ຈີນເຕືອນພົນລະເມືອງ ໃຫ້ລະມັດລະວັງໃນການເດີນທາງໄປທ່ອງທ່ຽວໃນ ສ.ອາເມຣິກາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiD7prMbXSa2P24IyjxYvUVkQIRm7s9iQ6vZ99gvd7e8XGIJe99sOkwQyOi7IsMDSKqqwfBFe-vuvs9vxusVStICdYG12NaLQZnH3DSIJ6tgFO6zSI2F1OYQeyk3RLdvAYE63ecbeW1Cl8/s1600/1520.jpg)
ສຳນັກຂ່າວຕ່າງປະເທດລາຍງານເມື່ອວັນທີ 3 ມິຖຸນາ 2018 ທີ່ຜ່ານມາວ່າ ສະຖານເອກອັກຄະລັດຖະທູດຈີນ ປະຈຳນະຄອນຫຼວງວໍຊິງຕັນ, ສະຫະລັດ ອາເມຣິກາ ອອກຖະແຫຼງການເມື່ອວັນອັງຄານ ທີ່ຜ່ານມາ, ເຕືອນໄພພົນລະເມືອງຂອງຕົນໃນການເດີນທາງໄປທ່ອງທ່ຽວ ແລະ ໃຊ້ຊີວິດໃນສະຫະລັດ ອາເມຣິກາ ເນື່ອງຈາກເປັນປະເທດທີ່ມີລະບົບການຮັກສາຄວາມປອດໄພຍັງບໍ່ຄ່ອຍດີປານໃດ, ມີການກາດຍິງ, ມີການປຸ້ນຈີ້ ແລະ ການຂີ້ລັກມັກສົບ ຍັງຄົງເປັນຄະດີອາຊະຍາກຳທີ່ເກີດຂຶ້ນເປັນປະຈຳ ປະຊາຊົນຈີນຈຶ່ງຄວນເພີ່ມຄວາມລະມັດລະວັງກັບສິ່ງແວດລ້ອມຮອບຕົວ ແລະ ບຸກຄົນທີ່ມີພຶດຕິກຳທີ່ໜ້າສົງໄສ ລວມທັງຫຼີກລ້ຽງການເດີນທາງຢ່າງລຳພັງໃນຍາມຄ່ຳຄືນ.
![](https://blogger.googleusercontent.com/img/b/R29vZ2xl/AVvXsEi8F2GE9aJ5MvwQ_gVJCqnN67CiAE_raBDaeeY-6O48FY3qC4KDYyWYpowdHSBypVVcS3z2jmIjG4AYWAtvy0H8iZ4mPnmkvYi5K-Fr25HWbhGDqzqVPCRIXzle237Rm8Y-4LamRh6qTQU/s1600/1521.jpg)
ຂະນະດຽວກັນ, ຖະແຫຼງການຂອງສະຖານທູດຈີນຍັງເຕືອນເລື່ອງການເພີ່ມຄວາມຮອບຄອບໃນການກວດສອບໃບແຈ້ງຄ່າທຳນຽມການປິ່ນປົວທີ່ອາດຈະສູງເກີນຄວາມເປັນຈິງ, ການກວດຄົ້ນຈາກເຈົ້າໜ້າທີ່ພາສີ-ອາກອນ ແລະ ການສໍ້ໂກງດ້ານການສື່ສານໂທລະຄົມມະນາຄົມ ນອກເໜືອຈາກທີ່ເຄີຍປະກາດເຕືອນໄພຄວາມສ່ຽງກ່ຽວກັບໄພທຳມະຊາດ ເມື່ອເດືອນມັງກອນ ທີ່ຜ່ານມາ.
ໃນດ້ານຂອງທ່ານ ລູ່ ຄັງ ໂຄສົກກະຊວງການຕ່າງປະເທດຈີນ ປະຕິເສດວ່າຄຳເຕືອນດັ່ງກ່າວແຝງໄປດ້ວຍເຈດຕະນາທາງການເມືອງ ແລະ ຢືນຢັນວ່າ ການເຕືອນໃນລັກສະນະນີ້ ເປັນເລື່ອງປົກກະຕິຂອງສະຖານທູດໃນການເຕືອນພົນລະເມືອງຂອງຕົນ ໃຫ້ເພີ່ມຄວາມລະມັດລະວັງໃນການໃຊ້ຊີວິດໃນຕ່າງແດນ ແລະ ລະດູຮ້ອນໃນສະຫະລັດ ອາເມຣິກາ ເປັນຊ່ວງເວລາທີ່ຄົນຈີນເດີນທາງໄປທ່ອງທ່ຽວຫຼາຍທີ່ສຸດ, ເຖິງຢ່າງໃດກໍ່ຕາມ ການເຄື່ອນໄຫວຂອງລັດຖະບານຈີນໃນຄັ້ງນີ້ ເກີດຂຶ້ນທ່າມກາງຄວາມສາຍພົວພັນລະຫວ່າງສະຫະລັດ ອາເມຣິກາ ກັບ ຈີນ ກຳລັງເຄັ່ງຕຶງຢ່າງໜັກໜ່ວງຈາກຄວາມຂັດແຍ່ງທາງການຄ້າລະຫວ່າງກັນ.
It's totally within Chinese embassy's jurisdiction to alert tourists, Chinese Foreign Ministry said Tue, in response to Chinese Embassy in #Washington releasing a notice to alert Chinese citizens heading to the #US, especially students & their parents, to stay vigilant (file pic) pic.twitter.com/UmDP119hga— People's Daily,China (@PDChina) July 3, 2018
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ