ເກີດແຜ່ນດິນໄຫວຮອບ 2 ສ້າງຄວາມປັ່ນປວນທົ່ວເກາະລອມບອກ ອິນໂດເນເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhVDMv1tSCM9bRl0OTClgfQWX-TUPrbPV1cF475kbpl_w1ax7DLe48IW9LAxoLBSTka3r47sxi8m3qxTzTuyDY9gXGVtD77q1_1LAmghk0Mu3DLaVjcYbco_M8E6I0RA2Hxe67ZI6FSX1I/s1600/000_188600.jpg)
ສຳນັກຂ່າວຕ່າງປະເທດລາຍງານ 9 ສິງຫາ 2018 ວ່າ: ສຳນັກງານອຸຕຸນິຍົມວິທະຍາແຫ່ງຊາດອິນໂດເນເຊຍລາຍງານການເກີດແຜ່ນດິນໄຫວຮອບ 2 ຮຸນແຮງ 6.2 ຣິກເຕີ ມີຈຸດສູນກາງຢູ່ເລິກລົງໄປໃຕ້ພື້ນດິນປະມານ 12 ກິໂລແມັດ ໃຫ້ກັບເມືອງມາຕາຣຳ ເຊິ່ງເປັນເມືອງເອກ ແລະ ຕັ້ງຢູ່ທາງພາກຕາເວັນຕົກຂອງເກາະລອມບອກ ເມື່ອເວລາ 13:25 ນາທີ ຂອງວັນພະຫັດນີ້ ຕາມເວລາທ້ອງຖິ່ນ.
![](https://blogger.googleusercontent.com/img/b/R29vZ2xl/AVvXsEjvwrfNXnS2CFXC7IRmsIcFV9qyrAUyPw9E_gjdQ48yCDOi9hDP5c8CT0rLhQSRFMzpM5q6Pj1GU-uS3exXjNfomGUvHZkf5Xhd3j6lvX3SF_pviuobIGszqrXwR5jqpI0I-AXdjDDvyR0/s1600/000_188601.jpg)
ໃນດ້ານຂໍ້ມູນຂອງສຳນັກງານສຳຫຼວດທໍລະນີວິທະຍາສະຫະລັດ ອາເມຣິກາ ວັດແທກຄວາມຮຸນແຮງແຜ່ນດິນໄຫວຄັ້ງນີ້ໄດ້ 5.9 ຣິກເຕີ ທີ່ລະດັບຄວາມເລິກ 10 ກິໂລແມັດ, ພາຍຫຼັງເກີດເຫດບໍ່ມີການປະກາດເຕືອນໄພ ແລະ ເຝົ້າລະວັງການກໍ່ຕົວຂອງຄື້ນຍັກສຶນາມິ, ເຖິງຢ່າງໃດກໍ່ຕາມ ແຮງສັ່ນສະເທືອນດັ່ງກ່າວສ້າງຄວາມແຕກຕື່ນໃຫ້ປະຊາຊົນຫຼາຍ ເນື່ອງຈາກເກີດຂຶ້ນພຽງບໍ່ພໍເທົ່າໃດວັນ ພາຍລັງແຜ່ນດິນໄຫວຮຸນແຮງ 6.9 ຣິກເຕີ ໃນບໍລິເວນໃກ້ຄຽງ ເມື່ອວັນອາທິດ ທີ 5 ສິງຫາ ທີ່ຜ່ານມາ.
ຂໍ້ມູນຈາກທາງການອິນໂດເນເຊຍລະບຸຕົວເລກຜູ້ເສຍຊີວິດຈາກເຫດແຜ່ນດິນໄຫວນັບຕັ້ງແຕ່ວັນທີ 5 ສິງຫາ ເປັນຕົ້ນມາ ມີຢ່າງໜ້ອຍ 319 ຄົນ, ບາດເຈັບ 1,400 ຄົນ ນອກຈາກນີ້ປະຊາຊົນຫຼາຍກວ່າ 156,000 ຄົນບໍ່ມີທີ່ພັກອາໄສ ເນື່ອງຈາກບ້ານເຮືອນຈຳນວນຫຼາຍໄດ້ພັງເພໝົດ ແລະ ກະແສໄຟຟ້າຍັງຖືກຕັດດຂາດກວມເອົາ 3 ໃນ 4 ຂອງພື້ນທີ່ເທິງເກາະລອມບອກ.
![](https://blogger.googleusercontent.com/img/b/R29vZ2xl/AVvXsEg2y5LQ0sDAdPUDTv0ffhN8QVInW3uUiC5Xcm_1A_CEPCKbVDUjNHSPbZRxo7C6JtQBIJjyK-K85tU_XggLLQoBtFmIYSOkrOSKsrKc14osGwiPdaz1kfhkeMPQKFmlWaYOQuASPRiZftQ/s1600/000_1885ZW.jpg)
![](https://blogger.googleusercontent.com/img/b/R29vZ2xl/AVvXsEh5eNJDZg8E4lrez6i10oggDQkw-OJem8mOpkutBqdLpm4Dw_rUodSZaJYqdS8z62eFurHFmy_NPE8gQSdR2JwHNnwtpbwPQEDRCTCYCR9AJqOqldo1DHHL5CBw0KYTrnMFjfZn6GU4X0Q/s1600/000_1886EY.jpg)
![](https://blogger.googleusercontent.com/img/b/R29vZ2xl/AVvXsEgk51jZ2tb9vaWpTvwPI9nTY6Pwh1zwbjd1Efe-58jtUVHcgD4CYev9VeNhyphenhyphen5vbncOrZalKvxEgUOePp-PhcrcVVhOAW8hMGDpMNlfGdRFlCXu0XD0MK0m2zDrKx36gk_n5iEf7eeZ7Yzc/s1600/000_1886EX.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ