ປ.ທຣຳ ອ້າງວ່າຄຳສັ່ງໂຈມຕີຖານທັບອາກາດຊີຣີ "ຖືກຕ້ອງຕາມກົດໝາຍ"
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgcfhNsUbIeXrzpmZdfBpdGqvtndL1Xg7HjYnJI4eUXwJdQKCkVW1YuFTmqxqjh8dYQtEQkXWJ7qwT2YtDy66w0MzykMLdPguPX-SDdnhdDr4yQl6MDpBEcC9fn9s_FS_FgaNZSGUcmL6w/s1600/517.jpg)
ສຳນັກຂ່າວຕ່າງປະເທດລາຍງານ 9 ເມສາ 2017 ວ່າ: ທ່ານ ໂດໂນ ທຣຳ ປະທານາທິບໍດີ ສະຫະລັດ ຍື່ນໜັງສືຕໍ່ທ່ານ ພໍ ໄຣອັນ ປະທານສະພາຜູ້ແທນປະຊາຊົນ ເມື່ອວັນເສົາທີ່ຜ່ານມາເພື່ອຊີ້ແຈງກ່ຽວກັບການໃຊ້ຄຳສັ່ງໃຫ້ກອງທັບປະຕິບັດການໂຈມຕີທາງອາກາດໃນຊີຣີ ເມື່ອວັນສຸກທີ່ຜ່ານມາ ດ້ວຍການລະດົມຍິງຂີປະນາວຸດ Tomahawk ຈຳນວນ 59 ລູກ ຈາກເຮືອພິຄາດໃນທະເລເມດີເຕີເຣນຽນ ໂຈມຕີຖານທັບອາກາດຂອງຊີຣີທີ່ຢູ່ພາກຕາເວັນຕົກຂອງປະເທດ ວ່າເປັນການປົກປ້ອງຜົນປະໂຫຍດດ້ານນະໂຍບາຍຕ່າງປະເທດ ແລະ ພື້ນຖານຄວາມໝັ້ນຄົງຂອງຊາດ.
![](https://blogger.googleusercontent.com/img/b/R29vZ2xl/AVvXsEhZGqvcu9OrUDG0jgWmg9YVic-ZA2fsEoxEmC529hFoG-SMd0JYAT766peHWkW4nYcDoVStjxp13FYgGdPFBCQ2LBQDwwrWV2-3uLfg4TbP-58zaBi1jdCXlQwcQ0WgJzQXfJKDO543JX4/s1600/518.jpg)
ເຊິ່ງຜູ້ນຳສະຫະລັດຢືນຢັນວ່າ ຄຳສັ່ງດັ່ງກ່າວເປັນໄປຕາມມະຕິອຳນາດສົງຄາມ ສະບັບປີ 1973 ທີ່ມອບອຳນາດໃຫ້ຜູ້ດຳລົງຕຳແໜ່ງປະທານາທິບໍດີ "ປະກາດສົງຄາມ" ຫຼື "ແຊກແຊງທາງການທະຫານ" ຕໍ່ລັດໃດລັດໜຶ່ງ ເຊິ່ງເກີດສະຖານະການຮຸນແຮງ ແລະ ເປັນໄພ ທີ່ອາດສົ່ງຜົນກະທົບຕໍ່ສະຫະລັດໃນອະນາຄົດ ໂດຍປະຕິບັດການທາງການທະຫານຕ້ອງສຳເລັດພາຍໃນ 60 ວັນ ແລະ ກອງທັບສະຫະລັດມີເວລາບໍ່ເກີນ 30 ໃນການຖອນທະຫານ.
ເຖິງຢ່າງໃດກໍ່ຕາມ ການໃຊ້ມະຕິອຳນາດສົງຄາມຂອງຜູ້ນຳສະຫະລັດຈຳເປັນຕ້ອງຍື່ນຕໍ່ສະພາພາຍໃນເວລາ 48 ຊົ່ວໂມງ ເພື່ອຂໍຮັບການພິຈາລະນາອະນຸມັດດ້ວຍສຽງສະໜັບສະໜູນຢ່າງໜ້ອຍ 2 ໃນ 3 ກ່ອນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ