ສະຫະລັດອາເມຣິກາຂວໍ້າບາດບໍລິສັດ-ບຸກຄົນຈາກ 10 ປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj7Mk1DhJJRhVfD0wvlBi6G49yA_P6yvZtaAD0VHYKcekFX9wEr_dCNqHInrhExdQtS-ctk1c4VwLGJXtXf_IoaHRJYN2owKYy_IFT7XadUHk53aeuxKMTksjcFqT7j0sxPEyjFRg3bD2c/s1600/468.jpg)
ສຳນັກຂ່າວຕ່າງປະເທດລາຍງານ 25 ມີນາ 2017 ວ່າ: ລັດຖະບານສະຫະລັດອາເມຣິກາປະກາດຂວໍ້າບາດບໍລິສັດ ແລະ ບຸກຄົນລວມທັງໝົດ 30 ລາຍຈາກ 10 ປະເທດ ເຊິ່ງລວມເຖິງຈີນ ເນື່ອງຈາກມີສ່ວນຮ່ວມໃນກິດຈະກຳທີ່ເຂົ້າຂ່າຍຊ່ວຍເຫຼືອການພັດທະນາອາວຸດ ແລະ ຂີປະນາວຸດທຳລາຍລ້າງສູງໃນອີຣານ, ເກົາຫຼີເໜືອ ແລະ ຊີຣີ ເຊິ່ງເປັນການເພີ່ມຄວາມຂັດແຍ້ງໃຫ້ພູມມິພາກໃຫ້ສູງຂຶ້ນ ແລະ ເປັນໄພຕໍ່ຄວາມໝັ້ນຄົງຂອງພູມມິພາກ.
ຖະແຫຼງການຕ່າງປະເທດສະຫະລັດລະບຸວ່າ: ການຂວໍ້າບາດດັ່ງກ່າວຈະສົ່ງຜົນເຖິງບໍລິສັດ ແລະ ບຸກຄົນທີ່ຂົນສົ່ງສິນຄ້າໃນລາຍການອ່ອນໄຫວໃຫ້ກັບໂຄງການຂີປະນາວຸດຂອງອິຣານ ເຊິ່ງໃນຈຳນວນນີ້ປະກອບດ້ວຍບໍລິສັດຈີນ 6 ແຫ່ງ, ບຸກຄົນຊາວຈີນ 3 ຄົນ, ບໍລິສັດເກົາຫຼີເໜືອ 1 ແຫ່ງ ແລະ ບໍລິສັດຈາກເອເມຣັດ ອາຣັບ 1 ແຫ່ງ.
ຂະນະທີ່ອີກ 19 ລາຍນັ້ນ ຖືກພົບວ່າໄດ້ມີການຂົນສົ່ງຊື້ສິນຄ້າ, ບໍລິການ ຫຼື ເຕັກໂນໂລຊີທີ່ຢູ່ໃນລາຍການຄວບຄຸມຫ້າມສົ່ງອອກໄປຍັງອີຣານ, ເກົາຫຼີເໜືອ ແລະ ຊີຣີ ເຖິງຢ່າງໃດກໍ່ຕາມຖະແຫຼງການບໍ່ໄດ້ເປີດເຜີຍຊື່ບໍລິສັດ ຫຼື ບຸກຄົນທີ່ຖືກຂວໍ້າບາດໃນຄັ້ງນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ