekEXJ1z71SDPgT4DNbzySUO3IJbcl1TWsnG3MNLQUK-fKS3w3SnB2OxN5mrntXuTvsqHDBZBv-I/s1600/1199.jpg)
ສຳນັກຂ່າວຕ່າງປະເທດລາຍງານເມື່ອວັນທີ 16 ພຶດສະພາ 2018 ທີ່ຜ່ານມາວ່າ: ລົດຕຳຫຼວດກວ່າ 10 ຄັນໄດ້ນຳກຳລັງເຈົ້າໜ້າທີ່ຕຳຫຼວດບຸກເຂົ້າຄົ້ນເຮືອນຂອງທ່ານ ນາຈິບ ຣາຊັກ ອະດີດນາຍົກລັດຖະມົນຕີມາເລເຊຍໃນນະຄອນຫຼວງກົວລາລຳເປີ ເມື່ອຕອນຄ່ຳຂອງວັນພຸດ ທີ່ຜ່ານມາ, ແຕ່ທາງເຈົ້າໜ້າທີ່ຕຳຫຼວດຍັງບໍ່ໄດ້ຖະແຫຼງ ຫຼື ຊີ້ແຈງໃດໆເຖິງລາຍລະອຽດຂອງປະຕິບັດການຄັ້ງນີ້.
ແຕ່ສື່ທ້ອງຖິ່ນລາຍງານໂດຍອ້າງການເປີດເຜີຍຂອງແຫຼ່ງຂ່າວເຈົ້າໜ້າທີ່ຕຳຫຼວດວ່າ: ການເຂົ້າກວດຄົ້ນເຮືອນຂອງທ່ານ ນາຈິນ ຣາຊັກ ເປັນໄປຕາມຂໍ້ກ່າວຫາວ່າມີການຍັກຍອກເງິນຈຳນວນຫຼາຍພັນລ້ານໂດລາສະຫະລັດ ຈາກກອງທຶນເພື່ອການພັດທະນາປະເທດ ເຊິ່ງຫາກເປັນເລື່ອງຈິງ ກໍ່ເປັນສັນຍານບົ່ງບອກໄດ້ວ່າ ທ່ານ ນາຈິບ ຣາຊັກ ເຊິ່ງຂະນະນີ້ຖືກທາງການສັ່ງຫ້າມບໍ່ໃຫ້ອອກນອກປະເທດ ອາດຕ້ອງຖືກດຳເນີນຄະດີ.
![](https://blogger.googleusercontent.com/img/b/R29vZ2xl/AVvXsEjXI6V_r_lg-cdbuLcZoH9a9VimOYbbtUYEsenXTl1HybegH966OYJKXCFLNcN-CIpXdfSvyMgyogbOmeuxncyeCj6-qfwBHgXsYoskUZMdostVAhZwdR3bVmxT1nG25U9DyF5P3gXvosI/s1600/1198.jpg)
![](https://blogger.googleusercontent.com/img/b/R29vZ2xl/AVvXsEjYuIwoJXclaa2Uiz1rjtV7YHExiTCFtkuZzhkD3Uq76USJZkjy0nQcQsjbUUSUTsp3wzFV4PfbA-Bj_iAIUtAsfjKxKu14ZZYzuPKbEhW4pMQttx0hXen1wz58o2TIATTHoibescm9hf4/s1600/1197.jpg)
![](https://blogger.googleusercontent.com/img/b/R29vZ2xl/AVvXsEjzx2wFOsOnUr3qdBV6Gd6C5xWwGXoPA_W0VJiUWtaADqMnv6mhkwcEEoxx1N7bWfmIXJ_0-Y87AELNrvuhzHgYT25c_IS3AhhW_eqGrlIRLWpT0wp8j6iEEZngiDnfvOS5T_VzmvSKols/s1600/1196.jpg)
ທ່ານ ນາຈິບ ຣາຊັກ ເຊິ່ງຄັ້ງໜຶ່ງເຄີຍເປັນຜູ້ມີອຳນາດສູງສຸດໃນພັກຮ່ວມລັດຖະບານ ທີ່ປົກຄອງປະເທດມາເລເຊຍມາຫຼາຍສິບປີ ແຕ່ບໍ່ຊະນະການເລືອກຕັ້ງທົ່ວໄປຂອງມາເລເຊຍ ເມື່ອວັນທີ 9 ພຶດສະພາ ທີ່ຜ່ານມາ, ສາເຫດສ່ວນໜຶ່ງເພາະກະແສຄວາມບໍ່ພໍໃຈຂອງປະຊາຊົນໃນເລື່ອງທີ່ຊ່າລືກ່ຽວຂ້ອງກັບການສໍ້ລາດບັງຫຼວງກອງທຶນເພື່ອການພັດທະນາປະເທດ ໂດຍທ່ານ ນາຈິບ ຣາຊັກ ເປັນຜູ້ສະເໜີສ້າງຕັ້ງກອງທຶນນີ້ຂຶ້ນມາ ແລະ ຖືກ່າວຫາວ່າຍັກຍອກເງິນເກືອບ 700 ລ້ານໂດລາສະຫະລັດເຂົ້າບັນຊີສ່ວນຕົວ, ແຕ່ກໍ່ຍັງມີເງິນອີກຫຼາຍພັນລ້ານໂດລາສະຫະລັດ ທີ່ຍັງບໍ່ຮູ້ທີ່ມາທີ່ໄປ.
ທ່ານ ດຣ. ມະຫາເທ ໂມຮຳໝັດ ເຊິ່ງເຄີຍເປັນຜູ້ນຳລັດຖະບານໃນໄລຍະປີ 1981-2003 ຕ້ອງຫັນກັບມາສູ່ວົງການການເມືອງອີກຄັ້ງໃນໄວອາຍຸ 92 ປີ ທັງທີ່ປະກາດວ່າຈະບໍ່ກັບສູ່ວົງການການເມືອງອີກ ໄດ້ເປັນແກ່ນນຳໃນການຫາສຽງຕໍ່ຕ້ານທ່ານ ນາຈິບ ຣາຊັກ ຈົນຝ່າຍຄ້ານຊະນະການເລືອກຕັ້ງ ແລະ ໄດ້ກັບມາເປັນນາຍົກລັດຖະມົນຕີອີກຄັ້ງ ໂດຍທ່ານ ດຣ. ມະຫາເທ ໂມຣຳໝັດ ໄດ້ເປັນຜູ້ສັ່ງການໃຫ້ທ່ານ ນາຈິບ ຣາຊັກ ແລະ ຄອບຄົວ ລວມເຖິງບຸກຄົນອື່ນໆທີ່ກ່ຽວຂ້ອງກັບກອງທຶນ ເພື່ອການພັດທະນາປະເທດ ຫ້າມເດີນທາງອອກນອກປະເທດໃນໄລຍະນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ