ຈີນພ້ອມສະໜັບສະໜູນເຕັມທີ່ ເພື່ອສັນຕິພາບຢູ່ແຫຼມເກົາຫຼີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjlU4gEQwASfiaU_ONEucmN7BPKZQNQR1lGU_bYQw5BFnrPhTNT7ChNDisKrmyWcQgi6Wd5B7RNYi8ejGg0HhDnlvrdSCmfNr5qgbqh9X4x0raaWE-8RxTQJQ2qMpyK3RurXN-C-_-gV0I/s1600/1122.jpg)
ສຳນັກຂ່າວຕ່າງປະເທດລາຍງານ 3 ພຶດສະພາ 2018 ວ່າ: ກະຊວງການຕ່າງປະເທດຂອງຈີນ ອອກຖະແຫຼງການກ່ຽວກັບການເດີນທາງຢ້ຽມຢາມນະຄອນຫຼວງປຽງຢາງ ຂອງທ່ານ ຫວັງ ອີ້ ທີ່ປຶກຫາແຫ່ງລັດ ແລະ ລັດຖະມົນຕີກະຊວງການຕ່າງປະເທດຂອງຈີນ ເມື່ອວັນພຸດ ທີ 2 ພຶດສະພາ 2018 ວ່າ: ທ່ານ ຫວັງ ອີ້ ກ່າວກັບທ່ານ ຣີ ຢອງ-ໂຮ ລັດຖະມົນຕີກະຊວງການຕ່າງປະເທດເກົາຫຼີເໜືອ ສະແດງຄວາມຍິນດີໃນນາມຜູ້ແທນລະດັບສູງຂອງລັດຖະບານຈີນ ຕໍ່ຄວາມສຳເລັດເບື້ອງຕົ້ນ ຂອງການພົບປະຫາລືຄັ້ງສຳຄັນລະຫວ່າງທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ກັບ ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ທີ່ບ້ານປັນມຸນຈອມ ຝັ່ງເກົາຫຼີໃຕ້ ເມື່ອວັນທີ 27 ເມສາ 2018 ທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEi_HsJdjc5UAyige1kh51ZuVtBvqPzwoRGGRY1HpDfDNZUdmDFCqmXdVYtBSafgGxz1C4qE_UgV_rVQf3FnU7FhPqrLhR0_0GP7bKmS6Q009GJXejdArZjFsnrmj3z_DQsWhI1_YrDkzi8/s1600/1123.jpg)
![](https://blogger.googleusercontent.com/img/b/R29vZ2xl/AVvXsEgc3G2A5xV9n5FUHl6cD9Pno0OJtOASeYJV263QfCbQLmEXFz4iA8y7fZNz4Y9H9B8ovSdGqtLMRnW9fefsCOLft8Vb690OnEej1AkYKZ733_88uXzaTjs-1moSX9wGURwyryQv5fofTTQ/s1600/1124.jpg)
ເຊິ່ງທ່ານ ຫວັງ ອີ້ ຖືເປັນເຈົ້າໜ້າທີ່ລະດັບສູງສຸດດ້ານນະໂຍບາຍການຕ່າງປະເທດຄົນທຳອິດຂອງຈີນ ໃນຮອບ 11ປີ ທີ່ເດີນເດີນທາງຢ້ຽມຢາມນະຄອນຫຼວງປຽງຢາງ ຢ່າງເປັນທາງການ ເພື່ອຢືນຢັນເຖິງການສະໜັບສະໜູນຢ່າງເຕັມທີ່ຈາກຈີນຕໍ່ຂະບວນການປົດອາວຸດນິວເຄຼຍຂອງເກົາຫຼີເໜືອ ເຊັ່ນດຽວກັບການປະຕິຮູບເສດຖະກິດໃນປະເທດ ແລະ ການຟື້ນຟູສາຍພົວພັນກັບເກົາຫຼີໃຕ້, ຂະນະດຽວກັນ ທ່ານ ຫວັງ ອີ້ ກ່າວເຖິງການປະຊຸມຄັ້ງຕໍ່ໄປຂອງຜູ້ນຳສູງສຸດເກົາຫຼີເໜືອ ທີ່ຈະເປັນການພົບປະຫາລືກັບທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ວ່າຈະເປັນຄວາມຄືບໜ້າຄັ້ງສຳຄັນ ແລະ ລັດຖະບານຈີນພ້ອມທີ່ຈະມີບົດບາດຢ່າງສ້າງສັນ ຕໍ່ຂະບວນການສ້າງສັນຕິພາບຢູ່ແຫຼມເກົາຫຼີ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ