ລະເບີດຂ້າຕົວຕາຍໜ້າສະໜາມບິນ ຕ້ອນຮັບການກັບມາຂອງຮອງປະທານປະເທດອາຟະການິດສະຖານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEheJn-39acsLGI3eH7q_Sll8oEfYh15JYp4ara1tf3xGaVEqIdF5rV0_sya8G0nLIkjk7RMfQyYiEAm08frFjAgr2BTj769z8SS5njDZM_x3wZxhF_twGSC_FbfV7reIfhZUQPQtw3u26E/s1600/1625.jpg)
ສຳນັກຂ່າວຕ່າງປະເທດລາຍງານເມື່ອວັນທີ 22 ກໍລະກົດ 2018 ທີ່ຜ່ານມາວ່າ: ເຈົ້າໜ້າທີ່ລັດຖະບານລະດັບສູງຂອງອາຟະການິດສະຖານ, ຜູ້ນຳທາງການເມືອງ ແລະ ບັນດາຜູ້ສະໜັບສະໜູນໄດ້ອອກມາຈາກສະໜາມບິນສາກົນກາບູນແລ້ວເມື່ອວັນອາທິດ ທີ່ຜ່ານມາ ພາຍຫຼັງທີ່ເດີນທາງມາຕ້ອນຮັບຮອງປະທານປະເທດທ່ານ ອັບດຸນ ຣາຊິດ ດອສຕຸມ ແຫ່ງອາຟະການິດສະຖານ ເຊິ່ງມີເຊື້ອສາຍອຸດສະເບກ ແລະ ຍັງເປັນອະດີດຜູ້ນຳກອງກຳລັງຝ່າຍຕໍ່ຕ້ານທີ່ຫາກໍ່ກັບມາຈາກການລີ້ໄພໃນຕ່າງປະເທດ ແລ້ວກໍ່ເກີດການລະເບີດຂຶ້ນຢູ່ບໍລິເວນທາງເຂົ້າສະໜາມບິນສາກົນກາບູນ ເຊິ່ງທ່ານ ນາຈິບ ດານິສ ໂຄສົກກະຊວງປ້ອງກັນຄວາມສະຫງົບຖະແຫຼງວ່າ ໄດ້ຮັບລາຍງານວ່າມີຜູ້ເສຍຊີວິດ ຫຼື ບໍ່ກໍ່ບາດເຈັບຈຳນວນ 10 ຄົນ, ມີເດັກນ້ອຍ ແລະ ເຈົ້າໜ້າທີ່ຝ່າຍຄວາມໝັ້ນຄົງລວມຢູ່ນຳ ຈາກເຫດລະເບີດຂ້າຕົວຕາຍຄັ້ງດັ່ງກ່າວ.
ສ່ວນຮອງປະທານປະເທດອາຟະການິດສະຖານ ແມ່ນເດີນທາງດ້ວຍລົດຫຸ້ມເກາະອອກຈາກສະໜາມບິນ ບໍ່ໄດ້ຮັບບາດເຈັບແຕ່ຢ່າງໃດ, ທ່ານໄດ້ຮັບການຕ້ອນຮັບຈາກປະຊາຊົນເປັນຈຳນວນຫຼາຍ ພາຍຫຼັງລົງມາຈາກຍົນເຊົ່າເໝົາລຳເດີນທາງມາຈາກຕວັກກີ ເຊິ່ງທ່ານໄດ້ໄປລີ້ໄພຢູ່ຕັ້ງແຕ່ເດືອນພຶດສະພາ ປີທີ່ຜ່ານມາ, ແຕ່ການກັບມາຂອງທ່ານເກີດຂຶ້ນໃນຊ່ວງທີ່ເກີດເຫດຮຸນແຮງຈາກການຕໍ່ຕ້ານໃນຫຼາຍແຂວງທົ່ວທັງພາກເໜືອຂອງອາຟະການິດສະຖານ ເຊິ່ງເປັນເຂດທີ່ໝັ້ນຂອງທ່ານ, ສ່ວນສາເຫດທີ່ທ່ານຕ້ອງລີ້ໄພຢູ່ຕ່າງປະເທດ ກໍ່ເພາະຖືກກ່າວຫາວ່າ ເປັນຜູ້ສັ່ງການ, ຂົ່ມຂູ່ຄຸກຄາມ ລວມໄປເຖິງການຂົ່ມຂູ່ຄູ່ແຂງທາງການເມືອງ ແຕ່ທ່ານປະຕິເສດທຸກຂໍ້ກ່າວຫາ.
![](https://blogger.googleusercontent.com/img/b/R29vZ2xl/AVvXsEhWae_GM1ZHNg-K3swo7xboJsHBV85tdOJ5TTYjn_4je1YxTRXWtlQmu2GiteRnOwNIWF6Sl9Smx9y9OWvpvRjzRlj9u4JL3eHlNq6Jp9Wjm95WmaNnA2KBrnTGfVtaK8_Ia2UEmKeMtlA/s1600/1628.jpg)
![](https://blogger.googleusercontent.com/img/b/R29vZ2xl/AVvXsEhhFR5qk45RzZk0oEqeTbFgbegO4RhgdSMvRAToNimb1ye_Bjg7y4ax7mNMlGRFPPx5mmbKoFULz4dkMToTlT1jx9RzkUZ9U0JeK_j97eYTd-FGWEMhrD4FPguHmaEsbtVTvF2Fy9DKb-Q/s1600/1627.jpg)
![](https://blogger.googleusercontent.com/img/b/R29vZ2xl/AVvXsEghNNoX65yTFPxMMyk2tplRDsOgT4pduQa-G9ZsWHmoe0HVPKQztJWEhVMmf68LaPk41lyNNswVNLt42yUAhWQ24xVu7Aow06K05F-Nw34QWya9wMGiOrz_HqyjvslfazdSlmw5AfLehRg/s1600/1626.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ