ຊາອູດິດ ແລະ ພັນທະມິດໃຊ້ລະເບີດ ສ.ອາເມຣິກາ ໂຈມຕີລົດໂຮງຮຽນໃນເຢເມນ ເດັກນ້ອຍຕາຍ 40 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjFs3R3wwz6MaiKqmXizlYPwaRrAb4V1p6DavKwOurKpI7mGA7XxSYYRaQLkY-9ZP9O0lSoHtL4Lb7044JaFwTr2g_dpQuGC1TakVfgklgVoEOX7x0eHfJ_E867dfEDpXUkNnYYCakYcyA/s1600/000_18C5IQ.jpg)
ສຳນັກຂ່າວ CNN ລາຍງານເມື່ອ 18 ສິງຫາ 2018 ໂດຍອ້າງອີງຈາກຂໍ້ມູນຂອງຜູ້ຊ່ຽວຊານດ້ານອາວຸດວ່າ ລະເບີດທີ່ໃຊ້ໃນປະຕິບັດການໂຈມຕີທາງອາກາດຂອງກອງກຳລັງອາຣັບບີ ຊາອູດິດ ແລະ ພັນທະມິດ ທີ່ໄດ້ສ້າງຄວາມເສຍຫາຍແບບບໍ່ເຫຼືອອັນເອົາໃຫ້ກັບລົດເມຮັບສົ່ງນັກຮຽນ ທີ່ກຳລັງແລ່ນຢູ່ຕາມເສັ້ນທາງໃນພາກເໜືອຂອງເຢເມນ ເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 51 ຄົນ ໃນຈຳນວນນີ້ເປັນເດັກນ້ອຍຫຼາຍເຖິງ 40 ຄົນ ເມື່ອວັນທີ 9 ສິງຫາ 2018 ທີ່ຜ່ານມາ ເຊິ່ງເປັນລະເບີດຊື່ MK 82 ມີນ້ຳໜັກ 227 ກິໂລກຣາມ ນຳທາງດ້ວຍລະບົບເລເຊີ້ ໂດຍມີລາຄາລູກລະປະມານ 2 ລ້ານໂດລາສະຫະລັດ.
The bomb used by the Saudi-led coalition in a devastating attack on a school bus in Yemen was sold as part of a US State Department-sanctioned arms deal with Saudi Arabia, munitions experts told CNN https://t.co/IfRrOXgmeU pic.twitter.com/b02l1R7w6a— CNN (@CNN) August 17, 2018
ເຖິງແມ່ນວ່າພາຍຫຼັງເກີດເຫດໂຈມຕີສະຖານທີ່ຈັດງານສົບໃນເຢເມນ ທ່ານ ບາຣັກ ໂອບາມາ ປະທານປະເທດສະຫະລັດ ອາເມຣິກາໃນສະໄໝນັ້ນ ໄດ້ສັ່ງຫ້າມບໍລິສັດຂອງສະຫະລັດ ອາເມຣິກາຈຳໜ່າຍລະເບີດນຳທາງດ້ວຍເລເຊີ້ໃຫ້ແກ່ອາຣັບບີ ຊາອູດິດ ແຕ່ທ່ານ ໂດໂນ ທຣຳ ປະທານປະເທດຄົນປັດຈຸບັນ ໄດ້ຍົກເລີກຄຳສັ່ງຫ້າມດັ່ງກ່າວ ເມື່ອເດືອນມີນາ 2017.
ໃນດ້ານກອງທັບອາຣັບບີ ຊາອູດິດສະແດງທ່າທີຕໍ່ລາຍງານຂອງ CNN ພຽງວ່າ ປະຕິບັດການທາງທະຫານຂອງລັດຖະບານອາຣັບບີ ຊາອູດິດ ແລະ ພັນທະມິດເປັນໄປຕາມມະຕິຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ເພື່ອສະໜັບສະໜູນລັດຖະບານເຢເມນທີ່ມາຈາກການເລືອກຕັ້ງ ທີ່ຕ້ອງພັດຖິ່ນຈາກນະຄອນຫຼວງຊານາ ໄປຢູ່ທີ່ເມືອງເອເດນໃນພາກໃຕ້ແທນ ເພາະການຢຶດຄອງຂອງກຸ່ມກະບົດຮູຕີ ທີ່ອີຣານສະໜັບສະໜູນ ແລະ ຢືນຢັນວ່າປະຕິບັດການທາງທະຫານທຸກຄັ້ງບໍ່ໄດ້ມີເປົ້າໝາຍໂຈມຕີປະຊາຊົນ, ສ່ວນກະຊວງປ້ອງກັນປະເທດສະຫະລັດ ອາເມຣິກາປະຕິເສດສະແດງຄວາມຄິດເຫັນ.
ອີກດ້ານໜຶ່ງ, ທ່ານ ມາຕິນ ກຣິບຟິດ ທູດພິເສດດ້ານກິດຈະການເຢເມນຂອງສະຫະປະຊາຊາດ ໄດ້ເຊີນຜູ້ແທນລັດຖະບານພັດຖິ່ນຂອງເຢເມນ ແລະ ກຸ່ມຮູຕີ ເຂົ້າຮ່ວມການເຈລະຈາສັນຕິພາບຄັ້ງທຳອິດ ທີ່ເຈນີວາ ໃນວັນທີ 6 ກັນຍາ 2018 ນີ້ ເພື່ອຜ່ອນຄາຍສົງຄາມກາງເມືອງ ທີ່ຂ້າຊີວິດປະຊາຊົນໄປແລ້ວຫຼາຍກວ່າ 11,000ຄົນ ນັບຕັ້ງແຕ່ເດືອນມີນາ 2015.
![](https://blogger.googleusercontent.com/img/b/R29vZ2xl/AVvXsEg-epZ49rC4-D-N1QrulVygX2llqd69U5oUQdeGgiqhWjzZRhMUBAxDqRmR9BZ1yVEHjcF3_-60jdwyrFUwovJOlqGOV9Wa-KcwuhFzGNAWx9sEolQim9NaE6dSH9BHAOW6FkY_zwe0zh4/s1600/000_18C665.jpg)
![](https://blogger.googleusercontent.com/img/b/R29vZ2xl/AVvXsEiZBwFyvi-qbiVqPxk8Ru58foLTVliHSvuEjATlM6OR7oCHUazyjflmw-82nn_jwfRp3i5EZO7BmDGOnFWtCFXPiH3yzT3X7xITQD35VNjCWXCDskexFIWbOGtGV0TEyctGSN6oobP0IxU/s1600/000_18C5HU.jpg)
![](https://blogger.googleusercontent.com/img/b/R29vZ2xl/AVvXsEjc1ClU0FP380IqijoZfC3MlsafUBAV-OONlpjb88k7Kxj73N41szWPK7dZ2kUmj0jG4rxl1lEHBDtehstX-Cl9_qtgJNlKnXL9j2DrvcuN7kRkEvtaQhAopeV7PDnT7WAdrLg6ZUa09Vw/s1600/000_18C5TN.jpg)
![](https://blogger.googleusercontent.com/img/b/R29vZ2xl/AVvXsEhjR9HQApAUEWtz4ESgBZu8OE1ylPQjDZCBLpQ5RzwU6_Q0Y8_DYgVFZwYdctHuXtuPhOiscs3lbYmahC__3uTwOgo1gD6Mq1ZrkBHzuzm7BYxO3EGPe3qFsuFQw9TK6xsnGbxxVZM5wcQ/s1600/000_18C5TG.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ