ລະເບີດກາງງານຄອນເສີດຕາຍ 19 ບາດເຈັບ 59 ທີ່ອັງກິດ ນາຍົກຮຽກປະຊຸມຄວາມໝັ້ນຄົງສຸກເສີນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgdP64V5NN7eZFKE1FrsjWsmOz3cbVVbS_Sj6GbrOKtvN6XEU2gMos39pUeY6M3l97IP6gsGi39tC57e_g6_pJjSfXjaANXmjtIyhdwq1pqiUCI3BGzUISfS16OICEYtwkq7aNKvjMB8dM/s1600/944.jpg)
ສຳນັກຂ່າວຕ່າງປະເທດລາຍງານ 23 ພຶດສະພາ 2017 ວ່າ: ທ່ານນາງ ເທເຣຊາ ເມ ນາຍົກລັດຖະມົນຕີອັງກິດຮຽກປະຊຸມສຸກເສີນເຈົ້າໜ້າທີ່ລະດັບສູງຂອງໜ່ວຍງານດ້ານຄວາມໝັ້ນຄົງທຸກແຫ່ງ ທີ່ນຳທຽມນາຍົກລັດຖະມົນຕີ ເພື່ອປຶກສາຫາລືກ່ຽວກັບເຫດລະເບີດທີ່ແມນເຊສເຕີ ອາຣີນາ ເຊິ່ງເປັນສະຖານທີ່ຈັດສະແດງຄອນເສີດຂອງອາເຣຍນາ ແກຣນເດ ສິລະປິນສາວຊື່ດັ່ງຂອງອາເມຣິກາ ເມື່ອຄ່ຳຄືນວັນຈັນທີ່ຜ່ານມາ ເປັນເຫດໃຫ້ມີຜູ້ເສຍຊີວິດຢ່າງໜ້ອຍ 19 ຄົນ ແລະ ໄດ້ຮັບບາດເຈັບ 59 ຄົນ.
![](https://blogger.googleusercontent.com/img/b/R29vZ2xl/AVvXsEjCPWikIwp6HQ0J4YMdD8TSA9pfuYvczCfIJqHb6PFZipfauTe6C3IF8tqi7020z6AM2gFuVS1E4oArNbwiAPwjteRnhfuo961U3Hk9XSgyJBufk4cFLlowhgd-5MaRYSfVyTszya9jIb8/s1600/945.jpg)
ໂດຍຄຳຖະແຫຼງຂອງສຳນັກງານຕຳຫຼວດເຂດເກຣດເທີ ແມນເຊສເຕີ ຢືນຢັນການເກີດເຫດລະເບີດ 1 ຄັ້ງເມື່ອເວລາ 22:33 ນາທີ ຕາມເວລາທ້ອງຖິ່ນ ໃນແມນເຊສເຕີ ອາຣີນາ ພາຍຫຼັງສຳເລັດການສະແດງຄອນເສີດຂອງອາເຣຍນາ ແກຣນເດ ໂດຍແມ່ນເຊສເຕີ ອາຣີນາ ຖືເປັນເວທີການສະແດງໃນຮົ່ມຂະໜາດໃຫຍ່ທີ່ສຸດໃນເອີຣົບ ເປັນໃຊ້ງານເມື່ອປີ 1995 ແລະ ສາມດບັນຈຸຜູ້ຊົມໄດ້ປະມານ 21,000 ຄົນ ຫຼັງເກີດເຫດເຈົ້າໜ້າທີ່ໄດ້ເປີດໝາຍເລກໂທສະລັບສຸກເສີນ ເພື່ອໃຫ້ຄວາມຊ່ວຍເຫຼືອຜູ້ໄດ້ຮັບຜົນກະທົບ ແລະ ເພື່ອຮັບແຈ້ງເບາະແສເພີ່ມເຕີມຈາກປະຊາຊົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ