ປະຊາຊົນເມືອງສະໜາມໄຊ ເລັ່ງອົບພະຍົບຕະຫຼອດທັງຄືນ ໜີນ້ຳສັນເຂື່ອນແຕກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiPEH3KGn4d0q3gZiXgDtQezRd3OMwXuxT-7POuXclP2HoihCQySPzz-CX0ezDsZYmynz0gp10XPk6n7YimyrTl6xu8y3vV-4ujH4PfP-hO2IqQTQsgaTBKZSVnn6z3GgIPJZAKYD_aeW8/s1600/1653.jpg)
ປະຊາຊົນຫຼາຍບ້ານໃນເມືອງສະໜາມໄຊ, ແຂວງອັດຕະປື ໄດ້ມີການເລັ່ງອົບພະຍົບໜີມວນນ້ຳມະຫາສານຈາກເຂື່ອນເຊປຽນ-ເຊນ້ຳນ້ອຍ ທີ່ສັນເຂື່ອນດັ່ງກ່າວໄດ້ແຕກ ເມື່ອວັນທີ 23 ກໍລະກົດ 2018 ທີ່ຜ່ານມາ, ເຊິ່ງທາງເຈົ້າຂອງໂຄງການກໍ່ຄື ບໍລິສັດໄຟຟ້າເຊປຽນ-ເຊນ້ຳນ້ອຍ ໄດ້ອອກແຈ້ງເຕືອນວ່າ ຈະມີມວນນ້ຳເຖິງ 5,000 ລ້ານໂຕນ ໄຫຼລົງທີ່ເຂດລຸ່ມເຂື່ອນ ນັ້ນກໍ່ເຂດລຸ່ມແມ່ນ້ຳເຊປຽນ.
ໃນດ້ານຂອງຫ້ອງການວ່າແຂວງອັດຕະປືໄດ້ລາຍງານໃຫ້ຮູ້ວ່າ ລະດັບນ້ຳເຊປ່ຽນເມື່ອເວລາ 23:00 ໂມງ ຂອງຄືນວັນຈັນທີ່ຜ່ານມາ ທີ່ບ້ານເວີນແຄນໄດ້ຂຶ້ນສູງເຖິງຈຸດ 15 ແມັດ ແລະ ໄຫຼແຮງເຂົ້າຖ້ວມເຂດບ້ານໃໝ່, ບ້ານຫິນລາດ ແລະ ບ້ານສະໝອງໃຕ້ ເມືອງສະໜາມໄຊ ພ້ອມທັງໄດ້ຕັ້ງຄະນະຮັບຜິດຊອບຊ່ວຍເຫຼືອປະຊາຊົນທີ່ປະສົບໄພຄັ້ງນີ້ເປັນການດ່ວນ ເບີໂທຕິດຕໍ່ແມ່ນ 020 5553-6888 ແລະ 020 5563-6210.
![](https://blogger.googleusercontent.com/img/b/R29vZ2xl/AVvXsEhV776xOtKxXZOJQrEiJKjO8fDxiPEux5t3Aav0_s-03zvJ0apzGpYezHbxLzakEz46yvSJH044-N0gm0IFxTwRMa2ax45hV1vYo-A6EenK2-FvfwGyJkXhoNXC9qxgcL-eiHuS6_v6Y68/s1600/1648.png)
ນອກຈາກນີ້, ຍັງມີລາຍງານທີ່ມາຈາກທັງປະຊາຊົນໃນເຂດປະສົບໄພ ແລະ ຍາດພີ່ນ້ອງຂອງປະຊາຊົນໃນເຂດດັ່ງກ່າວວ່າ: ມີປະຊາຊົນຈຳນວນຫຼາຍຕິດຢູ່ກາງນ້ຳ ເນື່ອງຈາກປະລິມານນ້ຳໄດ້ຂຶ້ນສູງເຖິງເກືອບຖ້ວມຮອດຫຼັງຄາເຮືອນແລ້ວ ເຊິ່ງມີປະຊາຊົນຕິດຢູ່ພາຍໃນເຮືອນ, ເຊິ່ງທາງການແຂວງອັດຕະປື ກໍ່ໄດ້ຢືນຢັນວ່າ ມີການເລັ່ງດ່ວນໃຫ້ການຊ່ວຍເຫຼືອຢ່າງເຖິງທີ່ສຸດແລ້ວ ແຕ່ເປັນຫ່ວງປະຊາຊົນຫຼາຍ ເນື່ອງຈາກຈາກປະລິມານນ້ຳຂຶ້ນຢ່າງກະທັນຫັນ ບວກກັບເປັນຊ່ວງໄລຍະເວລາກາງຄືນ.
![](https://blogger.googleusercontent.com/img/b/R29vZ2xl/AVvXsEgFuCJ2JoIGu8bUMTeZh-p3Lu8Zx0IQ3QZfjrTacU8xeXBBcqt2W7MawGhS1idy5JncP_3Q2OdKRm5HYuMPFsRo34a2YjMeMoDnRhT-ZAPIlt8Dv7KEmqUoZCtBhv176YGUl-a_si-SO4A/s1600/651.jpeg)
![](https://blogger.googleusercontent.com/img/b/R29vZ2xl/AVvXsEgG9lphtZSCmWg0lTa8U-q3YTtFrJSYB9fNLqxKmnRL4Sa0hRNDHOKLQYjtYQYJAI7brIBnvlQjSOyi9xm7dATdwUwHju5_BdI5pSkf3sbFYM1tilAFEdXlbtidS-Y3kprts73l8kFCrrQ/s1600/1649.jpeg)
![](https://blogger.googleusercontent.com/img/b/R29vZ2xl/AVvXsEgDUFh2EM_9M3Oh8_80q7AHRzyslrxe1UVO_CZz1NEp_Z52ndF4DudaV1pIk5M76wmqGiYbwebNtGQVKTQ87PRS27PfcVYxdfjr2kiNV5uLq-HroCIAP2ZOFarRcVoVpN-UQQTtT9jcYqg/s1600/1650.jpeg)
![](https://blogger.googleusercontent.com/img/b/R29vZ2xl/AVvXsEigklzarEWivQM9XayMgu65Xe1wyZADjlvaQDa1OwdPT_uvAEApW0EVASYFlsT_O-X_OOQNam7TVg45lluSDGpDMGEWWC4C9eZ_rnujCmYtoRj_pvgDYNcMmzxSpXa-oyo1rL12teeXBR8/s1600/1652.jpeg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ