ແຂວງອັດຕະປືສຸມໃສ່ທຸກກຳລັງເລັ່ງຊ່ວຍເຫຼືອປະຊາຊົນ ທີ່ໄດ້ຮັບຜົນກະທົບຈາກມວນນ້ຳເຂື່ອນແຕກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhWm7I1d9gQ_o3j4Ri_jLiPHYFvAxobI2d6Y2w5EfjhL0verwUSNFQej0EJE2IHsRbhoJv8fKXjju_u_yEox4VmXiohUOxQzRXW1Eizo_LSH7SVviTwTlPPcz151SM4cICsNq6Pru9lk4E/s1600/1657.jpg)
ຫ້ອງວ່ານແຂວງອັດຕະປືໄດ້ລາຍງານໃນຕອນເຊົ້າຂອງວັນທີ 24 ກໍລະກົດ 2018 ນີ້ວ່າ: ເຈົ້າແຂວງໆອັດຕະປື ພ້ອມດ້ວຍຄະນະໄດ້ລົງພື້ນທີ່ຕິດຕາມ ການປະຕິບັດງານຂອງເຈົ້າໜ້າທີ່ທຸກໜ່ວຍ ໃນການໃຫ້ຄວາມຊ່ວຍເຫຼືອແກ່ປະຊາຊົນຜູ້ໄດ້ຮັບຜົນກະທົບຈາກມວນນ້ຳທີ່ໄຫຼລົງມາຈາກເຂື່ອນເຊປຽນ-ເຊນ້ຳນ້ອຍ ແລະ ໄດ້ເຂົ້າຖ້ວມຢ່າງກະທັນຫັນໃນຫຼາຍບ້ານເຂດເມືອງສະໜາມໄຊ.
ເຊິ່ງທາງການແຂວງອັດຕະປືໄດ້ຕັ້ງຄະນະຮັບຜິດຊອບເປັນການດ່ວນ ເພື່ອຊ່ວຍເຫຼືອປະຊາຊົນ ຜູ້ປະສົບໄພໃນຄັ້ງນີ້ ຢູ່ເຂດເມືອງສະໜາມໄຊ ໂດຍມີເບີໂທຕິດຕໍ່ດັ່ງນີ້: 020 5553-6888 ແລະ 020 5563-6210.
ໂດຍຈາກລາຍງານຂອງປະຊາຊົນໃນເຂດປະສົບໄພໄດ້ໃຫ້ຮູ້ວ່າ: ລະດັບນ້ຳໄດ້ຖ້ວມຂຶ້ນສູງມາຕັ້ງແຕ່ເມື່ອຄືນວັນຈັນ ທີ່ຜ່ານມາເຖິງລະດັບຫຼັງຄາເຮືອນ ແລະ ມີປະຊາຊົນຕິດຢູ່ກາງນ້ຳລໍຖ້າການຊ່ວຍເຫຼືອຢູ່ ເຊິ່ງອີງຕາມຂໍ້ມູນຂອງທາງການອັດຕະປືໃຫ້ຮູ້ອີກວ່າ ລະດັບນ້ຳເຊປຽນ ເມື່ອເວລາ 23:00 ໂມງ ຂອງວັນຈັນ ທີ່ຜ່ານມາ ຂຶ້ນສູງເຖິງ 15 ແມັດ.
![](https://blogger.googleusercontent.com/img/b/R29vZ2xl/AVvXsEiyhyphenhyphen2_tHfksbRlrpls3EpqMqGvCcUH__p8yNuLuygbQTQ_ceu50JdC1t2-jPJD08X6Vy35qSTmQdKhUbHAG0iifjozVjC9nSUf0pG66onk5BoN4Mcu_-fSY0OlYmfm3eu9PZOrvrv0Nkk/s1600/1656.jpg)
![](https://blogger.googleusercontent.com/img/b/R29vZ2xl/AVvXsEhpNsa706m2xB5pa07jcNKWmlIqbfImQtxLySGswztB4rLFuhfvU6VjlWh9lkWlXJ2uHgy6XM3mXwNp7Cn_HV1d_TBGl-JIV3Adpc-GJvgIS8FZLdKNtGDixRpKYzR3PhyOIDjraBsAXL0/s1600/1658.jpg)
![](https://blogger.googleusercontent.com/img/b/R29vZ2xl/AVvXsEj-mUXBV3AbrdJWANeH940dGD65C1ht-kAl4I79w2OTl4Du9e0LnsDLyFs90OC6bMWgjFQoV2l2aR1vdECXWbZ9F-fjsgO5xK0Mq634HJ6ufafrc55fr4smRoVUI-TUPRY4a7jesB9Na2g/s1600/1659.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ