ມາເລເຊຍຂັບໄລ່ທູດເກົາຫຼີເໜືອໃຫ້ອອກນອກປະເທດພາຍໃນ 48 ຊົ່ວໂມງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgqvGU1sy2DO8-zB0eR-Jj2VKaIxkpbxLTeRlNcGlqgw9EaKpWYVdbKb2zCkg_JzIEdOAKVT6FrGq0MTM5BSnRnYu4nm4iPIE4PS2kr2PI7hYUvBf4ZB0rPaPF6KPUkNEf6vSgr0_W-PdI/s1200/237.jpg)
![](https://blogger.googleusercontent.com/img/b/R29vZ2xl/AVvXsEgqvGU1sy2DO8-zB0eR-Jj2VKaIxkpbxLTeRlNcGlqgw9EaKpWYVdbKb2zCkg_JzIEdOAKVT6FrGq0MTM5BSnRnYu4nm4iPIE4PS2kr2PI7hYUvBf4ZB0rPaPF6KPUkNEf6vSgr0_W-PdI/s400/237.jpg)
ສຳນັກຂ່າວຕ່າງປະເທດລາຍງານ 5 ມີນາ 2017 ວ່າ: ທາງການຂອງປະເທດມາເລເຊຍປະກາດໃນວັນເສົາທີ 4 ມີນາ 2017 ໃຫ້ທ່ານ ຄັງ ຊອນ ເອກອັກຄະລັດຊະທູດເກົາຫຼີເໜືອເປັນບຸກຄົນບໍ່ເພິ່ງປາດຖະໜາ ແລະ ຂໍໃຫ້ເດີນທາງອອກຈາກປະເທດພາຍໃນ 48 ຊົ່ວໂມງ ເພື່ອຕອກຢໍ້າບັນຫາຄວາມສຳພັນທາງການທູດລະຫວ່າງປະເທດ ຫຼັງເກີດກໍລະນີການລອບຂ້າທ່ານ ຄິມ ຈອງ-ນຳ ອ້າຍຄົນລະແມ່ຂອງຜູ້ນຳສູງສຸດປະເທດເກົາຫຼີເໜືອ.
ເຊິ່ງທ່ານ ຄິມ ຈອງ-ນຳ ເສຍຊີວິດເມື່ອວັນທີ 13 ກຸມພາ 2017 ທີ່ສະໜາມບິນນານາຊາດກົວລາລຳເປີ ຫຼັງຖືກລອບຂ້າໂດຍແມ່ຍິງ 2 ຄົນເຊິ່ງເຈົ້າໜ້າທີ່ຕຳຫຼວດເຊື່ອວ່າທາສານ VX ເຊິ່ງເປັນພິດຮ້າຍແຮງໃສ່ໃນໜ້າຂອງທ່ານ ຄິມ ເຖິງຢ່າງໃດກໍ່ຕາມ ທ່ານ ຄັງ ອອກມາກ່າວໃນໄລຍະນັ້ນວ່າ ລັດຖະບານເກົາຫຼີເໜືອບໍ່ສາມາດເຊື່ອຖືການສືບສວນຂອງມາເລເຊຍໄດ້ ແລະ ກ່າວຫາມາເລເຊຍວ່າສົມຮູ້ຮ່ວມຄິດກັບອິດທິພົນພາຍນອກ.
ຄົນເວົ້າຂອງທ່ານ ຄັງ ເຮັດໃຫ້ນາຍົກລັດຖະມົນຕີ ນາຈິບ ຣາຊັກ ອອກມາວິພາກວິຈານຢ່າງຮຸນແຮງ ໂດຍລະບຸວ່າເປັນການເສຍມາລະຍາດທາງການທູດ
ລ່າສຸດໃນວັນເສົາທີ່ຜ່ານມາ ກະຊວງຕ່າງປະເທດມາເລເຊຍປະກາດຂັບໄລ່ທ່ານ ຄັງ ອອກຈາກປະເທດ ໂດຍລະບຸວ່າ ເຂົາເຈົ້າຮຽກຮ້ອງຄຳຂໍໂທດຈາກທ່ານ ຄັງ ມາຕະຫຼອດ ແຕ່ສິ່ງນັ້ນກໍ່ບໍ່ເກີດຂຶ້ນ ມາເລເຊຍຈະຕອບສະໜອງຢ່າງຮຸນແຮງຕໍ່ການກ່າວປະມາດ ຫຼື ຄວາມພະຍາຍາມໃດໆກໍ່ຕາມທີ່ຈະທຳລາຍຊື່ສຽງຂອງປະເທດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ