ລັດຖະມົນຕີຕ່າງປະເທດ ສ.ອາເມຣິກາ ຢ້ຽມຢາມເກົາຫຼີເໜືອ ຄັ້ງທີ 3 ເລີ່ມຂະບວນການປົດນິວເຄຼຍ ຢູ່ແຫຼມເກົຫຼີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgf1hd57qCuTMeUgobGnYNH6d-Q6zTXlqcXd9YP10ewiltVCCIGuWiAZnE-unScTZMj4f10Cjto2XRbrtb206dnfrQUFuDyYQDvzrycZFBo5fkHpvd_ZhMN5wVxK97f_h-TyMIpULeYZEs/s1600/1544.jpg)
ສຳນັກຂ່າວຕ່າງປະເທດລາຍງານເມື່ອວັນທີ 6 ກໍລະກົດ 2018 ທີ່ຜ່ານມາວ່າ: ທ່ານ ນາຍພົນ ຄິມ ຢອງ-ຊອນ ຮອງປະທານພັກແຮງງານເກົາຫຼີ ແລະ ເປັນມືຂວາຂອງທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ໄດ້ໃຫ້ການຕ້ອນຮັບທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ທີ່ເດີນທາງຢ້ຽມຢາມເກົາຫຼີເໜືອ ເປັນຄັ້ງທີ 3 ແລ້ວ ພາຍໃນໄລຍະເວລາພຽງບໍ່ພໍເທົ່າໃດເດືອນ ນັບຕັ້ງແຕ່ເຂົ້າຮັບຕຳແໜ່ງລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ເມື່ອທ້າຍເດືອນເມສາ ທີ່ຜ່ານມາ.
ການຢ້ຽມຢາມນະຄອນຫຼວງປຽງຢາງຂອງທ່ານ ໄມ ພອມແພວ ໃນຄັ້ງນີ້ຖືເປັນຄັ້ງທຳອິດ ນັບຕັ້ງແຕ່ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ພົບປະຫາລືກັບທ່ານ ຄິມ ຈອງ-ອຶນ ທີ່ສິງກະໂປ ເມື່ອວັນທີ 12 ມິຖຸນາ ທີ່ຜ່ານມາ.
ເຖິງຢ່າງໃດກໍ່ຕາມ, ລາຍລະອຽດຂອງການພົບປະຫາລືຄັ້ງນີ້ຍັງບໍ່ໄດ້ຮັບການເປີດເຜີຍ ເຖິງແມ່ນວ່າກະຊວງການຕ່າງປະເທດສະຫະລັດ ອາເມຣິກາ ຈະອອກຖະແຫຼງການ ແຕ່ກໍ່ມີເນື້ອໃນພຽງວ່າ: ຄະນະຜູ້ແທນເຈລະຈາຂອງລັດຖະບານສະຫະລັດ ອາເມຣິກາ ແລະ ລັດຖະບານເກົາຫຼີເໜືອ ເຫັນດີຮ່ວມກັນຈັດຕັ້ງຄະນະປະຕິບັດງານ ເພື່ອບັນລຸເປົ້າໝາຍໃນການປົດອາວຸດນິວເຄຼຍຢູ່ແຫຼມເກົາຫຼີ ແລະ ການດຳເນີນການສົ່ງມອບກະດູກທະຫານອາເມຣິກາ ທີ່ເສຍຊີວິດໃນປາງສົງຄາມເກົາຫຼີໃຫ້ແກ່ທາງການສະຫະລັດ ອາເມຣິກາ.
![](https://blogger.googleusercontent.com/img/b/R29vZ2xl/AVvXsEgGL9ay5ZvMIDKxsBW9WQCGZ8odN5frUtPvFxBBJFrEum7OBUO3Q1_L49cxGnkmf7kyfJwCEuTtOjItwLV0r_PlLgxlcHAfGptUwoYbG9-mza5A2F_S_xKt4MFZVTYG1jig9Oh0Kn8buO8/s1600/1548.jpg)
![](https://blogger.googleusercontent.com/img/b/R29vZ2xl/AVvXsEgJCV6mUQZKF9GtzZy711UfM170b40V59yQHhocRUDehQ5zb9d-9Ie21df7dd1mfdswOiRfioCmRIu7dQR9llWbJBAvGUu2jXtNXYWUsemr2Jkt728FOInkZR83dpR-iJJ2BPrhn_niO9I/s1600/1546.jpg)
![](https://blogger.googleusercontent.com/img/b/R29vZ2xl/AVvXsEjn31HhOMUODRnhsvsCiAn_eChjZwja27id30WNCMrZ1raKf83QBgLag3NeQ3eQHScNe_Moes-4jEJuB-0uE289BdPrDpHKNb_B666QxVwo6uFRv6uH1ZjVa0-iBs8BUKB5dyZy5RAMTMM/s1600/1547.jpg)
![](https://blogger.googleusercontent.com/img/b/R29vZ2xl/AVvXsEi_GG53Mjzr7EYGzyrzTP0lgJbv96HzkU0sj3pq2x4mnfStFAiBc1l55C5zuquByTOOumTi5eWFDBWd23ZoEHiRkgHc_EIan1QE3-P3VkGHV8lPG2_L_sFkYhajgXMkyiVwfvDf2IcchCE/s1600/1545.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ