ຄົ້ນພົບ "ກັບແກ້" ສາຍພັນໃໝ່ ທີ່ບໍ່ພຽງແຕ່ມີເກັດຄືປາ ແຕ່ຍັງສາມາດລອກຄາບໄດ້ອີກດ້ວຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhIDtH9lIzWFO6Y8CtP23nqDfC47r7qGMXHxbTXOSIGYroJcOqCmWkzjNUK44iAer3ASepLTCdSh5jiB6jtt2uyONWysd-lzNzzQ0y2_UERPKLJ4wRZv2uFHHlsqKdaiLZkdU1Gc_M42zw/s1600/420.jpg)
ກັບແກ້ ທຳມະດາທົ່ວໄປກໍ່ສາມາດສ້າງຄວາມຢ້ານໃຫ້ກັບບາງຄົນໄດ້ແລ້ວ ແຕ່ນີ້ເປັນກັບແກ້ທີ່ບໍ່ເໝາະກັບຄົນທີ່ຂີ້ຢ້ານມັນ ເພາະນອກຈາກມັນຈະເປັນກັບແກ້ທີ່ມີເກັດຄືກັບປາແລ້ວ ກັບແກ້ເກັດ ຫຼື Geckolepis megalepis ຍັງສາມາດລອກຄາບເກັດຢູ່ຕົວຂອງມັນຈົນເຫຼືອແຕ່ໜັງໄດ້ອີກດ້ວຍ.
ເລື່ອງສຸດແປກນີ້ໄດ້ເກີດຂຶ້ນເມື່ອທີມນັກວິໄຈຈາກ Ludwig Maximilian University of Munich ໄດ້ເດີນທາງໄປໃນເຂດປ່າຝົນຂອງປະເທດມາດາກາສະກາ ແລະ ໄດ້ພົບກັບກັບແກ້ຊະນິດໃໝ່ທີ່ບໍ່ເຄີຍມີການບັນທຶກມາກ່ອນ ເຊິ່ງມີລັກສະນະພິເສດຢູ່ບ່ອນວ່າມັນເປັນກັບແກ້ທີ່ມີເກັດຂະໜາດໃຫຍ່ຄ້າຍຄືກັບປາ ເຊິ່ງຊ່ວຍໃຫ້ມັນພາງຕົວໄດ້ກົມກືນໄປກັບພື້ນຜິວທີ່ມັນຈັບຢູ່
![](https://blogger.googleusercontent.com/img/b/R29vZ2xl/AVvXsEiuwQauJJFjg0FCu4MJKuL-qfx_cfnVRUtqVh3HZWqEZvr-IFCyd35pz38ioX0yslS8UNvwSHjiKRs-OJXXjq_lXqCvCIMOXBq_dqryRNj5slC9yXUjS3xOS0Isbqd5qyOl1BdL6S0O1uE/s1600/421.jpg)
ນອກຈາກນີ້ ທີມນັກວິໄຈຍັງພົບວ່າເມື່ອກັບແກ້ຊະນິດນີ້ຖືກໂຈມຕີ ມັນຍັງສາມາດລອກເກັດຢູ່ໂຕຂອງມັນເພື່ອບ່ຽງເບນຄວາມສົນໃຈຂອງສັດຕູ ແລະ ເຫຼືອພຽງແຕ່ໜັງໃສໆ ເຊິ່ງມີຂໍ້ມູນວ່າການລອກເກັດຂອງກັບແກ້ຊະນິດນີ້ບໍ່ໄດ້ສ້າງອາການບາດເຈັບໃຫ້ກັບມັນແຕ່ຢ່າງໃດ ແລະ ໃຊ້ເວລາພຽງ 2 ອາທິດເທົ່ານັ້ນເກັດກໍ່ເກີດໃໝ່ຂຶ້ນມາປົກຄຸມຮ່າງກາຍໄດ້ຄືເກົ່າ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ