ຜູ້ນຳເວເນຊູເອລາຖືກລອບສັງຫານ ດ້ວຍໂດຣນຖິ້ມລະເບີດ, ຂະນະທີ່ໂກໂລມບີ ຖືກກ່າວຫາວ່າຢູ່ເບື້ອງຫຼັງເຫດການນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgQZt3po55iwpjdhU8QftcRk88qvuZFgN22MteQoWQ13a9CPd21B2rMyiD4eRtejRK1NVMYb8qVVHnHaD9ZrkiT8A_8MVODFPZ1GRUxQpC6TN2ftH3UKQPi5bX6vR0Cz4R95KQxX0dtN5g/s1600/000_18513F.jpg)
ສຳນັກຂ່າວຕ່າງປະເທດລາຍງານ 4 ສິງຫາ 2018 ວ່າ: ທ່ານ ຮໍເກ ໂຣຣິເກສ ລັດຖະມົນຕີກະຊວງຖະແຫຼງຂ່າວຂອງເວເນຊູເອລາ ກ່າວວ່າ ເກີດເຫດລະເບີດຫຼາຍຄັ້ງ ໃນພິທີສະເຫຼີມສະຫຼອງຄົບຮອບ 81 ວັນສ້າງຕັ້ງກອງທັບໂບວິວາແຫ່ງຊາດເວເນຊູເອລາ ທີ່ຈັດຕຸລັດຫຼວງກາງນະຄອນຫຼາງກາຣາກັສ ເມື່ອຕົນແລງວັນເສົາ ຕາມເວລາທ້ອງຖິ່ນ ໃນຂະນະທີ່ທ່ານ ນິໂຄລັສ ມາດູໂຣ ປະທານປະເທດເວເນຊູເອລາ ກຳລັງກ່າວປາໄສ.
![](https://blogger.googleusercontent.com/img/b/R29vZ2xl/AVvXsEj_o9qDv568oyTQxhjLcDWS1YoqWQViKGEF_4NrVpJ7jYjdwsT_n887j_0hISMfdCUo3Tf4-Z0PqBJvpkJ-mMoaGyZDSCk6ZQWXptCgsmdWaVItWXjHIJq2n5oQ5OmftKE3N3swJADqRJA/s1600/000_18514N.jpg)
ໃນດ້ານກະຊວງການຕ່າງປະເທດໂກໂລມບີ ອອກຖະແຫຼງການປະຕິເສດຂໍ້ກ່າວຫາຂອງທ່ານ ນິໂຄລັດ ມາດູໂຣ ວ່າລັດຖະບານໂກໂລມບີບໍ່ໄດ້ມີສ່ວນກ່ຽວຂ້ອງກັບການໃຊ້ໂດຣນຕິດລະເບີດເພື່ອພະຍາຍາມລອບສັງຫານຜູ້ນຳເວເນຊູເອລາ ແລະ ເປັນຂໍ້ກ່າວຫາທີ່ບໍ່ມີມູນຄວາມຈິງ ເພາະບໍ່ມີຫຼັກຖານໃດໆເລີຍ ພ້ອມທັງເຕືອນໃຫ້ທ່ານ ນິໂຄລັສ ມາດູໂຣ ສະແດງຄວາມເຄົາລົບຕໍ່ທ່ານ ຮວນ ມານູເອວ ຊານໂຕສ ປະທານປະເທດໂກໂລມບີ, ໃນດ້ານຂອງແຫຼ່ງຂ່າວອາວຸໂສໃນກະຊວງການຕ່າງປະເທດສະຫະລັດ ອາເມຣິກາເປີດເຜີຍວ່າ ເຈົ້າໜ້າທີ່ລະດັບສູງຂອງລັດຖະບານສະຫະລັດ ອາເມຣິກາ ຮັບຊາບສະຖານະການທີ່ເກີດຂຶ້ນໃນເວເນຊູເອລາແລ້ວ ແລະ ກຳລັງຕິດຕາມສະຖານະການຢ່າງໃກ້ຊິດ.
![](https://blogger.googleusercontent.com/img/b/R29vZ2xl/AVvXsEin5Hm8o9uRyU-wWWdghigIeuc9P6_d3YBMa73RmpatHyDCx8MUMLHWmhmW1-DSTXH20pkPieP0Gg10GcCxnGNxH171bKd9h-I-uEQbmWWHQbkMHC3gnTmaXvqK8HTgh4o_nLCyjFH1zAs/s1600/000_18513J.jpg)
ເຖິງຢ່າງໃດກໍ່ຕາມ, ພາຍຫຼັງເກີດເຫດມີກຸ່ມຕິດອາວຸດທີ່ຮຽກຕົນວ່າ “ຂະບວນການເຄື່ອນໄຫວແຫ່ງຊາດຂອງທະຫານໃນເສື້ອເຊິດ” ອອກຖະແຫຼງການອ້າງເປັນຜູ້ພະຍາຍາມລອບສັງຫານຜູ້ນຳເວເນຊູເອລາ ເນື່ອງຈາກບໍ່ອາດປ່ອຍປະຕໍ່ຄວາມລົ້ມເຫຼວໃນການບໍລິຫານປະເທດພາຍໃຕ້ການນຳຂອງທ່ານ ນິໂຄລັສ ມາດູໂຣ ທີ່ສົ່ງຜົນໃຫ້ເກີດເສດຖະກິດຂອງເວເນຊູເອລາຕ້ອງລົ້ມລະລາຍ ປະຊາຊົນອຶດຫິວ ແລະ ສະຖານະການໃນບ້ານເມືອງເຂົ້າສູ່ຍຸກວຸ້ນວາຍ ແຕ່ຍັງບໍ່ມີຄຳຢືນຢັນຈາກລະດັບລັດຖະບານກ່ຽວກັບຄວາມໜ້າເຊື່ອຖືຈາກການເຄື່ອນໄຫວຂອງກອງກຳລັງນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ