ສະຫະລັດ ອາເມຣິກາ ເລີ່ມຕິດຕັ້ງລະບົບ THAAD ໃນເກົາຫຼີໃຕ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhBv0yAfDNjNFeAoU1DiNa97r800S7_RESgYRGaAQoeNk0B-fgcd0lwV6UP5Ll9KYHBWGR3oVZKCT4_0aNK-aNK0BLHB0DPa3kDEWDBHbBqg69O6ek92cJ8YH7PNmTHCpqDeQ_gIg7Y2nI/s1200/270.jpg)
![](https://blogger.googleusercontent.com/img/b/R29vZ2xl/AVvXsEhBv0yAfDNjNFeAoU1DiNa97r800S7_RESgYRGaAQoeNk0B-fgcd0lwV6UP5Ll9KYHBWGR3oVZKCT4_0aNK-aNK0BLHB0DPa3kDEWDBHbBqg69O6ek92cJ8YH7PNmTHCpqDeQ_gIg7Y2nI/s400/270.jpg)
ສຳນັກຂ່າວຕ່າງປະເທດລາຍງານ 7 ມີນາ 2017 ວ່າ: ກອງບັນຊາການທະຫານພາກພື້ນອາຊີປາຊີຟິກຂອງສະຫະລັດ ອາເມຣິກາ ຖະແຫຼງເມື່ອວັນຈັນ (6 ມີນາ) ວ່າ ກອງທັບສະຫະລັດກຳລັງເລີ່ມຕິດຕັ້ງລະບົບຕໍ່ຕ້ານຂີປະນາວຸດໃຫ້ກັບເກົາຫຼີໃຕ້ ເຊິ່ງຈະຊ່ວຍສ້າງຊັ້ນປ້ອງກັນຂີປະນາວຸດ ແລະ ເສີມສ້າງຄວາມຮ່ວມມືລະຫວ່າງສະຫະລັດ ແລະ ເກົາຫຼີໃຕ້ ໃນການປ້ອງກັນໄພຮຸກຮານຂີປະນາວຸດຈາກເກົາຫຼີເໜືອທີ່ເລັ່ງທົດສອບອາວຸດນິວເຄຼຍ ແລະ ຍິງຂີປະນາວຸດຫຼາຍຄັ້ງ ທີ່ເປັນໄພຮຸກຮານຕໍ່ສັນຕິພາບ ແລະ ສະຖຽນລະພາບໂລກ, ລະເມີດມະຕິຄະນະມົນຕີຄວາມໝັ້ນຄົງແຫ່ງອົງການສະຫະປະຊາຊາດຫຼາຍຂໍ້.
ຖະແຫຼ່ງການຍັງລະບຸວ່າ: ລະບົບ THAAD ສາມາດປ້ອງກັນໄດ້ຢ່າງຮັດກຸມ ບໍ່ເປັນໄພຮຸກຮານຕໍ່ພູມມິພາກນີ້.
![](https://blogger.googleusercontent.com/img/b/R29vZ2xl/AVvXsEhaeslHMbmgEl_xIOkO51s5zlUAO9o_01FhQxnFyqgyX4wtXULoBbZuw_uquWxeyNnPeJUC1Era5jC7RuOp3Atqa8M5IPQhP8qdjtv7tH7ZeqDiLVX0KJkZVmfzqsvBYCeUa_wSOho6kgQ/s400/271.jpg)
ເຖິງເກົາຫຼີໃຕ້ ແລະ ສະຫະລັດເຫັນດີຮ່ວມກັນເມື່ອປີທີ່ຜ່ານມາ ໃຫ້ຕິດຕັ້ງລະບົບ THAAD ໃນເກົາຫຼີໃຕ້ ເຊິ່ງສາມາດກວດຈັບ ແລະ ທຳລາຍຂີປະນາວຸດພິໄສໃກ້ ແລະ ພິໄສກາງຂະນະຢູ່ໃນອາກາດຊ່ວງສຸດທ້າຍໄດ້ ແຕ່ຖືກຈີນປະນາມມາຕະຫຼອດວ່າ ລະບົບ THAAD ລະບົບປ້ອງກັນຂີປະນາວຸດັ່ງກ່າວເປັນໄພຮຸກຮານຄວາມໝັ້ນຄົງຂອງຈີນ.
ຖະແຫຼງການຈາກສະຫະລັດ ອາເມຣິກາເກີດຂຶ້ນພາຍຫຼັງທີ່ເກົາຫຼີເໜືອຍິງຂີປະນາວຸດ 4 ລູກມື້ວານນີ້ ໂດຍລັດຖະບານເກົາຫຼີເໜືອປະກາດວ່າ: ເປັນການເຝິກຊ້ອມໂຈມຕີຖານທັບສະຫະລັດໃນຍີ່ປຸ່ນທີ່ 3 ລູກໄດ້ຕົກໃຫ້ກັບຍີ່ປຸ່ນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ