ສານອຸທອນສະຫະລັດບໍ່ຮັບຄຳຮ້ອງ ຂໍຮື້ຟື້ນຄຳສັ່ງຫ້າມຜູ້ລີ້ໄພຂອງ ໂດໂນ ທຣຳ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEih4dPAM_uTspNJzmyt7jgSevGVsI2ilaiiDo9soaFMEdr7VyyGKJJrVcioGv_fpx0HT4OqpFQ6t_puijhrLXYLRQsptngqBrKBwrxvPCfjFaUCv9fpAfykV0UMWz55qHEsruQV3u9LQO4/s1200/22.jpg)
![](https://blogger.googleusercontent.com/img/b/R29vZ2xl/AVvXsEih4dPAM_uTspNJzmyt7jgSevGVsI2ilaiiDo9soaFMEdr7VyyGKJJrVcioGv_fpx0HT4OqpFQ6t_puijhrLXYLRQsptngqBrKBwrxvPCfjFaUCv9fpAfykV0UMWz55qHEsruQV3u9LQO4/s400/22.jpg)
ສຳນັກຂ່າວຕ່າງປະເທດລາຍງານ 5 ກຸມພາ 2017: ສານອຸທອນລັດຖະບານພາກ 9 ເຂດລັດວໍຊິງຕັນຕາເວັນຕົກ ມີຄຳພິພາກສາໃນວັນອາທິດນີ້ ປະຕິເສດຄຳຮ້ອງຂອງກະຊວງຍຸດທິທຳໃນນະຄອນຫຼວງວໍຊິງຕັນ ເຊິ່ງຕ້ອງການໃຫ້ຮື້ຟື້ນອຳນາດພິເສດຂອງປະທານາທິບໍດີ ໂດໂນ ທຣຳ ໃນການຄວບຄຸມຊາຍແດນຂອງສະຫະລັດ "ໂດນທັນທີທັນໃດ" ໂດຍບໍ່ມີການລະບຸເຫດຜົນຢ່າງຊັດເຈນ.
ເຊິ່ງ ຄຳສັ່ງດັ່ງກ່າວຂອງສານອຸທອນໝາຍຄວາມວ່າ ຄຳພິພາກສາຂອງຜູ້ພິພາກສາ ເຈມ ໂຣບາດ ຂອງສານຊັ້ນຕົ້ນລັດຖະບານກາງພາກ 9 ເຂດລັດວໍຊິຕັນຕາເວັນຕົກ ຈະຍັງຄົງມີຜົນບັງຄັບໃຊ້ທົ່ວປະເທດຢູ່ໃນຕອນນີ້ ໂດຍ ໂຣບາດ ມີຄຳພິພາກສາເມື່ອວັນສຸກທີ່ຜ່ານມາ ໃຫ້ລະງັບອຳນາດພິເສດຂອງປະທານາທິບໍດີ ໂດໂນ ທຣຳ ເຊິ່ງຍົກລະດັບການຄວບຄຸມຊາຍແດນຂອງສະຫະລັດ ດ້ວຍການປະຕິເສດການເຂົ້າເມືອງຂອງປະຊາຊົນຈາກ 7 ປະເທດເປັນເວລາ 90 ວັນ ເລີ່ມຕັ້ງແຕ່ວັນທີ 27 ມັງກອນ ທີ່ຜ່ານມາໄດ້ແກ່: ອິຣັກ, ອິຣານ, ຊີຣີ, ເຢເມນ, ລິບີ, ຊູດັງ ແລະ ໂຊມາລີ ແລະ ລະງັບໂຄງການຕັ້ງຖິ່ນຖານຂອງຜູ້ລີ້ໄພຈາກທຸກສັນຊາດເປັນເວລາ 120 ວັນ ແຕ່ຫາກເປັນຜູ້ລີ້ໄພຊາວຊີຣີ ຈະຖືກປະຕິເສດແບບບໍ່ມີກຳນົດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ